បែកក្លិនស្អុយ! ប្រធានការិយាល័យរៀបចំដែនដី ស្រុកពញាឮ ចាក់ដីរំលោភយកច្រាំងទន្លេសាងសង់ជាភូមិគ្រិះ បានដោយរំភើយ
![](https://blogger.googleusercontent.com/img/b/R29vZ2xl/AVvXsEiXUKDpdv4KYfFfGsK-cd7XGNTSebnGu3VKL4cr6iF0AwRzhKYd3t22NPG-m5tA-j0WN9bTw0HieY1wcsCuzBQll-SnwLFgCRaenhIN7tBfdXXURl4H5vmeWxdHYNlq56_KOaj_MPJS2Trey5ILLV7BsfDXFGlv-KRuzXtnL_BVqo-D6jrZBvMLhL-bgrQ/s1600/IMG_20231116_170400.png)
បែកក្លិនស្អុយ! ប្រធានការិយាល័យរៀបចំដែនដី ស្រុកពញាឮ ចាក់ដីរំលោភយកច្រាំងទន្លេសាងសង់ជាភូមិគ្រិះ បានដោយរំភើយ
បែកក្លិនស្អុយ! លោក ហ៊ាង គង់ផេង ដែលមានតួនាទីជាប្រធានការិយាល័យនគរូបនីយកម្មសំណង់ និងភូមិបាល នៃ ស្រុកពញាឮ ខេត្តកណ្តាល បានកំពុងតែចាក់ដីរំលោភលុបយកច្រាំងទន្លេ បានដោយរំភើយ ថែមទាំងសាងសង់ភូមិគ្រឹះដល់ធំស្គឹមស្កៃ ដោយគ្មានខ្លាចបុណ្យបាបបន្តិចសោះឡើយ។
យោងតាមប្រភពព័ត៌មាន ដែលអង្គភាពសារព័ត៌មាន «កងមាស» ទើបទទួលបានថ្មីៗនេះ បានរៀបរាប់ឲ្យដឹងថា៖ ច្រាំងទន្លេត្រង់ចំនុចភូមិពោធិតូច ឃុំកំពង់លួង ស្រុកពញ្ញាឮ ខេត្តកណ្តាល ត្រូវបានលោក ហ៊ាង គង់ផេង ប្រធានការិយាល័យនគរូបនីយកម្មសំណង់ និងភូមិបាល នៃ ស្រុកពញាឮ ខេត្តកណ្តាល បានប្រេីអំណាចខ្លួនចាក់ដីរំលោភយកចំណីទន្លេជម្រៅជិត៣០មែត្រ មកធ្វើជាកម្មសិទ្ធិបុគ្គលខ្លួនឯង ព្រមទាំងសាងសង់ភូមិគ្រឹះដ៏ដំស្គឹមស្គៃ និងផ្ទះលំហែរ ដោយពុំមានអាជ្ញាធរមកចុះហាមឃាត់សោះឡេីយ។
ប្រភពដដែលបានបានឲ្យដឹងទៀតថា៖ ប្រធានការិយាល័យនគរូបនីយកម្មសំណង់ និងភូមិបាល នៃ ស្រុកពញាឮ រូបនេះមិនត្រឹមតែចាក់ដីរំលោភយកច្រាំងទន្លេមក ធ្វើជាកម្មសិទ្ធិនោះ គឺបានបុកគ្រឹះធ្វើជារបងថ្មហ៊ុមព័ទ្ធចូលផ្ទៃទន្លេយ៉ាងធ្ងន់ធ្ងរថែមទៀត ហើយ ការប្រព្រឹត្តសកម្មភាពរំលោភបំពានបែបនេះ គឺជាគំរូដ៏សែនអាក្រក់ទៀតផង។
ទាក់ទិនករណីខាងលើនេះ អង្គភាពសារព័ត៌មានយើងបានធ្វើការទំនាក់ទំនងសុំការបំភ្លឺពីលោក ហ៊ាង គង់ផេង ប្រធានការិយាល័យនគរូបនីយកម្មសំណង់ និងភូមិបាល នៃ ស្រុកពញាឮ លោកហ៊ាង គង់ផេង បានរៀបរាប់ថា៖ «ដីមួយកន្លែងនេះគឺជាដីអ្នកប្រកបរបរនេសាទ ហើយរបងនេះបានធ្វើតាំងតែពីឆ្នាំ២០១៦ មកម្ល៉េះ ហើយលោក ហ៊ាង គង់ផេង ប្រធានការិយាល័យនគរូបនីយកម្មសំណង់ រូបនេះ បានធ្វើរបងតពី របងចាស់ ពោលគឺគ្រាន់តែធ្វើរបងខាន់ព្រំដីតែប៉ុណ្ណោះ»។
អភិបាលស្រុកពញាឮ លោក ថន សុវណ្ណា ក៏បានប្រាប់សារព័ត៌មានថា ដីនោះ គឺលោក ហ៊ាង គង់ផេង ប្រធានការិយាល័យនគរូបនីយកម្មសំណង់ ទិញតពីគេ ចំពោះទាក់ទិនទៅនឹងការសាងសង់រំលោភយកច្រាំងទន្លេលោកអភិបាលស្រុកមិនបានបំភ្លឺនោះទេ ពោលគឺឲ្យសារព័តមានយើងទំនាក់ទំនងសួរទៅកាន់លោក ហ៊ាង គង់ផេង ប្រធានការិយាល័យនគរូបនីយកម្មសំណង់ វិញទៅ។
តាមការលើកឡើងរបស់លោក ហ៊ាង គង់ផេង ប្រធានការិយាល័យនគរូបនីយកម្មសំណង់ ដែលកំពុងតែបែកធ្លាយក្លិនស្អុយ ហាក់បីដូចជាបំភ្លឺដោះសារ ផ្ទុយពីរូបភាពនិងសកម្មភាពជាក់ស្តែងដែលខ្លួនកំពុងតែប្រព្រឹត្ត ខណៈដែលលោក ថន សុវណ្ណា អភិបាលស្រុកពញាឮ ក៏កំពុងតែមានលក្ខណៈសកម្មភាពលាក់បាំង ដោយពុំហ៊ានផ្តល់បទសម្ភាសន៍ដល់អ្នកសារព័ត៌មានយើងនោះទេ។
ករណីខាងលើនេះប្រជាពលរដ្ឋជាច្រើនស្នេីរសុំ ឯកឧត្តម គង់ សោភ័ណ្ឌ អភិបាល នៃគណៈអភិបាលខេត្តកណ្តាល សូមមេត្តាចាត់មន្ត្រីជំនាញពាក់ព័ន្ធចុះត្រួតពិនិត្យវាស់វែងនិងចាត់វិធានការណ៍តាមផ្លូវច្បាប់។
ប្រជាពលរដ្ឋសូមអំពាវនាវដល់ក្រសួង ធនធានទឹក ក្រសួងបរិស្ថាន ក្រសួងរៀបចំដែនដី និងមន្ទីរជំនាញពាក់ព័ន្ធគ្រប់ជាន់ថ្នាក់សូមមេត្តាចាត់មន្ត្រីជំនាញចុះអធិការកិច្ច វាស់វែងចំពោះការសាងសង់រំលោភយកច្រាំងទន្លេពីសំណាក់លោក ហ៊ាង គង់ផេង ដែលមានតួនាទីជាប្រធានការិយាល័យនគរូបនីយកម្មសំណង់ និងភូមិបាល នៃ ស្រុកពញាឮ ខេត្តកណ្តាល ផងទាន។
អង្គភាពសារព័ត៌មានយើងរង់ចាំការបកស្រាយបំភ្លឺពីអាជ្ញាធរ និងសាមីពាក់ព័ន្ធរៀងរាល់ម៉ោងធ្វើការ៕
![](https://blogger.googleusercontent.com/img/b/R29vZ2xl/AVvXsEj_ICF99giXKQoP7chILgDBROaVnFAgZCkwTa_4JjlCEqvcnoTdTeCHH3CCboE9PnROfnCqGjhjPXlj-XydY9tJRkXB_hCQXam1uOmVrZGxiI3useb_vcj1LzdaLn2dnRD38mD93IV6-oiET6dBFiAKwm0rs021MYbimQPR5nGqEg62RThzae5BEqTIqeE/s1600/151629568_3556968277764719_762054190006097923_n%20%281%29.jpg)
![](https://blogger.googleusercontent.com/img/b/R29vZ2xl/AVvXsEgG7-y50anXC3Of9HGAxqVdQ9s4_NOUBaSqmyFvRIRtRUK-mhqzL7hSdGA2iZeDMUXD-WLuzMv4qF8qoLFsEsBepSyrwOBICSh1NTD6WqW0s6fHAYYDdTM993YBn0O4prbBUlmZz_EMz6MDPp1xAl5IsUyEWm5qdTpdi905d5F6xwG3U1ZW02HWKf-Fjio/s1600/FB_IMG_1700128434617.jpg)
![](https://blogger.googleusercontent.com/img/b/R29vZ2xl/AVvXsEjnVPri6J-J6GmuonHqV63rdEZammZNK9c9HeXViLHVZSF4qqccpdhFgLrsBOvtPxF4-iJmCmYJ11RIbS5Z7ixLSZXrt9jV-knQtdIoRHlaQF4YAB4Ajf1C2MUMj4cX0saaRT8yHAYfG2K20X2n086mh8Gz0mwwl6NWnT35M1dcqV70p20vw0zB95RvdO8/s1600/FB_IMG_1700128316261.jpg)
![](https://blogger.googleusercontent.com/img/b/R29vZ2xl/AVvXsEj8y0n38irV45jCv8SZot-bH1qnB-HwzhpOd1QDQxquyx46O4nELpEIzhC-jRhl3uLpKgqZ8ZtuxJWUifs4v6JwdBomt2S9voFm8ApaBXxu7pcWgMgS9Q96tTtik5DiPEpHhtEXRxvvCQptZQ_FL_RMK_6jeWp0BD-t_HxYyOn6hyphenhyphen1ftQ3wS_dgwFAbIgc/s1600/IMG_20231116_170957.jpg)
![](https://blogger.googleusercontent.com/img/b/R29vZ2xl/AVvXsEjGjYkTnVPM5_BNqPNA5P5bBoVSvyuDfO2v-vRqhRFo2dCQc6Ip7E8UVF1nqw838Knvdyrq4skbOGSqzexKG0kdDbHlBL_iciwnnL2uX1L7BoOVPmTp2Jme7TeB-KjoArpuHijCz4MTEvPZCdBNMPVaV4ftSTC96Q5A5CG4WDu_zCGZNJlD5by9llVcmQk/s1600/IMG_20231116_170804.jpg)
![](https://blogger.googleusercontent.com/img/b/R29vZ2xl/AVvXsEgRN9aKoLAF09tbukY3es0oNF7o8rrw7pMSLx3ykpj4Ir7M7daaqJRU87Xs1EisAkONH5OOaMEJNoH77WuH4EIAFVpGWHuROk0n2SCNe-g9uAFLatU0R1Jp-_PrEXKLi_YV1OGT5EJJOjUb-CwcmpoMClTgNMYBu-ppWBFk_tR9JKuJJm68duz0wkwc404/s1600/IMG_20231116_170823.jpg)
No comments