ករណីហិង្សា ក្នុងទីតាំងល្បែងស៊ីសងខុសច្បាប់ តែលោកមេប៉ុស្តិ៍សង្កាត់ទន្លេបាសាក់ ថាមិនដឹងកើតនៅទីណានោះទេ
![](https://blogger.googleusercontent.com/img/b/R29vZ2xl/AVvXsEimPY1H-BzO3bFTsFIfVrNpqObYpIBl6TzxhOkcjHO9KrX7LnLzqwL0TmeV5Zv09g83Qd3bTTC1ZbwEQvHuCwcWBnQl-2YJ_tpcPNdKQLbLqlepCAVawkcKl5tCURluMxTPvK0Bjolp3hQ5hETJ6yucvQH0eEe7qzgzhBiTPS-PJliuhQcfpCcPcMSTOzw/s1600/Polish_20240117_174245507.jpg)
ករណីហិង្សា ក្នុងទីតាំងល្បែងស៊ីសងខុសច្បាប់ តែលោកមេប៉ុស្តិ៍សង្កាត់ទន្លេបាសាក់ ថាមិនដឹងកើតនៅទីណានោះទេ
តាមសេចក្តីរាយការណ៍បានឲ្យដឹងថា កាលពីល្ងាចថ្ងៃទី១៦ ខែមករា ឆ្នាំ២០២៤ នៅក្នុងចំណុចទីតាំងល្បែងស៊ីសងខុសច្បាប់ យីហោ «តាហ្វូហោ» ស្ថិតនៅសង្កាត់ទន្លេបាសាក់ ខណ្ឌចំការមន រាជធានីភ្នំពេញ មានករណីហិង្សា បង្កដោយម្ចាស់បនល្បែង បណ្តាលឲ្យបុរសម្នាក់ដែលជាជនជាតិចិនរង់របួសពកក្បាល ចេញឈាមរិចៗ។
ប្រភពព័ត៌មានបានបន្តទៀតថា៖ ក្រោយហេតុការណ៍កើតឡើងក៏មានកម្លាំងអាជ្ញាធរនិងសមត្ថកិច្ចមូលដ្ឋានចុះទៅដល់កន្លែងកើតហេតុ រួចក៏យកភាគីពាក់ព័ន្ធទាំងសងខាង ទៅកាន់ប៉ុស្តិ៍នគរបាលរដ្ឋបាលសង្កាត់ទន្លេបាសាក់ ខណ្ឌចំការមន ដើម្បីដោះស្រាយវិវាទក្រៅប្រព័ន្ធ។
ករណីខាងលើនេះអង្គសារព័ត៌មានយើងបានធ្វើការទំនាក់ទំនងជាមួយលោក សាល សណ្តុះ នាយប៉ុស្តិ៍នគរបាលរដ្ឋបាលសង្កាត់ទន្លេបាសាក់ ដើម្បីសុំការបំភ្លឺបន្ថែម ស្រាប់តែលោកនាយប៉ុស្តិ៍នគរបាល រូបនេះ ប្រាប់ថា «មិនដឹងអ្នកណាវ៉ៃអ្នកណានោះទេ ហើយក៏មិនដឹងថាករណីហិង្សានេះកើតឡើងត្រង់ចំណុចកន្លែងណានោះដែរ»។
អធិការនគរបាលខណ្ឌចំការមន លោកវរសេនីយ៍ឯក យិន សាន ក៏មិនបានដឹងករណីនេះដែរ ដោយប្រាប់សារព័ត៌មាន «ឲ្យសួរទៅអធិការរង វិញទៅក្រែងបានដឹង និងឲ្យសារព័តមានផ្ញើរូបភាពឲ្យ រួចក៏បិទទូរស័ព្ទខលលែងលើកតែម្តង»។
សូមបញ្ជាក់ថា៖ ទីតាំងល្បែងស៊ីសងយីហោ «តាហ្វូហោ» ខាងលើនេះ មានលួចលាក់លេងល្បែងស៊ីសងខុសច្បាប់ភ្នាល់ដាក់ប្រាក់ ដូចជា៖ បៀរ បាល់ ហ្គេមបាញ់ និងក្រាស់ស្តើង ចំពោះជនរងគ្រោះដែលជាអ្នកលេងល្បែង បានប្រើល្បិច ដោយប្រើប្រាស់ កាមេរ៉ា បច្ចេកវិទ្យា មើលទំលុះសន្លឹកបៀរ រហូតបែកការ ទើបបណ្តាលឲ្យម្ចាស់ទីតាំងខឹងសម្បាទប់កំហឹងមិនបានក៏សម្រេចចិត្តវ៉ៃសំពកក្បាលតែម្តង។
យ៉ាងណាមិញករណីនេះប្រជាពលរដ្ឋបានលើកឡើងតាមរយៈទូរស័ព្ទប្រាប់សារព័ត៌មានថា «ទោះបីជាអ្នកលេងល្បែងមានល្បិចក៏ដោយ ក៏យើងដែលជាម្ចាស់ទីតាំងមិនគួរចាប់ វ៉ៃសួរដែរ គួរតែទុកភារកិច្ចជូនសមត្ថកិច្ច ណាមួយ គឺជាកន្លែងលេងល្បែងស៊ីសងខុសច្បាប់ផង»។
ប្រជាពលរដ្ឋស្នើសុំដល់អាជ្ញាធរនិងសមត្ថកិច្ចជំនាញពាក់ព័ន្ធគ្រប់ក្រសួងស្ថាប័នពាក់ព័ន្ធ ជាពិសេសឯកឧត្តម ឃួង ស្រេង អភិបាលរាជធានីភ្នំពេញ និងឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ សូមជួយចាត់ចែងមន្ត្រីជំនាញក្រោមឱវាទចុះពិនិត្យបង្ក្រាប ចំពោះទីតាំងល្បែងស៊ីសងខុសច្បាប់ និងបង្កភាពអសន្តិសុខ ខាងលើនេះផងទាន៕
![](https://blogger.googleusercontent.com/img/b/R29vZ2xl/AVvXsEiuPvnQUEv8YUFO-RloPhW6rREwURGi8v-psuXDOFUcAfTLGC4WGitT49NVbbGg80YZvqmKBEOoOYR-1-eNwVs6L2HoIYq0tzrXwu2GezwNhdN2m1Nha6uYQh0I5Fec3VkqQhbr4uSW5a6yYzXKyVNQufU41m6Ygb_J03igH8zTjNh5jDsoadeMrwAYKPA/s1600/131978.jpg)
![](https://blogger.googleusercontent.com/img/b/R29vZ2xl/AVvXsEhNLRqH8Tcp-SlN8DpoDKBzZFlfsCcWExnZAZfJJyyJEd5rv7F14m7dF3o9pL3fbtb-qCchEsVsr7OFMrcuhlrqq5q_h3_gLzc2XHy4wW11Wk9N8jH4aUmtEj2XnsKXDbZVdWf8PIA8LiYgVSmS4oLrl0JGeEtoeuZ1-BtqASwi11mVrCweT0eoP0YuqL8/s1600/IMG_20240117_173803.jpg)
![](https://blogger.googleusercontent.com/img/b/R29vZ2xl/AVvXsEjIYTBZEx-glHpXdXufss7vRUTe8hjOI1uiJxkUOaWvaFyzCtWPaOgU5F_AlivM9iFP-bVhkL1Ix6k6zTj3wf0QIAcVjflNM-rXlX_jSv6XNRgVFjhDLeMPsUqX3TtgwFBC5YX_h_X-3FUAMk5I5TRLcUSWXo2vcMDBVlVNe25gzaIfoF5TxhzeYuTjefQ/s1600/IMG_20240117_171942_013.jpg)
![](https://blogger.googleusercontent.com/img/b/R29vZ2xl/AVvXsEjYKyC2ObtPQh3E_n2vrwBjB7oOK0hi5ZDgZUxPP_rMKMepdzZtYfMGuIgpv0Z5q2YAsg2N-uSchyoQUrR4YV6XK1NrSKLKCotuWViv_n76WM4N_NkHEZZR52V3RBuSzZydKwk9-rhOffK2I7ecO0ixX9im3Mz7pF-eGflHjdtGaSTa5j6nv0gBohWeYZU/s1600/IMG_20240117_171942_159.jpg)
![](https://blogger.googleusercontent.com/img/b/R29vZ2xl/AVvXsEhfGgiHf6blYrxuQLX_YFD7omrY05hnzn9uolvMkLT9rU1eTL5Id6NY-rsOV0fMx8SLEJkDSf1ydMlSGIxEjK0QqtaqmYcBeXG-qARX9MyzOdA7fhj5vaH24YeNKRhDGvm0ujYgVHB-h9RszBWfmTKBTNxx_aZ3Nmt7thNVoEOcWV1aWPF-MP9dRdvaTYQ/s1600/IMG_20240117_173232.jpg)
No comments