រដ្ឋបាលរាជធានីភ្នំពេញ បានរៀបចំឲ្យប្រជាពលរដ្ឋដែលរស់នៅលើប្រឡាយព្រែកប្រា ជាង២០០គ្រួសារ បានទៅរស់នៅ នៅទីតាំងមួយដែលផ្ដល់កម្មសិទ្ធិស្របច្បាប់
![](https://blogger.googleusercontent.com/img/b/R29vZ2xl/AVvXsEirzrXL4jtS4qOYNazu1lK55iHbryTNKqUXj3Um3ny4FEz3Wg-HsfmjVrwWMxHjcLmwseYMkZtE8Cntg3XO9rI7AR14tC7pb0BvGUoyg9BaEKo3wBl6ihvqcDfp4oEuzZunpatkNBfNP0H_w4d8a8WQxryN1EdyvVebv-OyMDRHlJhM1l2Kk2UiB2eemIc/s1600/692BC5E0-B92A-4B84-8E65-146080FE2EB5.jpeg)
រាជធានីភ្នំពេញ៖ ដើម្បីរំដោះទឹកជូនប្រជាពលរដ្ឋរស់នៅក្នុងខណ្ឌច្បារអំពៅ ទៅតាមអនុសាសន៍ដ៏ខ្ពង់ខ្ពស់របស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី , រដ្ឋបាលរាជធានីភ្នំពេញបានរៀបចំឲ្យប្រជាពលរដ្ឋរស់នៅលើប្រឡាយព្រែកប្រា ជាង២០០គ្រួសារ បានទៅរស់នៅនៅទីតាំងមួយដែលផ្ដល់កម្មសិទ្ធិស្របច្បាប់ ហើយថែមទាំងបានប្រឡាយរំដោះទឹកថែមទៀត ដែលធ្វើឲ្យពួកគាត់រីករាយសប្បាយក្នុងចិត្តយ៉ាងខ្លាំង។
ដើម្បីឲ្យដំណើរការនេះប្រព្រឹត្តទៅដោយរលូនអភិបាលនៃគណៈអភិបាលរាជធានីភ្នំពេញ ឯកឧត្តមឃួង ស្រេង នៅព្រឹកថ្ងៃទី៣១ ខែមករា ឆ្នាំ២០២៤ នេះបានដឹកនាំមន្ត្រីជំនាញនិងអាជ្ញាធរមូលដ្ឋាន ចុះពិនិត្យមើលស្ថានភាពប្រឡាយព្រែកប្រានេះ ដើម្បីឈានទៅធ្វើការស្ដារក៏ដូចជាស្ថាបនា និងចាក់ស៊ីផាយនៅអមសងខាងប្រឡាយ ខណៈដែលនៅអមសងខាងប្រឡាយនេះមានផ្លូវបេតុងស្អាតរួចរាល់។
ឯកឧត្តមឃួង ស្រេង អភិបាលរាជធានីភ្នំពេញ បានមានប្រសាសន៍លើកឡើងថា៖ ជាយុទ្ធសាស្ត្រស្ដារប្រឡាយ ដើម្បីរំដោះទឹកជូនប្រជាពលរដ្ឋរស់នៅក្នុងខណ្ឌច្បារអំពៅ ដែលជាអនុសាសន៍ដ៏ខ្ពង់ខ្ពស់របស់សម្ដេចបវរអធិបតីហ៊ុន ម៉ាណែត នាយករដ្ឋមន្ត្រី រដ្ឋបាលរាជធានីភ្នំពេញបានរៀបចំឲ្យប្រជាពលរដ្ឋដែលរស់នៅលើប្រឡាយចំនួនជាង២០០គ្រួសារ ទៅរស់នៅទីតាំងមួយដែលរដ្ឋបាលរាជធានីភ្នំពេញ បានផ្ដល់កម្មសិទ្ធិស្របច្បាប់ជូន ហើយថែមទាំងបានប្រឡាយរំដោះទឹកថែមទៀត ដែលធ្វើឲ្យពួកគាត់រីករាយសប្បាយក្នុងចិត្ត និង រីករាយសហការជាមួយអាជ្ញាធរយើង ដែលធ្វើអោយយើងអាចបំពេញភារកិច្ច អភិបាលកិច្ចជូនប្រជាពលរដ្ឋដើម្បីរំដោះទឹក។
ឯកឧត្តមឃួង ស្រេង ក៏បានជំរុញឲ្យមន្ទីរជំនាញ និងអាជ្ញាធរមូលដ្ឋានពិនិត្យនិងធ្វើការសិក្សានៅទីតាំងខាងលើនេះឲ្យបានច្បាស់លាស់ ដើម្បីឲ្យដំណើរការនៃការស្ថាបនា បុកស៊ីផាយ ការស្តារប្រឡាយនេះ ឲ្យបានលឿនមុនរដូវវស្សាមកដល់ ។ ជាគម្រោងសម្រាប់រដ្ឋបាលរាជធានីភ្នំពេញ ក្រោយស្ថាបនា ចាក់ស៊ីផាយប្រឡាយនេះរួចរាល់ យើងក៏និងស្ថាបនាស្ថានីយ៍បូមទឹកនៅប្រឡាយព្រែកប្រានេះមួយកន្លែង ជាមួយនឹងការស្ថាបនាជាអាងប្រព្រឹត្តិកម្មទឹកស្អាតផងដែរ។
ហើយប្រជាពលរដ្ឋដែលព្រមស្ម័គ្រចិត្តរុះរើ លំនៅដ្ឋានចេញពីទីតាំងប្រឡាយខាងលើនេះ ត្រូវបានអាជ្ញាធររាជធានីភ្នំពេញ រៀបចំទីតាំង ដោះដូរមួយកន្លែងនៅក្នុងភូមិចំពុះក្អែក១ ស្ថិតនៅក្នុងសង្កាត់ព្រែកថ្មី ដែលមានទីតាំងមិនឆ្ងាយពីទីតាំងដើមឡើយ ហើយនៅទីតាំងថ្មីនេះ ប្រជាពលរដ្ឋនឹងទទួលបានប្លង់រឹងដីកម្មសិទ្ធិស្របច្បាប់ ទំហំ៤ម៉ែត្រកន្លះគុណនិង១៥ម៉ែត្រក្នុងមួយគ្រួសារ ជាមួយនិងការរៀបចំហេដ្ឋារចនាសម្ព័ន្ធយ៉ាងល្អប្រសើរផងដែរ ដែលមានទាំងការធ្វើផ្លូវបេតុងជូន បំពាក់ភ្លើងអគ្គិសនី ទឹកស្អាត ជាមួយនឹងប្រព័ន្ធបណ្តាញលូផងដែរ។
គួរបញ្ជាក់ថា ប្រឡាយព្រែកប្រា នេះមានទទឹងពី៣០ម៉ែត្រទៅ៥០ម៉ែត្រដោយកន្លែង ហើយប្រជាពលរដ្ឋដែលស្ម័គ្រចិត្តរុះរើចេញពីនៅប្រឡាយមានប្រវែងជាង១គីឡូម៉ែត្រ៕
![](https://blogger.googleusercontent.com/img/b/R29vZ2xl/AVvXsEgxz7nsZQunM-AIx4GLPIqxH0UMxf_iIaJA4R0YM7bUWkwS4cP0BeldRUVp_vjcHU4mWVFzzHFjsyyvzi0MONEVKg16ZkYsamNCgKsLJ8hKB74PV1KNlf8T8TasHvzrD2uIPWSPy5B69L0j6a93rDqTlQN-fdCpfDR0hXBDZeiBwZld4tQzEBYiWTqSulM/s1600/IMG_7922.jpeg)
![](https://blogger.googleusercontent.com/img/b/R29vZ2xl/AVvXsEjy3pfDGt-eqz2FRCv11MLaeA_7lZZWfLk2xdtHVCQ7s9ck5K4SwtB_atK57OKB6zjKUidhXWgUlcKheWscpsaoRLKLK3DTavY1C1eUIWMYy0jiSDmIo06ce5nsiVN8SyuQP46qr_Wq_5arEP-ZMm91cmFP0eEptuLaeWgSZ-VabTfRKnSIE62QxpY3hoc/s1600/IMG_7923.jpeg)
![](https://blogger.googleusercontent.com/img/b/R29vZ2xl/AVvXsEjIbg6WPc2hKCT3bCGXakmYM10B0nWIgNUJUySiISMCyba5_BF6NguoAQYtGiN63HFXHkXfyH2EjF6JbffaVaD5bu2ORQRxK-mxu64TBueL8F2Q24-NpubyjPO4CCuhhs3GkMzOzCAFcsjgg6QE983acCQD5J5UpLF18PD3Byov3WfcN9tsp9YUfTc2Dx8/s1600/IMG_7924.jpeg)
![](https://blogger.googleusercontent.com/img/b/R29vZ2xl/AVvXsEiDLgZvWN9RQ7bZtvnRYwp3vLpeKspGIez6wv0MYaL1is14z7xCTQ4f9CnZCsFwK_hSz3R-Xgqx4u5_2chFCFf-29ivNZQqaVFkyHjIkwN9Zh15ndMNLTXhEAHIFNyTDlJH2es7P7fHXKAfvjZJLCnMhEpkyb6mXHjo4tEJjmcX52tJMUo4lWa_g8LMFoQ/s1600/IMG_7925.jpeg)
![](https://blogger.googleusercontent.com/img/b/R29vZ2xl/AVvXsEhhlGdKYEyRp0pemR5nZG2U_lic0Hquy0y7mQe4hgSBtxuFyryUDDSzScGmlEhXFLsrTBOvzxR1pAFc4YJHidXvTVmjwtgfhYn2w2pr0M0h2M47XRGeSLEB_UQnnxIagmmajJNit6tavk2EhA9-84zKc8UOf3Iv4Dv3I7XqHosrrdB9YGpDOYjGY9gxuqQ/s1600/IMG_7926.jpeg)
![](https://blogger.googleusercontent.com/img/b/R29vZ2xl/AVvXsEiLTdN8iEzeSxsGrMc4K2JdjZWrol3ZVQYhF4-0Xky1S-t1ncRi4jNfSCxVmA6GHfnDB-P4CPVh3vv8QdlN5_GNWwWJl8HcAPzst1dc7x0DSplY-JGSirhs2uJ6rB_6TKHStNvyjDFJmia2-RxO7pL3lc6m6_vxGt1L828m_AuD-pY9t9HpLcBYqDtvAFw/s1600/IMG_7927.jpeg)
![](https://blogger.googleusercontent.com/img/b/R29vZ2xl/AVvXsEh94E4DE06qlZbweVZNypYtAK-eRik7XsRteIiwwI9NTf8VHV6gjy6E1oeCECnVnGGcwnKIDGHWe7lQofxp-CfjR4FaYwaUKKikbteYIuj_RRx_vgMiSMbAp9-YmIr-nnLHIjVmY0YSVx4DpZGP1fa91mqLl5BgUHqSZbi7qYwLkvONf9-xwe5L6Lh2deo/s1600/IMG_7928.jpeg)
No comments