អភិបាលខណ្ឌមានជ័យ ដឹកនាំកម្លាំងចុះរៀបចំសណ្ដាប់ធ្នាប់ ត្រង់ចំណុចស្តុបលូ៥

រាជធានីភ្នំពេញ៖ ផ្លូវវេងស្រេងត្រង់ចំណុចស្តុបលូ៥ សង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ ត្រូវបានអាជីវករលក់ដូររំលោភបំពានលក់លើផ្លូវជារៀងរាល់ថ្ងៃ ជាហេតុបណ្តាលឲ្យមានការកក់ស្ទះ និងប៉ះពាល់យ៉ាងធ្ងន់ធ្ងរដល់ សណ្តាប់ធ្នាប់សាធារណៈ។

តាមប្រភពព័ត៌មាន៖ ការលក់ដូរលើផ្លូវបានដោយសេរីពីសំណាក់អាជីវករ នាពេលកន្លងមកគឺដោយសារតែអាជីវករទាំងអស់នោះបង់លុយប្រចាំខែឲ្យទៅអាជ្ញាធរក្នុងមូលដ្ឋានជារៀងរាល់ខែ។

យ៉ាងណានៅព្រឹកថ្ងៃទី០៤ ខែមករា ឆ្នាំ២០២៤នេះ អភិបាលនៃគណៈអភិបាលខណ្ឌមានជ័យ លោក សេង គន្ធ ដែលទើបតែឡើងកាន់តំណែងថ្មីជាអភិបាលខណ្ឌ បានដឹកនាំកម្លាំងចម្រុះចុះរៀបចំសណ្តាប់ធ្នាប់ត្រង់ចំណុចស្តុបលូ៥ ដើម្បីឲ្យចរាចរណ៍មានសុវត្តិភាពជូនប្រជាពលរដ្ឋ៕