តុលាការភ្នំពេញ បង្គាប់ឱ្យចាប់ខ្លួន លោកស្រី ម៉ន ដានី ម្ចាស់បុរី ម៉ន ដានី ពាក់ព័ន្ធករណីចេញសែកស្អុយ
![](https://blogger.googleusercontent.com/img/b/R29vZ2xl/AVvXsEhWAkbNvFpVr3KTABfF4urRks4agrG0KZp63k_Kd0BH6xj7vBucxz3ZCWfSEC8QkGqF4rgPOzeeNz7KqwvKQJYvDVIGQs6jmUHV2notJ1y2Y-hFmpOhjtowYMObsapotf7XfZklios83AI4Q59P6I8b-n2l7xtBgh-YIXJCwHLsEH5q9Iqw6h6Zd2g02BU/s1600/Picsart_24-02-14_14-40-07-397.jpg)
តុលាការភ្នំពេញ បង្គាប់ឱ្យចាប់ខ្លួន លោកស្រី ម៉ន ដានី ម្ចាស់បុរី ម៉ន ដានី ពាក់ព័ន្ធករណីចេញសែកស្អុយ
លោកស្រី ម៉ន ដានី ម្ចាស់គម្រោងបុរី ម៉ន ដានី ត្រូវបានតុលាការភ្នំពេញ ចេញដីកាបង្គាប់ឱ្យកម្លាំងសមត្ថកិច្ចធ្វើការស្រាវជ្រាវចាប់ខ្លួន និងនាំខ្លួនមកកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់ ។ នេះបើយោងតាមដីកាលេខ ៤៥ "រ" ដ.ច.ន/២៤ ចុះថ្ងៃទី១០ ខែមករា ឆ្នាំ២០២៤ របស់ចៅក្រមស៊ើបសួរ នៃសាលាដំបូងរាជធានីភ្នំពេញ ដែលសារព័ត៌មានយើងទទួលបាន។
ក្នុងដីកាបង្គាប់ឱ្យចាប់ខ្លួននេះបានឲ្យដឹងថា៖ លោកស្រីម៉ន ដានី ម្ចាស់បុរី ម៉នដានី បានប្រព្រឹត្តបទល្មើសពាក់ព័ន្ធទៅនិងករណី «មិនបំពេញកាតព្វកិច្ចចំពោះឧបករណ៍អាចជួញដូរបាន» (ចេញសែកស្អុយគ្មានប្រាក់ជាង ៦០ម៉ឺនដុល្លារ) ដែលមានបញ្ញត្តិឲ្យផ្តន្ទាទោសតាមមាត្រា ២៣១ នៃច្បាប់ស្តីពីឧបករណ៍ដែលអាចជួញដូរបាន និងប្រតិបត្តិការទូទាត់សងប្រាក់។
ក្នុងដីការបានបញ្ជាក់ឲ្យដឹងដែរថា៖ ជនត្រូវចោទឈ្មោះ ម៉ន ដានី រូបនេះត្រូវបានតុលាការចេញដីកាបង្គាប់ឲ្យចូលខ្លួនចំនួនបីលើក និងបានចេញដីការបង្គាប់ឲ្យនាំខ្លួនរួចហើយ ប៉ុន្តែជនត្រូវចោទរូបនេះមិនបានចូលមកបង្ហាញខ្លួនតាមការកំណត់របស់តុលាការឡើយ។ ដូច្នេះតុលាការគប្បីចេញដីការបង្គាប់ឲ្យចាប់ខ្លួនជនត្រូវចោទរូបនេះ មកចំពោះមុខចៅក្រមស៊ើបសួរ ដើម្បីបំភ្លឺការពិត៕
![](https://blogger.googleusercontent.com/img/b/R29vZ2xl/AVvXsEhqBIHrBboRO8HNVqbVgQYXK2R-YAgOyePB8FyLNFnhhNW_QVpsFL6Xn9F2nAW9DM6VTij9eUASJ5H5KEkLAuPfp5hBaowjjqQdV29a28aMsUOSYLWwr2SuEq3-D8xHrzxflLenCHEE4jnEdK-LY5bshlOSmg3AlK5glP3HsV6d4iwWpxXey4sQCsCTruk/s1600/IMG_20240214_143607.jpg)
![](https://blogger.googleusercontent.com/img/b/R29vZ2xl/AVvXsEjczRef4yFnAle-tEPrT-SBXN1A6kE8dEfAOEZFmCGzMfulQDrBTd9slnV_IhpX5m45_tdMBZmpIMUImyo7apyTwqe0eqVx8xiM04WewYJxGi0fEtMRnXdiWrNFEFW8m5Y8YTySKv76bszXXyqEieOfs-pzTNgksb35GvSMmQ69JNBsDb2w3taOk7JEU7Q/s1600/IMG_5733.jpeg)
![](https://blogger.googleusercontent.com/img/b/R29vZ2xl/AVvXsEgT2rRWmT9GJltIK_JWi-y58nQ76Et6puEgh1srDrjvzlZ6WaGhnaNbRwwzqXcWqeskm2niz4ueG9k3oU50aRDyRUWnKkCyg-2sPWTYnA-lJ7d75dXzYUTvky89-01mrza8clNElKEbiVFoWCs9Ecr_p5bKXSths9TpBDLlLrhqspTjOiI64CJ1JdSChJA/s1600/IMG_5735.jpeg)
![](https://blogger.googleusercontent.com/img/b/R29vZ2xl/AVvXsEjH6FwXUPgp0O6jU5DkDDC3VQDHsUIw0CEwkzVpfOEQVHZ8A0cxABfB7nkATUCuoiDXR6nG_boZqWEkS5wz6nQHGv0yLpzdswDLXrFOFZQ_qE0m4ePca9Bv3pUHiVyAuiukhtNUEmyf93WUocyIwCK-15ZMpWADabJBpB6rtIT1aYABYrJ0pftR2yOnkkU/s1600/IMG_5734.jpeg)
No comments