ក្រុមគ្រួសារ ជនរងគ្រោះ ស្នើសុំឱ្យសមត្ថកិច្ច ស្រុកអង្គស្នួល អញ្ជើញឲ្យជនបង្កពិតប្រាកដមកចូលខ្លួនដោះស្រាយ ក្នុងករណីគ្រោះថ្នាក់ចរាចរណ៍ស្លាប់ ២នាក់
![](https://blogger.googleusercontent.com/img/b/R29vZ2xl/AVvXsEhOSqi0YqAASBsAEfbQWjqZxk8GXWwz456Gp-GfOwy4GsFZzQOEt2k7bNQyK3ldHUm8ilF13XLpOp0yTPjMNP46PN9Fy0MPWGeOr9cnuDAUWz3CPxquKMIvx5vd9ldrDVU9HYJomrPkfcWoAX3p46UDN1NqZBb6xpuzvBHZURvOs4_0prTkCoOaa-BSbN4/s1600/Picsart_24-02-23_13-25-27-251.jpg)
ក្រុមគ្រួសារ ជនរងគ្រោះ ស្នើសុំឱ្យសមត្ថកិច្ច ស្រុកអង្គស្នួល អញ្ជើញឲ្យជនបង្កពិតប្រាកដមកចូលខ្លួនដោះស្រាយ ក្នុងករណីគ្រោះថ្នាក់ចរាចរណ៍ស្លាប់ ២នាក់
ករណីគ្រោះថ្នាក់ចរាចរណ៍ កាលយប់ពីថ្ងៃទី០៩ ខែកុម្ភៈ ឆ្នាំ២០២៤ បណ្តាលឲ្យយុវជនពីរនាក់ បានស្លាប់បាត់បង់ជីវិតយ៉ាងអាណោចអាធ័ម ត្រង់ចំណុចផ្លូវជាតិលេខ៤ ឃុំបែកចាន ស្រុកអង្គស្នួល ខេត្តកណ្តាល រហូតមកទល់ពេលនេះ ជនបង្កដែលជាអ្នកបើករថយន្ត នៅតែបន្តគេចខ្លួន ដោយចាត់តែតំណាងឈ្មោះ ឃឹម សុខា ឲ្យមកដោះស្រាយជំនួស ដោយឲ្យសងសំណងជំងឺចិត្ត ទៅកាន់ក្រុមគ្រួសារជនរងគ្រោះនៅមុខសមត្ថកិច្ចនគរបាលស្រុកអង្គស្នួល។
ករណីនេះក្រុមគ្រួសារជនរងគ្រោះ មិនអាចទទួលយកនូវការលើកឡើងអំពីសំណងជំងឺចិត្ត ពីសំណាក់អ្នកតំណាងម្ចាស់រថយន្តបង្កហេតុបាននោះទេ! ដោយក្រុមគ្រួសារជនរងគ្រោះស្នើសុំឱ្យសមត្ថកិច្ច កោះហៅអញ្ជើញឲ្យម្ចាស់រថយន្តបើកបរនិងជាអ្នកបង្កហេតុពិតប្រាកដ ឲ្យចូលខ្លួនមកដោះស្រាយតាមផ្លូវច្បាប់។
សូមជម្រាបថា៖ ករណីគ្រោះថ្នាក់ចរាចរណ៍ខាងលើនេះ កម្លាំងនគរបាលនៃអធិការដ្ឋានស្រុកអង្គស្នួល នៃស្នងការនគរបាលខេត្តកណ្តាល បានកំពុងធ្វើការយ៉ាងយកចិត្តទុកដាក់ក្នុងស្រាវជ្រាវ និងដោះស្រាយទៅតាមផ្លូវច្បាប់ដោយមិនប្រងើយកន្តើយនោះទេ។
ក្រុមគ្រួសារជនរងគ្រោះ នៅតែមានសង្ឃឹមយ៉ាងមុតមាំនិងជឿជាក់ទៅលើសមត្ថកិច្ចក្នុងការផ្តល់យុត្តិធម៌ជូនដល់ពួកគាត់ដែលជាគ្រួសារជនរងគ្រោះ ទាំងពីរនាក់ ដែលបានបាត់បង់ជីវិតក្នុងការជួបឧបទ្ទវហេតុគ្រោះថ្នាក់ចរាចរណ៍៕
![](https://blogger.googleusercontent.com/img/b/R29vZ2xl/AVvXsEgTQoNsVFqoqmCA0MdaWxML28m51eCYpxSzgTdpDBuUAhsnZPjbL7bxkhN2JHwlAnAMXV4nu7Jh9ThywprP8__K2q-K0yBUVhMqoiYmwSF_k7e7ULh2EPY1MRZgRFw8ojGtHEiTMOGfvPKPyqjiGV5UbSTLjfbunZ2vtCAmjqEwubMiuAsCMewJS0cK3Ok/s1600/IMG_20240223_132344_245.jpg)
![](https://blogger.googleusercontent.com/img/b/R29vZ2xl/AVvXsEiEPEYZmCKZ6etzNItpGQVmrwBmHzWih8p80A_vnEJHKJCxJeWg2KAV9354Qxd88xM-JTzfH85hxivFe0iX2UwD_YRvqplcauLTi1xYp5SVGHfSNdm39qR0ELT_Mh2VJxxPfgpRYpjTBpx78DKk5eEQb8xXmmi4Olq9Eb90vL_KakT9VDV55CAyiNjtbZ8/s1600/IMG_20240223_132344_180.jpg)
![](https://blogger.googleusercontent.com/img/b/R29vZ2xl/AVvXsEibRmVMgIDbBpz5Mab0pSNXDtJUK3bmSOAxvbnpfTno8jrwLNPWvIWjO5D4U-wKcM35p6qYvyWVUHlEDpLP5roBU7DsmXgSYf6riKOdMi7gCRoOQNaSspBVAoj7k6-ntraO0EmsjV87UjN1KSe0QxPk9n5RRPO_sqjT286nvJe7unx9RIXXs-d7yRyR3ao/s1600/IMG_20240223_132349_159.jpg)
![](https://blogger.googleusercontent.com/img/b/R29vZ2xl/AVvXsEidc0rXRitaCocwAtN7vNi91xDQI7s6Xf8raHXmSGZcjBd3kfdJTtcqV8Jm_jjbPmNNDdQzOCVPa6MvzeP_GNkXMFOfp-GAChKUP4XeBlLGR7kbj-mQE_cH1QsaY9bquHp3T0S6TnJMFDFGSh4We9p9jQNSdpUsXvyHGo-bR-pRJtoTc_qiviNUogAdfZI/s1600/IMG_20240223_132349_868.jpg)
![](https://blogger.googleusercontent.com/img/b/R29vZ2xl/AVvXsEg2Sx1gM_iHZJwx3JlIavCb5-7CDw6r-XQl5qARnMBYla784GIDXniY687xDcfOHO9rZqWTLOe7HXS0Nn-0cskj6kydUstALzMeE7vWkxHKOjY8g93HjiHdeKatwQTW0AaZodHbo3wFyGvhkFj23adkMpqAS16BzIMUUwxJr-gVcF2-TlKxVR-THiIo8j0/s1600/IMG_20240223_132344_604.jpg)
No comments