មន្ត្រីនគរបាលស្រុកមុខកំពូល ឃាត់បានដើមឈើទាល ១ដើមធំ និងជនជាតិវៀតណាមបួននាក់ ជាអ្នកដឹកជញ្ជូន
![](https://blogger.googleusercontent.com/img/b/R29vZ2xl/AVvXsEjtg8_jbfjp2Luwr7HMrvW2M9B6lChbMRITLvZIoPqz9NviOJSMf3i-4ugUMtG_mIpiI7IxbOvmdOpvcWWJP3Yh5Ae5xcxnaP8xcctVbtO9KNclM3W2rv7dYwtl4SLu4XWs7QarU4Mm11oq1j88Iy3GbUZIpie7GrFUi4U7rJmoziGIO-7JMxZP3p0q1eM/s1600/Picsart_24-03-28_15-50-08-789.jpg)
ខេត្តកណ្តាល៖ បងប្អូនជនជាតិវៀតណាម ចំនួន៤នាក់ ជាកម្មករ ត្រូវបានមន្ត្រីនគរបាលនៃអធិការដ្ឋានស្រុកមុខកំពូលខេត្តកណ្តាល ធ្វើការហាមឃាត់យកមកសួរនាំពាក់ព័ន្ធការដឹកជញ្ជូនដើមឈើទាល ១ដើមធំ អូសសណ្ដោងតាមដងទន្លេមេគង្គ កាលពីថ្ងៃទី២០ ខែមីនា ឆ្នាំ២០២៤។
ក្រោយពីសួរនាំរួចអស់រយៈពេលជាង១យប់ ពីសំណាក់សមត្ថកិច្ចជំនាញ បងប្អូនជនជាតិវៀតណាមចំនួន ៤នាក់ទាំងនោះ ត្រូវបានអនុញ្ញាតឱ្យត្រឡប់ទៅកាន់កន្លែងស្នាក់នៅរៀងៗខ្លួន ចំណែកឯដើមឈើទាល ១ដើមធំ ត្រូវបានរក្សាឃាត់ទុកនៅច្រាំងមាត់ទន្លេ ដោយរងចាំការសម្រេចពីមន្ត្រីជំនាញពាក់ព័ន្ធ។
លោក ង៉ូ យុំាងលុង ជនជាតិវៀតណាម ដែលជាម្ចាស់ដើមឈើទាលបានឲ្យដឹងថា៖ ដើមឈើទាលដ៏ធំ ១ដើម ប្រវែងជិត២០ម៉ែត្រ នេះ គឺបានទិញពីបងប្អូនប្រជានេសាទខ្មែរឥស្លាម ស្ថិតនៅក្នុងខេត្តកំពង់ចាម ដែលបានធ្វើការនេសាទបាន ដោយធ្វើការទិញក្នុងតម្លៃ 300$ ស្មើរនឹង ១លាន ២សែនរៀល។
នាយផ្នែករដ្ឋបាលព្រៃឈើស្រុកមុខកំពូល លោក ប្រាក់ សំបូរ បានឱ្យសារព័ត៌មានដឹងថា «ករណីដឹកជញ្ជូនដើមឈើទាល ១ដើមនេះ គឺរូបលោករកមិនឃើញថាមានបទល្មើសនោះទេ ព្រោះជាឈើដែលប្រជាពលរដ្ឋរើសបាន ចំពោះនីតិវិធីបន្ទាប់គឺទុកឱ្យនាយខណ្ឌរដ្ឋបាលព្រៃឈើខេត្តកណ្តាលជាអ្នកសម្រេច»។
ទោះយ៉ាងណាដើមឈើទាល១ដើមដ៏ធំខាងលើនេះ ត្រូវបានមន្ត្រីនគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តកណ្តាល បន្តរក្សាឃាត់ទុកដោយយកចិត្តទុកបំផុត និងរងចាំចំណាត់ការសម្រេចពីថ្នាក់លើ ខណៈមានការទទូចស្នើសុំពីលោក ង៉ូ យុំាងលុង ជនជាតិវៀតណាម ដែលបានអះអាងថាជាម្ចាស់ដើមឈើ ស្នើសុំឱ្យសមត្ថកិច្ចប្រគល់ដើមឈើឱ្យមកគាត់វិញ។
លោក លី សុជាតិ ស្នងការរងទទួលផែនការងារប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្តកណ្តាល បានប្រាប់ឱ្យសារព័ត៌មានដឹងនៅថ្ងៃទី២៨ ខែមីនា ឆ្នាំ២០២៤ នេះថា ការឃាត់បងប្អូនជនជាតិវៀតណាមចំនួនបួននាក់ ជាមួយដើមឈើទាល ១ដើម គឺបានសុំគោលការណ៍ពីថ្នាក់ដឹកនាំនិងព្រះរាជអាជ្ញា ពោលគឺមិនមែនឃាត់តាមតែចិត្តនោះទេ។
លោកស្នងការរង លី សុជាតិ បានបន្ថែមទៀតថា៖ «ចំពោះនីតិវិធីបន្ទាប់គឺរង់ចាំការអនុញ្ញាតសម្រេចពីថ្នាក់លើ និង រងចាំការសម្រេចពីព្រះរាជអាជ្ញា ព្រមទាំងមន្ត្រីជំនាញពាក់ព័ន្ធ! ពោលគឺលោកមិនអាចសម្រេចតាមចិត្តឯងនោះទេ ទោះបីជាមានការស្នើសុំពីបុគ្គលដែលពាក់ព័ន្ធ»។
ចុងក្រោយលោក ង៉ូ យុំាងលុង ជនជាតិវៀតណាម ដែលអះអាងថាជាម្ចាស់ដើមឈើទាល បានទទូចស្នើសុំឱ្យថ្នាក់ដឹកនាំនៃក្រសួងមហាផ្ទៃ ជួយរកខុសត្រូវជូនគាត់ផង បើសិនរកឃើញថាដើមឈើដែលគាត់បានទិញនិងបានដឹកជញ្ជូនខុសច្បាប់ គាត់ព្រមប្រគល់ឱ្យច្បាប់ចាត់ចែង! ប្រសិនបើរកឃើញថាមិនថាខុសទេនោះគាត់សុំតែយកដើមឈើមួយនេះទៅផ្ទះរបស់គាត់ ដើម្បីចាត់ចែងតាមតម្រូវការ៕
![](https://blogger.googleusercontent.com/img/b/R29vZ2xl/AVvXsEhRKdmcGFhfB8sdHfizY35uTTlAUu4beugGIk6EZGmx8nAmoX3QN71ORsnHBSdAZ4K7uA_v4x9e1_pcPpBCkVUTCV_hdxTzmwFfavIrC2sVEQcLASd7KIb15OFC4ZHbVWx0CMqtxTfYFk1KexKUFSkeTAK-KnoCM22P28nsBFe_JLeUfRxy0IiU48RNtj0/s1600/IMG_20240328_153742_601.jpg)
![](https://blogger.googleusercontent.com/img/b/R29vZ2xl/AVvXsEhhEvjeCt7XrJCfYiZsResAx1vXtQqTdbfJm5YrE50wazlrwr0tbwp8EJyXcHtQ6d8Ukw4RF5pdvPgB1xAxttJcGUwqginfvbP43pszfZmyD-DPSQAfJTkT50u_pRL1U9Fx28TXZKdVfwb8EInVvcDp7tMSM9PLSg4FXg7j5THpt6VsQvLh_JU0B2-gLQE/s1600/IMG_20240328_153742_814.jpg)
![](https://blogger.googleusercontent.com/img/b/R29vZ2xl/AVvXsEgRC0Y2tgTGYSXigpVYEZ4EaaPRloFxC91gfQgdURYLtLidwU2bGEGkfUuUdE77n6E_c7Dh0ZFzn7knQ5lOc_79yhOMtpyf3ji2MommSijI-F693twJyuHa5dWHwdo_N_VWfqsfcw0jqiktAEWAwcomHx5ooAh3YU6zh8jy-ttuimgpVXzxXLFx5-6OVl8/s1600/IMG_20240328_153742_982.jpg)
![](https://blogger.googleusercontent.com/img/b/R29vZ2xl/AVvXsEgv4VVatfHtu8SZsBrjjfdaMC4wdTbaHy4nw0GWrT-6_QbkhFJfc5SLjFp-tBXQ271n9w_ehL7j-gvz_9iW8VVHPi98HLZSM0Ar7gJPkF3x7zWRHGC0juaeDoI-jta11opxf3GSocL8WUC12LS3N-JTa0TJ9v1axkMl-ijoc1PrSaOXu9eidIbwu-MucOI/s1600/IMG_20240328_153743_103.jpg)
![](https://blogger.googleusercontent.com/img/b/R29vZ2xl/AVvXsEgWpf9K8X5dQhWfgOaK5Etu_nhEbvfNxFMUmsGvl8FJDzmHmgGgL5RreLaSzrVmgKjeLOTyUEuRC36Jcdvu2e26CHo2b0r4CAcID6_5x6G3B5-VYDdZVZxvXF3l36_oLYRGWlSNlLxHp3ysUbLfHn46k1vlh_Exbk6JVqyKLZXRgY0cZDfRtv7aA_isyi4/s1600/IMG_20240328_155417.jpg)
No comments