ដោយមានការយកចិត្តទុកដាក់ពីឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ លោកវេសេនីយ៍ឯក ម៉ៅ សឿត អធិការនគរបាលខណ្ឌច្បារអំពៅ បានដឹកនាំកម្លាំងផ្នែកជំនាញ ចុះរៀបចំបំពេញបែបបទផ្តល់អត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋ

ភ្នំពេញ ៖ នាព្រឹកថ្ងៃអង្គារ ៤ រោច ខែអស្សុជ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី៦ ខែតុលាឆ្នាំ២០២០ វេលាម៉ោង៨:០០នាទី ដោយមានការចង្អុលបង្ហាញពីឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ លោកវេសេនីយ៍ឯក ម៉ៅ សឿត អធិការនគរបាលខណ្ឌច្បារអំពៅ បានដឹកនាំកម្លាំងផ្នែកជំនាញ និងកម្លាំងនគរបាលប៉ុស្ត៍រដ្ឋបាលច្បារអំពៅ២ ចុះរៀបចំបំពេញបែបបទផ្តល់អត្តសញ្ញាណប័ណ្ណសញ្ជាតិខ្មែរ ជូនប្រជាពលរដ្ឋចំនួន ២៨នាក់ស្រី ១៥នាក់ នៅទីស្នាក់ការប៉ុស្ត៍ច្បារអំពៅ២ ព្រមទាំងធ្វើវេទិកាផ្សព្វផ្សាយទម្រង់ទាំង ៤ដែលមាន ខ្លឹមសាររួមមាន៖
-ការអនុវត្តគោលនយោបាយ«ភូមិ-សង្កាត់ មានសុវត្ថិភាព»លក្ខណៈសម្បត្តិ៩យ៉ាង។
-វិធានការ ការពារ ការឆ្លងមេរោគកូវីដ.១៩។
-ចូលរួមបង្ការ ទប់ស្កាត់ គ្រោះអគ្គីភយ័។
-បង្ការទប់ស្កាត់អំពើហឹង្សាគ្រួសារ-ស្ត្រី កុមារ
-គ្មានការដាំដុះ ការផលិត ការជួញដូរ និងការប្រើប្រាស់គ្រឿងញៀន។
-រួមគ្នាគោរពច្បាប់ចរាចរណ៍ទាំងអស់គ្នា។