សមត្ថកិច្ចចាប់វាយខ្នោះតាចាស់អាយុ៧៦ឆ្នាំ!ចាប់រំលោភចៅស្រីខ្លួនឯងមិនបានសម្រេច
ព្រះវិហារ ៖ សមត្ថកិច្ចនគរបាលស្រុកជាំក្សាន្ត បានចាប់ជនសង្ស័យម្នាក់ បន្ទាប់ពីជនសង្ស័យរូបនេះ ធ្វើសកម្មភាពចាប់រំលោភសេពសន្ទវៈ លើចៅស្រីខ្លួនឯងជាអនិតិជនតែមិនសម្រេច។
ហេតុការាណ៍នេះបានកើតឡើងស្ថិតក្នុងភូមិស្រអែមខាងត្បូង ឃុំកន្ទួត ស្រុកជាំក្សាន្ត ខេត្តព្រះវិហារ កាលពីវេលាម៉ោង៣និង៣០នាទីទៀបភ្លឺយប់ថ្ងៃទី២ ខែមិថុនាឆ្នាំ២០២០។
លោកអនុសេនីយ៍ឯក ចាន់ហ៊ុន នាយប៉ុស្តិ៍នគរបាលរដ្ឋបាលឃុំកន្ទួត បានឱ្យដឹងកាលពីល្ងាចថ្ងៃទី២ខែមិថុនាឆ្នាំ២០២០ថា៖ករណីប៉ុនប៉ងរំលោភសេពសន្ទវៈលើក្មេងស្រីអនិតិជន ត្រង់ចំណុចផ្ទះក្មេងស្រីរងគ្រោះ។
នាយប៉ុស្តិ៍បានបន្តថា៖ បន្ទាប់ពីទទួលបានព័ត៌មានពីអ្នកជិតខាងលោកបានដឹកនាំកម្លាំងចុះដល់ទីតាំងកើតហេតុនិងឃាត់ខ្លួនជនសង្ស័យ មកសួរនាំរួចកសាងសំណុំរឿងបញ្ជូនខ្លួនបន្តមកកាន់អធិការដ្ឋាននគរបាលស្រុកជាំក្សាន្ត ដើម្បីចាត់ការទៅតាមនីតិវិធីច្បាស់ ។
លោកអនុសេនីយ៍ឯក ចាន់ ហ៊ុន បានឱ្យដឹងទៀតថា ជនសង្ស័យដែលកម្លាំងចាប់វាយខ្នោះឈ្មោះ ប៊ូ សេង ភេទប្រុសអាយុ៧៦ឆ្នាំមុខរបរកសិករត្រូវជាជីតាក្មេងស្រីរស់នៅក្នុងភូមិឃុំកើតហេតុ។
បានប៉ុនប៉ងរំលោភសេពសន្ទវៈទៅលើអនិតិជន។
ចំណែកឯកុមារីរងគ្រោះមានឈ្មោះខ.ស.មអាយុ៨ឆ្នាំរស់នៅក្នុងបន្ទុកគ្រួសារជាមួយនិងជនសង្ស័យ៕