គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    ពិធីបើកការជិះកង់សប្បុរសធម៌ ដើម្បីសាខាកាកបាទក្រហមកម្ពុជាខេត្តសៀមរាប ដែលជាថ្ងៃជិះកង់លើកទី២ មានអ្នកចូលរួមប្រមាណ៤០០នាក់

    កម្មវិធីសម្រាកសៀមរាប បានរៀបចំកម្មវិធីជិះកង់ចំនួន៣លើក ក្រោមប្រធានបទ ជិះកង់សប្បុរសធម៌ដើម្បីចលនាកាកបាទក្រហមកម្ពុជា ព្រឹកនេះជាលើកទី២ ដោយមានអ្នកចូលរួមប្រមាណ ៤០០នាក់ចូលរួម ដោយចែកចេញជា ៣ក្រុម ក្នុងនោះរួមមានក្នុងនោះជិះកង់ចម្ងាយ៣១គីឡូម៉ែត្រ, ២១គីឡូម៉ែត្រ និង ក្រុមអ្នកជិះកង់កំសាន្តធម្មតាផងដែរនៅតាមតំបន់រមណីយដ្ឋានអង្គរ នាព្រឹកថ្ងៃទី១៨ ខែសីហា ឆ្នាំ២០២០នេះ នៅទីធ្លាចំណតរថយន្តមុខគ្រឹះស្ថានអង្គរនៃក្រុងសៀមរាប។
    ក្នុងការជួបជុំជាលើកទី២ របស់កម្មវិធីជិះកង់ក្រោមប្រធានបទ ជិះកង់សប្បុរសធម៌ ដើម្បីសាខាកាកបាទក្រហមកម្ពុជាខេត្តសៀមរាប ដែលជាផ្នែកមួយនៃកម្មវិធីកំសាន្ត សម្រាកសៀមរាប ក្រោមការរៀបចំរបស់អាជ្ញាធរខេត្តសៀមរាប សហភាពសហព័ន្ធយុវជនកម្ពុជាខេត្តសៀមរាប និង សហការដោយអាជ្ញាធរជាតិអប្សរា ក្រោមអធិបតីភាពឯកឧត្តម អ៉ឹង ហឿន ប្រធានក្រុមប្រឹក្សាខេត្ត ឯកឧត្តម ទៀ សីហា អភិបាលនៃគណៈអភិបាលខេត្ត ដោយមានវត្តមានអញ្ជើញចូលរួមរបស់ឯកឧត្តម ហង់ ជួនណារ៉ុង រដ្ឋមន្ត្រីក្រសួងអប់រំយុវជន និង កីឡា ព្រមទាំងឯកឧត្តម លោកឧកញ៉ា លោកជំទាវ ជាសមាជិកសមាជិកាក្រុមប្រឹក្សាខេត្ត គណៈអភិបាលខេត្ត ថ្នាក់ដឹកនាំមន្ទីរ អង្គភាព សហភាពសហព័ន្ធយុវជនកម្ពុជាខេត្ត មន្ត្រីរាជការ យុវជនកាកបាទក្រហមកម្ពុជា រួមទាំងបងប្អូនជាកីឡាករ កីឡាការនី ជាច្រើននាក់ចូលរួមផងដែរ។
    លោកជំទាវ ទាង អេង អនុប្រធានគណៈកម្មាធិការសាខាកាកបាទក្រហមកម្ពុជាខេត្ត បានធ្វើការបញ្ជាក់ពីគោលបំណង ការរៀបចំឲ្យមានព្រឹត្តិការណ៍ ជិះកង់មនុស្សធម៌នេះឡើង ស្ថតក្នុងកម្មវិធីព្រឹត្តិការណ៍ សម្រាកសៀមរាប ដើមី្បធ្វើការកៀរគរថវិកា ដើមី្បទ្រទ្រង់ចលនាកាកបាទក្រហមកម្ពុជា និង ការជួយឧបត្ថម្ភដល់មន្ទីរពេទ្យ និង ជួយសង្គ្រោះ ដល់ជនរងគ្រោះ ដោយគ្រោះធម្មជាតិទៀតផង។
    ឯកឧត្តម ទៀ សីហា បានធ្វើការវាយតម្លៃខ្ពស់ ចំពោះក្រុមការងារសាខាកាកបាទក្រហមកម្ពុជាខេត្តសៀមរាប សហភាពសហព័ន្ធយុវជនកម្ពុជាខេត្ត និង ក្រុមការងារអនុគណៈកម្មការនានា នៃគណៈកម្មការរៀបចំកម្មវិធី «សម្រាកសៀមរាប» ព្រមទាំងអ្នកពាក់ព័ន្ធទាំងអស់ ដែលបានសហការរៀបចំកម្មវិធីនេះឡើង ដើម្បីគៀងគរថវិកាជួយដល់សាខាកាទក្រហមកម្ពុជាខេត្តសៀមរាប ក្នុងការជួយសង្គ្រោះ ដល់ជន រងគ្រោះ ដោយគ្រោះធម្មជាតិផ្សេងៗ ក៏ដូចជាចាស់ជរាក្រីក្រគ្មានទីពឹង ក្នុងភូមិសាស្ត្រខេត្តសៀមរាប។
    ឯកឧត្តមក៏សូមថ្លែងនូវអំណរអរគុណ យ៉ាងជ្រាលជ្រៅ ចំពោះបងប្អូនដែលតែងតែបានឧបត្ថម្ភគាំទ្រដល់ការងារមនុស្សធម៌សម្រាប់មនុស្សជាទីស្រឡាញ់ ដែលជួបនូវការលំបាកក្នុងខេត្តសៀមរាប នាពេលកន្លងមក ។ ជាសក្ខីភាពស្រាប់ នាថ្ងៃនេះយើង បាន និងកំពុងរៀបចំកម្មវិធីនេះឡើង គឺដើម្បីប្រមូលនូវថវិកា ដើម្បីជួយ សង្គ្រោះនូវទុក្ខលំបាក របស់បងប្អូនប្រជាពលរដ្ឋយើង គឺជាការបរិច្ចាគដ៏ធំធេងមិនអាចកាត់ថ្លៃបាន។
    ជាមួយគ្នានេះ រដ្ឋបាលខេត្ត ក៏ដូចជាក្រុមការងារសូមស្នើដល់បងប្អូនដែលអញ្ជើញចូលរួមទាំងអស់បន្តសហការជាមួយក្រុមការងារ ក៏ដូចជាចូលរួមអនុវត្តតាមគោលការណែនាំរបស់ក្រសួងសុខាភិបាល និងសូមកុំភ្លេច និងត្រូវចងចាំនូវ​ ០៣ចំណុច ដូចខាងក្រោម​ ដេីម្បីការពារ និងចូលរួមទប់ស្កាត់​ជំងឺកូវីដ១៩ ៖
    ១.កុំភ្លេច ត្រៀមម៉ាស់ ឬក្រម៉ា
    ២.កុំភ្លេច ជែល ឬអាល់កុលលាងដៃ (យើងបានត្រៀម សាប៊ូលាងដៃជូននៅតាមទីសាធារណផងដែរ)
    ៣.កុំភ្លេច រក្សាគម្លាតសុវត្ថិភាពសង្គម (ចូលរួមការពារការរាលត្បាតនៃជំងឺកូវីដ-១៩)៕

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ