កុមារីម្នាក់អាយុ០៩ឆ្នាំ ត្រូវបានជនសង្ស័យម្នាក់រំលោភសេពសន្ទវ:​បានសម្រេចចំនួន០៥ដង រហូតឪពុកជនរងគ្រោះទាន់ប្ដឹងសមត្ថកិច្ច ចាប់ខ្លួន

កំពង់ស្ពឺ ៖ យោងតាមរបាយការណ៍របស់កម្លាំងសមត្ថកិច្ចនគរបាលនៃស្នងការដ្ឋានខេត្តកំពង់ស្ពឺ​ បានឲ្យសារព័ត៌មានដឹងថាជនសង្ស័យម្នាក់ត្រូវបានកម្លាំងសមត្ថកិច្ចឃាត់ខ្លួន​ ពីបទចាប់រំលោភសេពសន្ទវៈទៅលើកុមារីអាយុ ០៩ឆ្នាំម្នាក់ តាមពាក្យបណ្តឹង​របស់ឪពុកម្តាយ​ក្មេងរងគ្រោះ​ ដែលករណីនេះបានកើតឡើងនៅភូមិវាលធំ ឃុំ​ត្រែងត្រយឹង ស្រុក​ភ្នំស្រួច ខេត្តកំពង់ស្ពឺ កាលពី​ព្រឹក​ថ្ងៃទី​១៨ ខែសីហា ឆ្នាំ​២០២០​។​​
សមត្ថកិច្ច​បានបន្តទៀតថាជនសង្ស័យឈ្មោះ ហ៊ន ស្រស់ អាយុ ២៦ឆ្នាំ និង​ក្មេងស្រី​រងគ្រោះ​ឈ្មោះ ជ​.​ស​.​ន​ អាយុ ០៩ឆ្នាំអ្នកទាំងពីរ រស់នៅភូមិឃុំជាមួយគ្នា។
តាមសម្តីក្មេងស្រី​រងគ្រោះ​បានឱ្យដឹងថា​៖​ ជនសង្ស័យបានចាប់រំលោភសេពសន្ទវៈនាងបានសម្រេច​ផ្ទួនៗ​គ្នា​ចំនួន​៥​ដង​ ទាល់តែឪពុកម្តាយ​ឃើញ​ក៏បាន​ទៅ​ដាក់​ពាក្យបណ្តឹង​នៅ​ប៉ុស្តិ៍នគរបាល​ត្រែងត្រយឹង​ ។
ក្រោយពី​ទទួល​ពាក្យបណ្តឹង​ពី​ឈ្មោះ​ ជា ឃីន ភេទ​ប្រុស​អាយុ​ ៤៧ឆ្នាំ ត្រូវជាឪពុក ជនរងគ្រោះរស់នៅភូមិវាលធំឃុំត្រែងត្រយឹង ភ្លាមនោះកម្លាំងជំនាញបានឃាត់ខ្លួនជនសង្ស័យបាន​ភ្លាមៗ​និង​បញ្ជូន​ទៅកាន់​អធិការដ្ឋាន​នគរបាល​ស្រុក​ភ្នំស្រួច​ដើម្បី​សាកសួរ​និង​កសាង​សំណុំរឿង​ចាត់ការ​តាម​នីតិវិធី​៕