លោកឧត្តមសេនីយ៍ ឯម កុសល ស្នងការនគរបាលខេត្តកំពង់ចាម អញ្ជើញ​ដឹកនាំកងកម្លាំង​អនុវត្ត​ជាក់ស្ដែង​ បច្ចេកទេស​ប្រេីប្រាស់អាវុធ​ AK47 និងការបាញ់គ្រាប់ពិត​

កំពង់ចាម ៖ នៅព្រឹកថ្ងៃទី០៧ ខែកញ្ញា ឆ្នាំ២០២០នេះ លោកឧត្តមសេនីយ៍ទោ ឯម កុសល ស្នងការនគរបាលខេត្កកំពង់ចាម បានដឹកនាំកងកម្លាំងនគរបាលចំនួន១៣៣នាក់ (ស្រី៣៤នាក់) ក្នុងនោះមន្រ្តីក្របខ័ណ្ឌថ្មី ចំនួន១០០នាក់ និងកម្លាំងកងអន្តរាគមន៍ពិសេស ចំនួន៣៣នាក់ បានចូលរួមអនុវត្តជាក់ស្ដែង ចំពោះបច្ចេកទេសប្រើប្រាស់អាវុធ AK47 និងបាញ់គ្រាប់ពិត នៅលើទីលានបាញ់គ្រាប់ពិត របស់សាលាពលទាហានទី២ នៃបញ្ជាការយោធភូមិភាគ២ (ស្រែស្ពៃ)។
សូមបញ្ជក់ថា៖ការហ្វឹកហាត់សម្រាប់ការបំប៉នជំនាញបច្ចេកទេសប្រើប្រាស់អាវុធ AK47 មានរយ:ពេល០៨ថ្ងៃ ចាប់ពីថ្ងៃទី២៧ ខែសីហា ដល់ថ្ងៃទី០៣ ខែកញ្ញា ឆ្នាំ២០២០ ដោយទទួលបានការបង្វឹកពីសំណាក់គ្រូបង្គោល នៃស្នងការដ្ឋាននគរបាលខេត្តកំពង់ចាម សហការជាមួយគ្រូយោធភូមិភាគ២ និងទទួលបានលទ្ធផលគួរឲ្យកត់សម្គាល់។
ជាលទ្ធផល​ការបាញ់ចូលគោលដៅផ្ទាំងសុីនចម្ងាយ១០០ម៉ែត្រ
-និទ្ទេស​ល្អ​ ចំនួន​០៩នាក់
-ល្អបង្គួរ​ ចំនួន៣១នាក់
-មធ្យម​ ចំនួន៩៣នាក់
ក្នុងឱកាសនោះដែរ លោកឧត្តមសេនីយ៍ស្នងការ​ ក៏បានឧបត្ថម្ភថវិកាជូនដល់៖
១-សាលាយោធភូមិភាគ២ ថវិកា ចំនួន២,០០០,០០០រៀល
២-គ្រូបង្គោល របស់សាលាយោធភូមិភាគ២ ដែលមកបំប៉នជំនាញ នៅស្នងការដ្ឋាននគរបាលខេត្តកំពង់ចាម ចំនួន០៥នាក់ ថវិកា សរុប១,២០០,០០០រៀល
៣-គ្រូបង្គោល នៃស្នងការដ្ឋាននគរបាលខេត្តកំពង់ចាម ចំនួន០៥នាក់ ថវិកាសរុបចំនួន១,២០០,០០០រៀល
៤-គ្រូនៅទីលានបាញ់គ្រាប់ពិត ៣៥នាក់​ សរុបជាថវិកា ចំនួន៣,៥០០,០០០រៀល
៥-អាហារពីរពេល​ សម្រាប់កងកម្លាំង​ និងគ្រូចំនួន​ ២២០នាក់​ សរុប​ជាថវិកា​ ២,៩០០,០០០រៀល
ថវិកាដែលបានឧបត្ថម្ភ និងចំណាយសរុប ចំនួន ១០,៨០០,០០០រៀល ៕