រឿងវិវាទដីធ្លីរបស់លោកផ្កាយ៤ ជាមួយប្រជាពលរដ្ឋ ៥គ្រួសារ ត្រូវបានបញ្ចប់ដោយដំណោះស្រាយឈ្នះ-ឈ្នះរបស់សម្តេចតេជោ
១-ជិន ជន / ២-សួន បូរ៉ា / ៣-សំ ថាន / ៤-ជា សារ៉ាត់ / ៥-ជួន ជីវិន ដែលមានផ្ទៃដីទំហំជាង៥ហិកតា (៥៣,៣៩៤) ដែលមាទីតាំងស្ថិតនៅភូមិ ទួលពង្រ សង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។
ចំណែកឯភាគីខាងប្រជាពលរដ្ឋទាំង៥គ្រួសារនោះក៏បានអះអាងថាខ្លួនមានលិខិតស្នាមប័ណ្ណកាន់កាប់ដី លើទីតាំងតែមួយដូចគ្នា ។
ដោយសារតែភាគីទាំងសងខាងទាមទារយកឈ្នះយកត្រូវរៀងៗខ្លួន ក៏បានប្តឹងគ្នាទៅអាជ្ញាធរមូលដ្ឋានអោយជួយដោះស្រាយ ។ ប៉ុន្តែអាជ្ញាធរដោះស្រាយមិនចេញអស់រយៈពេល៤ឆ្នាំមកហើយ ។ បន្ទាប់មកលោក ដួង តារា ជំនួយការផ្ទាល់របស់សម្ដេច បានហៅភាគីទាំងសងខាងដើម្បីដោះស្រាយ និងជ្រើសរើសយកដំណោះស្រាយឈ្នះ-ឈ្នះរបស់សម្តេចតេជោ ហើយភ្លាមនោះភាគីទាំងសងខាងក៏បានព្រមព្រៀងគ្នាដោយក្ដីញញឹម និងព្រមបញ្ចប់នូវរឿងវិវាទដីធ្លីក្រៅប្រព័ន្ធតុលាការនៅថ្ងៃទី០៥ ខែតុលា ឆ្នាំ២០២០នេះ ។
លទ្ធផលនៃការសម្រុះសម្រួលបញ្ចប់វិវាទនេះ គឺភាគីខាងលោក ប៊ុន សេង និងលោកស្រី ឡៃ គីមហុង ព្រមទទួលយកប្រាក់ចំនួន ១៣០០០០ដុល្លា (ដប់បីម៉ឺនដុល្លារ) ហើយសុខចិត្តផ្តល់ដីទាំងអស់ទៅឲ្យប្រជាពលរដ្ឋ ទាំង៥គ្រួសារ ដោយក្នុងនោះបានផ្តល់ជូនទាំងផលដំណាំចំការដំឡូងដែលកំពុងដាំដុះទាំងអស់ (តម្លៃប្រមាណ៧៥០០ដុល្លារ) ឲ្យទៅភាគីពលរដ្ឋទាំង ៥គ្រួសារ ដែលយល់ព្រមទទួលយកដីទាំងអស់មកគ្រប់គ្រងវិញ។
នាក្នុងឱកាសនោះលោកឯកឧត្តម ដួង តារា ជំនួយការផ្ទាល់សម្តេចតេជោ ក៏បានថ្លែងអំណរគុណចំពោះ លោកឧត្តមសេនីយ ប៊ុន សេង និងលោកជំទាវ ឡៃ គីមហុង ព្រមទាំងប្រជាពលរដ្ឋ៥គ្រួសារដូចជា លោក ជិន ជន, លោក សួន បូរ៉ា, លោកស្រី សំ ថាន, លោក ជា សារ៉ាត់, និង លោក ជួន ជីវិន ដែលបានជ្រើសរើសយកដំណោះស្រាយបញ្ចប់វិវាទដីធ្លីក្រៅប្រព័ន្ធតុលាការ ដែលទទួលបានលទ្ធផលឈ្នះឈ្នះជាមួយនឹងស្នាមញញឹមគ្រប់ៗគ្នា។ (អរគុណសន្តិភាព)