កម្លាំងសមត្ថកិច្ច នគរបាលស្រុកអូររាំងឪបង្រ្កាបក្រុមអ្នកញៀនល្បែងស៊ីសង មាន់ជល់ នឹងអាប៉ោង

កម្លាំងសមត្ថកិច្ច នគរបាលស្រុកអូររាំងឪបង្រ្កាបក្រុមអ្នកញៀនល្បែងស៊ីសង មាន់ជល់ នឹងអាប៉ោង

ត្បូងឃ្មុំ ៖ នៅរសៀលថ្ងៃទី១៥ ខែកុម្ភៈ ឆ្នាំ២០២១ វេលាម៉ោង ៣:០០នាទី បន្ទាប់ពីទទួលបានព័ត៌មានពីប្រជាពលរដ្ឋថាមានក្រុមអ្នកញៀនល្បែងស៊ីសងមួយក្រុមកំពុងតែប្រមូលផ្ដុំគ្នាលួចលេងល្បែងភ្នាល់ (មាន់ជល់ និងអាប៉ោង) ភ្លាមនោះលោក លឿង រដ្ឋា អធិការ នៃអធិការដ្ឋាននគរបាលស្រុកអូររាំងឪ បានចាត់តាំងលោកអធិការរងទទួលផែនព្រហ្មទណ្ឌ ដឹកនាំកំលាំងជំនាញព្រហ្មទ័ណ្ឌ សហការជាមួយលោកនាយប៉ុស្តិ៍អំពិលតាពក ចុះបង្ក្រាប់ល្បែងសុីសងមួយកន្លែងនៅចំណុចចំការកៅស៊ូខាងកើត ភូមិទំពាំងបង្កង់ ឃុំអំពិលតាពក ចម្ងាយ ១៦០០ម៉ែត្រ។

ជាលទ្ធផល៖ អ្នកលេងបានរត់គេចខ្លួនអស់ ហើយកម្លាំងសម្ថកិច្ចបានដុតបំផ្លាញសម្ភារ:មួយចំនួនដូចជាតង់កៅអី ជើងម៉ា តុ ដែលនៅកន្លែងសង្វៀននោះ។

ទទឹមនឹងនេះលោកអធិការនគរបាលក៏សូមអរគុណដល់បងប្អូនប្រជាពលរដ្ឋ ដូចជាបណ្ដាញសារព័ត៌មាន ដែលបានផ្ដល់ព័ត៌មានអោយ ក្នុងកិច្ចសហការប្រជាពលរដ្ឋជាមួយអាជ្ញាធរនិងសមត្ថកិច្ច ដើម្បីភូមិឃុំមានសុវត្ថិភាព៕