ផ្ទុះធុងហ្គាស លាន់ដូចគ្រាប់មីន បណ្ដាលឲ្យមនុស្សម្នាក់ស្លាប់យ៉ាងអាណោចអាធ័មនៅស្រុកសំពៅលូន

ផ្ទុះធុងហ្គាស លាន់ដូចគ្រាប់មីន បណ្ដាលឲ្យមនុស្សម្នាក់ស្លាប់យ៉ាងអាណោចអាធ័មនៅស្រុកសំពៅលូន

បាត់ដំបង ៖ ថ្ងៃទី១២ ខែមិនា ឆ្នាំ ២០២១ វេលាម៉ោង៥:៣០នាទីល្ងាច.នៅចំណុចផ្ទះលោកគ្រូពេទ្យ ឈ្មោះ ឃឹម សាម៉ុន ស្ថិតក្នុងក្រុមទី៩ ឃុំសេរីមានជ័យ ស្រុកសំពៅលូន ខេត្តបាត់ដំបង មានករណីផ្ទុះធុងហ្គាស បណ្តាលឲ្យបុរសម្នាក់ស្លាប់យ៉ាងអាណោចអាធ័មនៅនឹងកន្លែងកើតហេតុ។

បុរសដែលជាជនរងគ្រោះមានឈ្មោះ ម៉េង ហុឹង ភេទប្រុស អាយុ ២៣ឆ្នាំ ជាកម្មករ បំរើការងារនៅផ្ទះលោកគ្រូពេទ្យ ដែលមានទីលំនៅ ក្នុងឃុំ កើតហេតុខាងលើ។

តាមប្រភពព័ត៌មានបានឲ្យថា៖ មុនពេលកើតហេតុ ប្រពន្ធជនរងគ្រោះបានប្រាប់ប្តីដែលទើបតែមកពីចំការ អោយចូលទៅមើលធុងហ្គាស ពីព្រោះធុងហ្គាសនោះមានចេញខ្យល់ ស្រាប់តែមួយសន្ទុះក្រោយមកធុងហ្គាសនោះក៏ផ្ទុះលាន់ស្នូរដូចគ្រាប់មីន ប៉ើងដំបូលផ្ទះ បង្កឲ្យមានការភ្ញាក់ផ្អើលដល់ប្រជាពលរដ្ឋ និងអាជ្ញាធរមានសមត្ថកិច្ចមូលដ្ឋានចុះទៅអន្តរាគមន៍ដល់ទីតាំងកើតហេតុភ្លាមៗផងដែរ។ ក៏ប៉ុន្តែមិនអាចជួយសង្គ្រោះជនរងគ្រោះបានដោយសាររបួសធ្ងន់ធ្ងរពេក។

ពាក់ព័ន្ធទៅនិងករណីផ្ទុះធុងហ្គាសនេះ សមត្ថកិច្ចនគរបាលជំនាញនៃអធិការដ្ឋាននគរបាលស្រុកសំពៅលូនកំពុងស្រាវជ្រាវបន្ត៕