រថយន្តហុីយ៉ាន់ដឹកឥដ្ឋមួយគ្រឿង បើកគេចពីម៉ូតូ បួងចង្កូតខ្លាំង ជាន់ហ្វ្រាំងមិនសុី ជ្រុលទៅបុករថយន្តក្រឡុកស៊ីម៉ង់ត៍ពីក្រោយពេញទំហឹងរបួសធ្ងន់ស្រាល៤នាក់

រថយន្តហុីយ៉ាន់ដឹកឥដ្ឋមួយគ្រឿង បើកគេចពីម៉ូតូ បួងចង្កូតខ្លាំង ជាន់ហ្វ្រាំងមិនសុី ជ្រុលទៅបុករថយន្តក្រឡុកស៊ីម៉ង់ត៍ពីក្រោយពេញទំហឹងរបួសធ្ងន់ស្រាល៤នាក់

ភ្នំពេញ៖ បុរសម្នាក់បើករថយន្តម៉ាកហុីយ៉ាន់ដាយមួយគ្រឿង គេចពីម៉ូតូបួងចង្កូតជាន់ហ្វ្រាំងមិនសុីជ្រុលទៅបុករថយន្តក្រឡុកស៊ីម៉ង់ពីក្រោយពេញទំហឹង បណ្តាលឲ្យរងការខូចខាតយ៉ាងដំណំ និងមានមនុស្សចំនួន៤នាក់រងរបួសធ្ងន់និងស្រាល ត្រូវបានរថយន្តសាមុយរបស់មន្ទីរពេទ្យសួគាដឹកយកទៅសង្គ្រោះបន្ទាន់។

ហេតុការណ៍គ្រោះថ្នាក់ចរាចរណ៍នេះ បង្កការភ្ញាក់ផ្អើលនៅវេលាម៉ោង០៩នឹង៤៥នាទីព្រឹកថ្ងៃទី១៧ ខែកក្កដា ឆ្នាំ២០២១ តាមបណ្ដោយផ្លូវជាតិលេខ១ ត្រង់ចំណុចបុរីប៉េងហួត ក្នុងសង្កាត់និរោត ខណ្ឌច្បារអំពៅ រាជធានីភ្នំពេញ។

តាមប្រភពព័ត៌មានពីកន្លែងកើតហេតុបានឲ្យដឹងថា៖ មុនពេលកើតហេតុគេបានឃើញបុរសម្នាក់បើករថយន្តក្រឡុកស៊ីម៉ង់ត៍ ពណ៍សមួយគ្រឿងពាក់ស្កាលលេខភ្នំពេញ 5A-0738 ធ្វើដំណើរបណ្ដោយផ្លូវជាតិលេខ១ ក្នុងទិសដៅពីកើតទៅលិច ខណៈពេលមកដល់ត្រង់ចំណុចកើតហេតុខាងលើក៏ស្រាប់តែមានបុរសម្នាក់រួមដំណើរជាមួយនិងកម្មករក្មេងចាស់ចំនួន៤នាក់ទៀតនៅក្នុងកាប៊ីនបើករថយន្តម៉ាកហុីយ៉ាន់ដាយទម្ងន់៣តោនកន្លះ ក្បាលពណ៍.ស ទ្រូងពណ៌ខៀវ មួយគ្រឿងពាក់ស្លាកលេខ ភ្នំពេញ3D-0319 ដឹកឥដ្ឋពេញក្នុងរថយន្តបើកបរស្របទិសគ្នា មកពីក្រោយ ហើយបានគេចពីម៉ូតូមិនចាំនឹងស្លាកលេខមួយគ្រឿង ដែលធ្វើដំណើរពីខាងមុខ ទើបបណ្ដាលឲ្យគាត់ខំកាច់ចង្កូតយកមកខ្លាំង ហើយជាន់ហ្វ្រាំងមិនស៊ី ក៏ជ្រុលទៅបុកជាមួយនឹងរថយន្តក្រឡុកស៊ីម៉ងត៍ពីក្រោយពេញទំហឹង បណ្តាលឲ្យតៃកុងគៀបជាប់នូវក្នុងរថយន្តជាមួយនឹងកម្មករចាស់ក្មេងបីនាក់ទៀតរងរបួសយ៉ាងធ្ងន់ធ្ងរត្រូវបានប្រជាពលរដ្ឋជួយធ្វើការសង្គ្រោះ នឹងទាក់ទងទៅរថយន្តសាមុយរបស់មន្ទីរពេទ្យសួគាដឹកយកទៅសង្គ្រោះបន្ទាន់ ចំណែករថយន្តបានរង់ការខូចខាតផ្នែកខាងមុខអស់ស្ទើតែទាំងស្រុង។

ក្រោយកើតហេតុសមត្ថកិច្ចមូលដ្ឋានក៏បានចុះទៅដល់ទីតាំងនោះភ្លាមដើម្បីត្រួតពិនិត្យមើល ហើយក៏បានទាក់ទងទៅផ្នែកជំនាញនៃការិយាល័យចរាចរណ៍ផ្លូវគោករាជធានីភ្នំពេញឱ្យចុះមកធ្វើការវាស់វែងនិងយករថយន្តបង្កទៅរក្សាទុករង់ចាំដោះស្រាយគ្នានៅពេលក្រោយ៕