គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!

Header Ads

ad728
  • ព័ត៌មានថ្មីៗ

    ឆមាសទី១ឆ្នាំ២០២១នេះកម្ពុជាប្រមូលពន្ធ-អាករគ្រប់ប្រភេទបានប្រមាណជា ១៥១៥លានដុល្លារ

    ឆមាសទី១ឆ្នាំ២០២១នេះ កម្ពុជាប្រមូលពន្ធ-អាករគ្រប់ប្រភេទ បានប្រមាណជា ១៥១៥លានដុល្លារ

    ភ្នំពេញ៖ អគ្គនាយកដ្ឋានពន្ធដារបានឱ្យដឹងថា ឆមាសទី១ ឆ្នាំ២០២១នេះ កម្ពុជាប្រមូលពន្ធ-អាករគ្រប់ប្រភេទបានប្រមាណជា ១៥១៥លានដុល្លារអាមេរិក ហើយបើធៀបនឹងរយៈពេលដូចគ្នាកាលពីឆ្នាំមុន មានការធ្លាក់ចុះជាង ១០ភាគរយ។

    ថ្លែងក្នុងកិច្ចប្រជុំបូកសរុបលទ្ធផលប្រមូលចំណូលពន្ធប្រចាំខែមិថុនា និងប្រចាំ ឆមាសទី១ ឆ្នាំ២០២១ ព្រមទាំងទិសដៅសម្រាប់អនុវត្តបន្តតាមប្រព័ន្ធអនឡាញ ឯកឧត្តម គង់ វិបុល រដ្ឋមន្ត្រីប្រតិភូអមនាយករដ្ឋមន្ត្រី និងជាប្រតិភូរាជរដ្ឋាភិបាល ទទួលបន្ទុកជាអគ្គនាយកនៃអគ្គនាយកដ្ឋានពន្ធដារ បានថ្លែងឱ្យដឹងថា ក្នុងឆមាសទី១ ឆ្នាំ២០២១ ចំណូលពន្ធ-អាករ ដែលអគ្គនាយកដ្ឋានពន្ធដារប្រមូលបាន តាមប្រព័ន្ធគ្រប់គ្រងទិន្នន័យចំណូលអនឡាញ របស់អគ្គនាយកដ្ឋានពន្ធដារមានចំនួន ៦១៣៩ បីលានរៀលគឺប្រមាណជាង ១៥១៥ លានដុល្លារអាមេរិក ស្មើនឹង ៦៧.៥៨% នៃផែនការច្បាប់ហិរញ្ញវត្ថុសម្រាប់ការគ្រប់គ្រងឆ្នាំ២០២១ ធៀបនឹងចំណូលពន្ធ-អាករក្នុងរយៈពេលដូចគ្នា ឆ្នាំ២០២០ ឃើញថាថយចុះចំនួនជាង ៧២៧ ប៊ីលានរៀល (ប្រមាណជាង ១៧៩ លានដុល្លារអាមេរិក) ស្មើនឹង ១០,៦០%។

    ឯកឧត្តមបានបន្តថា៖ បើគិតត្រឹមថ្ងៃទី២០ ខែកក្កដា ឆ្នាំ ២០២១នេះ អគ្គនាយកដ្ឋានពន្ធដារ បានប្រមូលចំណូលពន្ធ-អាករគ្រប់ប្រភេទតាមប្រព័ន្ធគ្រប់គ្រងទិន្នន័យចំណូលអនឡាញ របស់អគ្គនាយកដ្ឋានពន្ធដារ មានចំនួនជាង ៦៤៤១ប៊ីលានរៀល គឺប្រមាណជា ១៥៩០ លានដុល្លារអាមេរិក ដែលក្នុងនោះរយៈពេល២០ថ្ងៃនៃខែ កក្កដា ឆ្នាំ២០២១ បានប្រមូលចំណូលសរុបចំនួនជាង ៣០១បីលានរៀល ប្រមាណជាង ៧៤លានដុល្លារអាមេរិក។

    ឯកឧត្តមបញ្ជាក់ថា៖ ការអូសបន្លាយនៃការរាតត្បាតនៃជំងឺកូវីដ១៩ ក្នុងឆ្នាំ២០២០ និងការផ្ទុះឡើងនៃព្រឹត្តិការណ៍សហគមន៍២០ កុម្ភៈ បានជះ ឥទ្ធិពលជាអវិជ្ជមានមកលើការគ្រប់គ្រងប្រមូលចំណូលពន្ធ-អាករយ៉ាងខ្លាំង ។

    ឆ្លើយតបទៅនឹងបញ្ហានេះ យើងបានដាក់ចេញនូវវិធានការ និងការអនុវត្តតាមប្រព័ន្ធអនឡាញ និងប្រព័ន្ធបច្ចេកវិទ្យាព័ត៌មាន ដែលអគ្គនាយកដ្ឋានពន្ធដារ បានបង្កើតជាបន្តបន្ទាប់ គឺជាការអនុវត្តប្រកបដោយបុរេសកម្ម និងបានឆ្លើយតបទៅនឹងបញ្ហាប្រឈម ព្រមទាំងការលំបាកនានា ក្នុងបរិបទនៃការរីករាតត្បាតនៃជំងឺកូវីដ-១៩នេះ ដែលបានឆ្លុះបញ្ចាំងតាមរយៈលទ្ធផល ប្រមូលចំណូលក្នុងឆមាសទី១ ឆ្នាំ២០២១ សម្រេចបានរហូតដល់ ៦៧.៥៨% នៃផែន ការច្បាប់ហិរញ្ញវត្ថុសម្រាប់ការគ្រប់គ្រងឆ្នាំ ២០២១។

    «បច្នប្បន្ននេះចំណូលថវិកាជាតិបានមកពីប្រភពចំណូលធំៗ២ គឺចំណូលពន្ធគយនាំចូលទំនិញនិងនាំចេញ ហើយចំណូលក្នុងស្រុកគឺបានមកពីចំណូលពន្ធដារដូចជាពន្ធ-អាករអីជាដើម នេះគឺជាចំណូលធំៗចូលថវិកាជាតិ ដើម្បីឱ្យរដ្ឋាភិ បាលយកទៅចំណាយ ទៅជាប្រាក់បៀវត្ស ជាចំណាយប្រតិ បត្តិការ និងការចំណាយវិនិ យោគអីខ្លះ អ៊ីចឹងនៅពេលដែលចំណូលទាំងពីរនឹងធ្លាក់ចុះ អ៊ីចឹងមានន័យថា រដ្ឋាភិបាលប្រឈមនឹងការថយចុះនូវចំណូលនេះ ដែលទាមទាររកប្រភពផ្សេង» ។

    ឯកឧត្តមក៏បានណែនាំដល់មន្រ្តីក្រោមឱវាទទាំងអស់ឱ្យយកចិត្តទុកដាក់ខ្ពស់ក្នុងការពង្រឹងការកៀរគរចំណូល ប្រកបដោយភាពសកម្ម បុរេសកម្ម និងវៃឆ្លាត ព្រមទាំងប្រើប្រាស់ឱ្យអស់សក្តានុពល បញ្ញាស្មារតី ដើម្បីប្រមូលចំណូលឱ្យបានគ្រប់និងលើសផែនការ៕

    No comments

    Post Top Ad

    Post Bottom Ad


    http://www.kangmeasnews.com/
    គេហទំព័រ កងមាស​ សូមថ្លែងអំណរអរគុណយ៉ាងជ្រាលជ្រៅ ដល់សម្ដេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី អ្នកនាងកញ្ញា និង បងប្អូនប្រិយមិត្ត ជនរួមជាតិទាំងក្នងនិងក្រៅប្រទេស ដែលបានចូលមកកាន់ គេហទំព័រ កងមាស សូមជួបតែ សេចក្ដីសុខ សេចក្ដីចំរើន ក្នុងក្រុមគ្រួសារ ។ សូមអរគុណ !!!
    រក្សាសិទ្ធិ​គ្រប់យ៉ាងដោយ គេហទំព័រ កងមាស
    "គេហទំព័រ កងមាស" ដំណើរការ​តាមប្រកាសលេខ...ចុះថ្ងៃទី...ខែ...ឆ្នាំ ២០...
    គេហទំព័រ កងមាស​ មានទីស្នាក់ការស្ថិតនៅ ផ្លូវលំ ភូមិទី២ ឃុំកងតាណឹង ស្រុកកងមាស ខេត្តកំពង់ចាម
    សម្រាប់ព័ត៌មានបន្ថែម សូមទំនាក់ទំនងតាមលេខ +855 77 90 666 4
    Copyright © 2020 កងមាស | រចនាគេហទំព័រដោយ បាយ័ន​ មុខគុជ