ឯកឧត្តម ខៀវ ភារិទ្ធ លេខាធិការ តំណាង ឯកឧត្តម ហ៊ុន ម៉ានី ប្រធានគណៈកម្មការទី៧ នៃរដ្ឋសភា បានទទួល តំណាងឲ្យក្រុមហ៊ុនភេសជ្ជៈ
![](https://blogger.googleusercontent.com/img/b/R29vZ2xl/AVvXsEhqb64yEfp4VTivaH0JAvjNAFfXDTus63cLZFm-d_j7JguRLZdj5zCz3ENRys8pu2AE_HltRxYvy3w7k2YSgBYC4MrCoiluA5BvZTVzRUQn0s7rkmIcreJl6aLia9pi6NrYQF9JAG0pDnE/s0/IMG_20210927_104329_889.jpg)
ឯកឧត្តម ខៀវ ភារិទ្ធ លេខាធិការ តំណាង ឯកឧត្តម ហ៊ុន ម៉ានី ប្រធានគណៈកម្មការទី៧ នៃរដ្ឋសភា បានទទួល តំណាងឲ្យក្រុមហ៊ុនភេសជ្ជៈ
ផ្សាយចេញនៅថ្ងៃទី២៧ ខែកញ្ញា ឆ្នាំ២០២១នៅវិមានរដ្ឋសភា ឯកឧត្តម ខៀវ ភារិទ្ធ លេខាធិការ តំណាងឯកឧត្តម ហ៊ុន ម៉ានី ប្រធានគណៈកម្មការទី៧នៃរដ្ឋសភា បានទទួលជួបតំណាងក្រុមហ៊ុនភេសជ្ជៈកម្ពុជា «កូកា កូឡា» ក្នុងពិធីប្រគល់-ទទួលបដាផ្សព្វផ្សាយអប់រំ ពីការការពារខ្លួនពីជំងឺកូវីដ-១៩សម្រាប់ចងតាមវត្តអារាម។ ជំនួសមុខឱ្យឯកឧត្តមប្រធាន អនុប្រធាន និងឯកឧត្តម លោកជំទាវ សមាជិក សមាជិកាគណៈកម្មការទី៧ ឯកឧត្តមខៀវ ភារិទ្ធ សូមថ្លែងអំណរគុណយ៉ាងជ្រាលជ្រៅចំពោះ ក្រុមហ៊ុនភេសជ្ជៈកម្ពុជា កូកា កូឡា ដែលបានចូលរួមឧបត្ថម្ភដល់គណៈកម្មការក្នុងការបោះពុម្ពបដានេះឡើង ដើម្បីជាការបញ្រ្ជាបសារអប់រំ និងក្រើនរំឭកដល់លោកយាយ លោកតា អ៊ុំ ពូ មីង បងប្អូនដែលមកធ្វើបុណ្យនៅតាមទីវត្តអារាមឱ្យចូលរួមទប់ស្កាត់ការឆ្លងរាលដាលនៃជំងឺកូវីដ-១៩ ដោយប្រកាន់ខ្ជាប់នូវវិធាន ៣ការពារ ៣កុំ។ កាយវិការដ៏សប្បុរសនេះ មិនត្រឹមតែជាការរួមចំណែកដល់យុទ្ធនាការប្រយុទ្ធនឹងជំងឺកូវីដ-១៩ប៉ុណ្ណោះទេ តែក៏ជាបុណ្យកុសលដ៏ថ្លៃថ្លាមួយផងដែរ។
សូមរំឭកផងដែរថា នាកិច្ចប្រជុំរវាងគណៈកម្មការ និងក្រសួងធម្មការ និងសាសនាកាលពីថ្ងៃទី១៣ ខែកញ្ញាកន្លងទៅ ឯកឧត្តមប្រធាន ហ៊ុន ម៉ានី បានមានប្រសាសន៍ថា គណៈកម្មការនេងរៀបចំបដាផ្សព្វផ្សាយអប់រំ ពីការការពារខ្លួនពីជំងឺ កូវីដ-១៩សម្រាប់ចងតាមវត្តអារាម ក្នុងអំឡុងពេលពិធីបុណ្យកាន់បិណ្ឌ និងភ្ជុំបិណ្ឌនាពេលខាងមុខ។ ឆ្លើយតបនឹងគំនិតផ្តួចផ្តើមខាងលើ ទើបក្រុមហ៊ុនភេសជ្ជៈកម្ពុជាកូកាកូឡា បានជួយឧបត្ថម្ភការបោះពុម្ពបដា ១.៥០០ផ្ទាំង លើចំនួនសរុប ៣.១០០ ផ្ទាំង និងបានយកមកប្រគល់ជូនគណៈកម្មការនៅថ្ងៃនេះ សម្រាប់ចែកប្រគេនវត្តអារាមទូទាំងប្រទេសទាំង ២៥ រាជធានី-ខេត្ត។
![](https://blogger.googleusercontent.com/img/b/R29vZ2xl/AVvXsEgQzhd2EK_Utvjb29rmjFm0uv9UhfgvQhBwghle1SHeuPTm9DP2p9bF4UG1T9_XfIm9iZyn-du3CtRVdjHm4LW1cveo3IUSwBU6YzFRZSUhH2lOzo_Ui0tRM4YqQYqVB0CqOq3Cb6mR_RA/s0/IMG_20210927_104325_201.jpg)
![](https://blogger.googleusercontent.com/img/b/R29vZ2xl/AVvXsEhjgM9j_xrP-sW7AMlN4hg-pttf4SLseFrDs7lnd5hlGNqarjuBWkwDkB5AvbH4ZXPVvSS_JcZuzLHWwsOuMgzSctN1i7T3_HFoo9gigMTt0KrnuzWP0ySc5O987dvAELOmgMnNo-pKgR4/s0/IMG_20210927_104331_609.jpg)
![](https://blogger.googleusercontent.com/img/b/R29vZ2xl/AVvXsEhtJl61eTBMUl1dJtgT_bwyuma3PxZcsi5PEaNOiivmNgqBwmAeHvDHYwJOfoGt7BLjE7hyphenhyphen5IcKjWE5MfoCA2ZtLygR9NsKONrBugRjcVC4iTxQcQiH3zgf2X0f_4J8aNUwb1PSt6N4yPI/s0/IMG_20210927_104333_510.jpg)
![](https://blogger.googleusercontent.com/img/b/R29vZ2xl/AVvXsEjOIqdm4xYcnQs7CepSicO1_5yaTB6fFCHVZmF5r70HbAsWZrUSwOR76vFSYJAy78Ww3WQQ1EQJXEHLPrJG2VaJDO633DzV1mxWPT-xEpmdPe23kqBbCUZSpheUg0gp2PIPxeEeF0Hjck8/s0/IMG_20210927_104335_820.jpg)
![](https://blogger.googleusercontent.com/img/b/R29vZ2xl/AVvXsEiZsakP1luF7R6okJviSQOyb8MJNg_yHJPwcczF6RPNSY6IcohTWwxq8C2s5UGFhlePiT_QuKC0jXMlysHn4ePG21yWuvo1a6T0pEtMZ9yrwLwMBMaQtLEBD-Qi7kK0W2-yC6BVUnPXe4I/s0/IMG_20210927_104337_572.jpg)
No comments