ផ្លូវជាតិលេខ២ ក្នុងដែនគ្រប់គ្រង របស់លោកស្រី គឹម ញឹប អភិបាលខណ្ឌដង្កោ កំពុង​កកស្ទះចរាចរណ៍ យ៉ាងខ្លាំង ខណៈអាជ្ញាធរ និងសមត្ថកិច្ចពាក់ព័ន្ធ ខ្វះការកែសម្រួល

ផ្លូវជាតិលេខ២ ក្នុងដែនគ្រប់គ្រង របស់លោកស្រី គឹម ញឹប អភិបាលខណ្ឌដង្កោ កំពុង​កកស្ទះចរាចរណ៍ យ៉ាងខ្លាំង ខណៈអាជ្ញាធរ និងសមត្ថកិច្ចពាក់ព័ន្ធ ខ្វះការកែសម្រួល

ផ្សាយចេញនៅថ្ងៃទី២៧ ខែកញ្ញា ឆ្នាំ២០២១

ភ្នំពេញ៖ នៅតាមបណ្តោយផ្លូវជាតិលេខ២ ក្នុងសង្កាត់ព្រែកកំពឹស និង សង្កាត់រលួស ខណ្ឌដង្កោ រាជធានីភ្នំពេញ កំពុងតែមានការកកស្ទះចរាចរណ៍ យ៉ាង​ខ្លាំង​ ដោយសារការលក់ដូរ ខ្វះសណ្តាប់ធ្នាប់ ដោយមានរថយន្ត រឺម៉ក ចតលើផ្លូវទាំងសងខាង និង លក់បោះដុំ បន្លែត្រីសាច់លើផ្លូវថ្នល់សារធារណៈ យ៉ាងអនាធិបតេយ្យ ខណៈអាជ្ញាធរ​និង​សមត្ថកិច្ចពាក់ព័ន្ធក្នុងមូលដ្ឋាន​ ខ្វះការកែសម្រួល​ខ្វះ​ភាព​ទទួល​ខុស​ត្រូវ បណ្តាល​ឲ្យ​មាន​ការ​កកស្ទះ​ចរាចរណ៍​តាម​ផ្លូវ​យ៉ាង​ធ្ងន់ធ្ងរ​។​

យោងតាមមន្ត្រីក្នុងមូលដ្ឋានដែរទទួលផ្នែកសណ្ដាប់ធ្នាប់ ដែលធ្លាប់​បានបញ្ជាក់ប្រាប់សារព័ត៌មានថា៖ រូបលោកមិនអាច កែសម្រួលទីកន្លែងនេះ ឲ្យមានរបៀបរៀបរយបានទេ.! ព្រោះ​គ្មាន​បញ្ជា​ពី​លោក​ស្រី​ គឹម ញឹប អភិបាល​ខណ្ឌដង្កោ។ មន្ត្រីរូបនោះបានបញ្ជាក់ទៀតថា៖ រាល់ថ្ងៃរូបលោក និងក្រុមការងារ ព្យាយាមសម្រួលចរាចរណ៍នៅចំណុចនេះណាស់ តែដូចចាប់ក្តាម ដាក់ចង្អេរ មិនអាចកែសម្រួលបាន និងបានស្នើឲ្យខាងសារព័ត៌មានយើងជួយផ្សាយ ដើម្បីជាដំណឹងដល់លោកស្រី គឹម ញឹប អភិបាលខណ្ឌដង្កោ បានជ្រាប។

ចំណែកលោក កន សុកេន ចៅសង្កាត់ព្រែកកំពឹស ធ្លាប់​បានប្រាប់សារព័ត៌មានថា៖ បព្ហាខាងលើនេះពិបាកដោះស្រាយណាស់.! ហើយ​គាត់បានបញ្ជាក់ទៀតថា៖ គាត់មិនហ៊ានទេព្រោះខ្លាចអ្នកលក់ជេរ។

គួរបញ្ជាក់ដែរថា៖ កន្លងមកក្រុមការងារសារព័ត៌មានយើងធ្លាប់បានផ្សព្វផ្សាយព័ត៌មាន ជូនដល់មន្ត្រីពាក់ព័ន្ធក្នុងមូលដ្ឋាន រួចម្តងមកហើយ ក៏ប៉ុន្តែហាក់បីដូចជាគ្មានវិធានការដោះស្រាយចំពោះបញ្ហាកកស្ទះចរាចរណ៍ ចំណុចនេះឡើយ។

យ៉ាង​ណា​មិញ​មហាជន ដូចជាអ្នកធ្វើដំណើរតាមផ្លូវ ជាច្រើនសូមសំណូមពរ ដល់លោកស្រី គឹម ញឹប អភិបាលខណ្ឌដង្កោ សូមមេត្តាជួយកែសម្រួលការកកស្ទះចរាចរណ៍ផង កុំសំងំស្ងៀម! ព្រោះចំណុចកកស្ទះខាងលើនេះ អ្នកធ្វើដំណើរ ទាំងនោះ មានការរអ៊ូរទាំ និងភិតភ័យយ៉ាងខ្លាំង ចំពោះការកក់ស្ទះ.! (ពោលគឺ៖ អ្នកបោះដុំ បន្លែ ត្រីសាច់ និងអ្នកទិញលក់បន្ត មានរថយន្តធំៗចត នៅណែនតាន់តាប់ពេញផ្លូវជាតិលេខ២)។