ទីតាំងល្បែងស៊ីសងខុសច្បាប់នៅក្នុងហាងកាហ្វេ កំពុងតែបង្ក ការភ័យខ្លាចដល់សុខពលរដ្ឋ បែរជាគ្មានការរំខានដល់សមត្ថកិច្ចពាក់ព័ន្ធ
![](https://blogger.googleusercontent.com/img/b/R29vZ2xl/AVvXsEgUoTbaiuI-CMt8vnIJyV8pxtirb52WLhF-N4CgRnjgT2QAuIy2ZV3tsFawWrFhD-Ui1OQifm98WRZRm_IeGlnLy703CFSmMacyx6qzDCyytMSIRo8JqC8asN5tUozdGPq3FSShtUm-48_D82j62Hj620m-tjWqw8gc7LE8ccuhvGRrht-X7ljVLSg_/s1600/Polish_20220817_111357014.jpg)
ទីតាំងល្បែងស៊ីសងខុសច្បាប់នៅក្នុងហាងកាហ្វេ កំពុងតែបង្ក ការភ័យខ្លាចដល់សុខពលរដ្ឋ បែរជាគ្មានការរំខានដល់សមត្ថកិច្ចពាក់ព័ន្ធ
ភ្នំពេញ៖ ហាងកាហ្វេមួយកន្លែង ស្ថិតនៅភូមិទ្រា១ សង្កាត់ស្ទឹងមានជ័យ១ ខណ្ឌមានជ័យ កំពុងតែបង្កបង្កើតបទល្មើស ល្បែងស៊ីសងខុសច្បាប់ «មាន់ជល់ ហាយឡាយ» ពេញមូលដ្ឋាន និងបង្កការភ័យខ្លាចជាខ្លាំងចំពោះសុខទុក្ខរស់នៅរបស់ប្រជាពលរដ្ឋ។
ករណីខាងលើនេះដែរ ប្រជាពលរដ្ឋជាច្រើនបានលើកឡើងថា អាជ្ញាធរនឹងសមត្ថកិច្ចពាក់ព័ន្ធក្នុងមូលដ្ឋាន ដែលមានលោក អ៊ុក បូនីន ជាអធិការនគរបាលខណ្ឌមានជ័យ រួមទាំងលោក សន ភឿន នាយប៉ុស្តិ៍រដ្ឋបាលសង្កាត់ស្ទឹងមានជ័យ១ មិនមានវិធានការទប់ស្កាត់បង្ក្រាបសោះ សង្ស័យតែខ្លាចបាត់បង់ប្រយោជន៍ ទើបមិនហ៊ានបង្ក្រាប។
ប្រជាពលរដ្ឋបន្ថែមទៀតថា៖ ល្បែងស៊ីសងខុសច្បាប់ទាំងនេះហើយដែលជាដើមចមនៃការបង្កបង្កើតពពួកបទល្មើសលួចឆក់ប្លន់ អំពើហិង្សាក្នុងគ្រួសារ និងភាពអសន្តិសុខនៅក្នុងសង្គម ហើយម្ចាស់ទីតាំងហាងកាហ្វេមួយកន្លែងនេះ មិនដឹងថាថ្លើមធំប៉ុណ្ណា បានជាមានបារមីខ្លាំងពូកែអស្ចារ្យ ទើបសមត្ថកិច្ចមូលដ្ឋានមិនហ៊ានបង្ក្រាប។
ប្រជាពលរដ្ឋនៅក្នុងមូលដ្ឋានជាច្រើនស្នើសុំដល់ឯកឧត្តម ឃួង ស្រេង អភិបាលរាជធានីភ្នំពេញ និងឯកឧត្តម ស ថេត ស្នងការនគរបាលរាជធានីភ្នំពេញ សូមជួយចាត់មន្ត្រីក្រោមឪវាទចុះបង្ក្រាបទីតាំងល្បែងស៊ីសងខុសច្បាប់ខាងផងទាន៕
![](https://blogger.googleusercontent.com/img/b/R29vZ2xl/AVvXsEh0Kg2Tn8Bo4jmYI-YHxlV71vMgk5mBeDj7kXf74YrTeds_or7YebgqpZkX33SYjnqu-qriNDMJQJFoa67oYgT-mkCWB-8peVbbl0LsrcbGpPm2VqCdxrFp00S-vVtaNOmWtJrEDU7VezguzikgWMBN9FzuU-1KEDqwpcSTXdJlpTloksLsovacAWJ2/s1600/Picsart_22-08-17_11-21-41-692.jpg)
![](https://blogger.googleusercontent.com/img/b/R29vZ2xl/AVvXsEgdWWuGjxdMnuy943d5O9u3WgPA7tqL_BAb60TVtpj7IOc55-djpE3KuWp4mZpTGzNBaeMpPDxU_n3NCCi2d7SzIht53GbudVpBQIdyPhoxhRsLfRblRIeB4CaH8m5Et6GEMlYVzFePkM--gO8fn8-5tegGNYiEK2v5YTGsCdGC2cRap7B3wOdI6QCW/s1600/IMG_20220817_110403_201.jpg)
![](https://blogger.googleusercontent.com/img/b/R29vZ2xl/AVvXsEg_MSoXybxfrrWVLn4_9nhMOPHjhfz4xOKa0dW0i8AoYPPhfVPDwRcgxGdj9G1SaDsv_Hn6aqFRvAq37wAEUnBFZPK-sdyejzK4WIDUEd8vvyISagt4MXjB2S8ncgcF8NKLPt53meJuyagXLDNzpPEuh5A7Uu3qurX74sf3SX5B6mWYG87kXzRvINg_/s1600/IMG_20220817_110359_682.jpg)
No comments