ករណីក្លែងបន្លំឯកសារ ចាប់មនុស្សដាក់គុក នៅស្រុកខ្សាច់កណ្តាល ខេត្តកណ្តាល នៅតែបន្តរក្សាភាពស្ងៀមស្ងាត់_វគ្គ៤
![](https://blogger.googleusercontent.com/img/b/R29vZ2xl/AVvXsEhppiZDfOav8L9KhgQepVpgSmZVqwHQWJELSSZ_Ystx48T6ETw_xUbTE3LnHBAgtLEfAdLkfiWJHj2qmzMWyxhv57KNOLZM1xB7fE-GyL48lHxTRlsDiaEQKXx4YYTGWrYwN4upj99DREscKG09w-Oy7ZsJ323nIT-LMyIT8eTB8mdR7R3XpWoAPxSl/s1600/Picsart_22-12-21_12-42-47-152.jpg)
ករណីក្លែងបន្លំឯកសារ ចាប់មនុស្សដាក់គុក នៅស្រុកខ្សាច់កណ្តាល ខេត្តកណ្តាល នៅតែបន្តរក្សាភាពស្ងៀមស្ងាត់_វគ្គ៤
ចេញផ្សាយនៅថ្ងៃទី១៧ ខែធ្នូ ឆ្នាំ២០២២ វេលាម៉ោង១០:៣១នាទីខេត្តកណ្តាល៖ ករណីលោក ពោច សួរ រួមទាំងគ្នីគ្នាបន្លំយកឯកសារជួលដីទៅឱ្យមេឃុំព្រែកតាមាក់ លោក ឆាយ សេន ចុះហត្ថលេខាដើម្បីប្តូរមនុស្សឱ្យជាប់គុកជំនួស ពេលនេះនៅតែបន្តរក្សាភាពស្ងៀមស្ងាត់។
កាលពីថ្ងៃទី០៤ ខែធ្នូ ឆ្នាំ២០២២ កម្លាំងសមត្ថកិច្ចនគរបាលស្រុកខ្សាច់កណ្តាល នៃស្នងការដ្ឋាននគរបាលខេត្តកណ្តាល បានធ្វើការបង្ក្រាបទីតាំងបនល្បែងស៊ីសងខុសច្បាប់ ត្រង់ចំណុចដីតារាងបាល់របស់លោក ពោច សួរ ស្ថិតនៅឃុំព្រែកតាមាក់ ស្រុកខ្សាច់កណ្តាល ខេត្តកណ្តាល និងបានឃាត់ខ្លួនឈ្មោះ ឈឿន សារុំ បញ្ជូនទៅកាន់អយ្យការអមសាលាដំបូងខេត្តកណ្តាល ដើម្បីយកទៅដាក់ពន្ធនាគារ តាមផ្លូវច្បាប់។
ករណីឃាត់ខ្លួនជនសង្ស័យឈ្មោះ ឈឿន សារុំ ដោយសារនៅពេលនោះកម្លាំងសមត្ថកិច្ចនគរបាលមិនបានពិនិត្យមើលលើឯកសារឱ្យបានគ្រប់ជ្រុងជ្រោយ ទើបបិទភ្នែកឃាត់ខ្លួនជនសង្ស័យឈ្មោះ ឈឿន សារុំ ដោយចោទថាគឺជាម្ចាស់ទីតាំងបនល្បែងស៊ីសងខុសច្បាប់ដោយពឹងផ្អែកលើឯកសារជួលដីក្លែងបន្លំរបស់លោក ពោច សួរ ដែលបានរួមគំនិតជាមួយគ្នីគ្នាដែលជាសាក្សីរួមទាំងលោក ឆាយ សេន មេឃុំព្រែកតាមាក់ក៏បានចូលរួមបិទភ្នែកប្រថាប់ត្រាផងដែរ។
ជុំវិញករណីចាប់មនុស្សដាក់គុក ដោយពឹងផ្អែកលើឯកសារក្លែងបន្លំខាងលើនេះ ត្រូវបានបែកធ្លាយបន្ទាប់ពីខាងសារព័ត៌មានយើងខលសុំការបំភ្លឺពីលោក ឆាយ សេន មេឃុំព្រែកតាមាក់ ជុំវិញការចុះហត្ថលេខាលើថ្ងៃខែមិនប្រក្រតី។ ក្នុងនោះលោកមេឃុំ ឆាយ សេន ក៏បានដាច់ចិត្តទម្លាយអាថ៌កំបាំងជុំវិញឯកសារជួលដីរបស់លោក ពោច សួរ ដែលជាបុគ្គលមានអំណាចលុយឡាន។ ដោយលោក ឆាយ សេន មេឃុំព្រែកតាមាក់ បានលើកឡើងប្រាប់សារព័ត៌មានថា «ឯកសារជួលដីដែលលោក ពោច សួរ យកទៅឱ្យសមត្ថកិច្ចចាប់ឃាត់ខ្លួនមនុស្សបញ្ជូនទៅតុលាការគឺជាឯកសារខុសច្បាប់ទាំងស្រុង» លោកមេឃុំក៏បានឆ្លើយថារូបលោក ក៏បានរួមគំនិតខុសជាមួយលោក ពោច សួរ ដែរ ពោល៖ ដោយសារតែរូបលោក មិនបានពិនិត្យមើលឱ្យបានត្រឹមត្រូវមុននិងចុះហត្ថលេខា។
ទាក់ទិនទៅនឹងករណីចាប់មនុស្សខុសដាក់គុកពីសំណាក់សមត្ថកិច្ចនគរបាលស្រុកខ្សាច់កណ្តាល នៃស្នងការដ្ឋាននគរបាលខេត្តកណ្តាលខាងលើនេះ មហាជនជាច្រើនលើកឡើងថា អាជ្ញាធរនិងសមត្ថកិច្ចពាក់ព័ន្ធនៅតែព្យាយាមបន្តរក្សាភាពស្ងៀមស្ងាត់ ដោយបណ្តោយឱ្យជនដែលបានប្រព្រឹត្តពិតប្រាកដរស់នៅក្រៅសំណាញ់ច្បាប់ មិនខ្វល់អ្វីបន្តិចសោះឡើយ។
ចំណែកឯលោក ពោច សួរ ម្ចាស់ទីតាំងដីពិតប្រាកដ និងជាបុគ្គលមានអំណាចលុយឡាន ខាងសារព័ត៌មានយើងនៅមិនទាន់មានការបំភ្លឺណាមួយជុំវិញករណីក្លែងបន្លំឯកសារខាងលើនេះដែរ។
មហាជនជាច្រើនក៏បានសម្តែងការងឿងឆ្ងល់ថា តើករណីចាប់មនុស្សខុសដាក់គុក ដោយក្លែងបន្លំឯកសារពីសំណាក់លោក ពោច សួរ និងចូលរួមពីសំណាក់សមត្ថកិច្ចពាក់ព័ន្ធដោយរក្សាភាពស្ងៀមស្ងាត់ ខាងលើនេះតើសម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ គួរតែមានវិធានការយ៉ាងណាចំពោះករណីខាងលើ។
មហាជនស្នើសុំលោកឧត្តមសេនីយ៍ទោ ឈឿន សុចិត្ត ស្នងការនគរបាលខេត្តកណ្តាល សូមមេត្តាជួយមានវិធានការស៊ើបអង្កេតចំពោះមន្ត្រីក្រោមឱវាទដែលបានចាប់ឃាត់ខ្លួនមនុស្សបញ្ជូនទៅកាន់តុលាការដោយមិនពិនិត្យមើលលើឯកសារឱ្យបានគ្រប់ជ្រុងជ្រោយផងទាន៕
ពាក់ព័ន្ធទៅនឹងការចុះផ្សាយព័ត៌មានខាងលើនេះក្រុមការងារសារព័ត៌មានយើង រងចាំការបកស្រាយបំភ្លឺពីអាជ្ញាធរសមត្ថកិច្ចនិងអ្នកពាក់ព័ន្ធរៀងរាល់ម៉ោងធ្វើការ។
![](https://blogger.googleusercontent.com/img/b/R29vZ2xl/AVvXsEjrf-KwQVVNS8Ujo_VIqfpezqoNAKivca16ISQKT5vKIXovHyzSIfUvBdcSODR2UAll676hpa8RJDonTwJz1TdJourX4VkOAi1rhOc4GrS-Kts58Cb_zZwOxfsLp1V2pH5eKY_zojVdQBqxtfVSKzzYv9-eo_IpeFJKIIvVyTZLvLV2lrNCUseEFUq4/s1600/IMG_20221205_162832%20%281%29.jpg)
![](https://blogger.googleusercontent.com/img/b/R29vZ2xl/AVvXsEgPdacGPCfJpm0RcuAYSU2uzxReH0RHyuQzXfvC3xrSg1DKj9ibW8Uu0QdF6iaY7_lFpS0LAq0JwlGYb0eCdpLOFNLEXiba-S8pUgvDgx30THQHKb39vBo--lqC4h6EZ4RP5PQkDsbZiOPw7ufu3EhaMCD8m9BM6NUyWrTpbhrzhnlOm0WpB1qILJWe/s1600/FB_IMG_1670227197956%20%281%29.jpg)
![](https://blogger.googleusercontent.com/img/b/R29vZ2xl/AVvXsEi4TnmpvrLaYS62euPDHS4qA6NtzPClSb9HyrJZARGBRZ-I9DZKLVjFrl_pQYz5R1Bxp-yp-0UjlaXnFPFPz6oBO3mg5ExY14uTLqAS-dhSXn38K3ew15ZTjJtT57-2HRqqxHGfCAsOGaGWuF53m8idlXa7tday9BwRxEoN_oyUSix4JzVDXiTTuema/s1600/IMG_20221207_183741_956%20%281%29.jpg)
![](https://blogger.googleusercontent.com/img/b/R29vZ2xl/AVvXsEg-mN2ladQOoD64FtgM5wjd2m8EwypfIZKbPsFjuq0aIKI3IGRhEp06RuW4PITKF0lRH3Iu5BKFGuArFy4s3iLJx2jk18fzOVGcemcLWvHIXBTmt7axTLsGcMNk3v5XHtd4GhEeM6EpYlKhVnI2Sx3mAcF2TfC5UKWt2KW-CTP12uXVyM9AWYtfAQez/s1600/IMG_20221207_180311%20%282%29.jpg)
![](https://blogger.googleusercontent.com/img/b/R29vZ2xl/AVvXsEgLSmYOtnd28taS0YKmtgW1lXjQbvGmwhW9V52Kh-JtHw1APTDL1nh2TRgcT2WpsQwsFnL4fc5qVopAkLGpNH15eeCUOuR_6xoCClcDpaUlRKYZcvkZch1C2UH-9mf4_XrdW_FLLBrmPirWExEQTD7RFq_XVpV2tRdj_6jv-8i5d3pzdVYownj-mp3s/s1600/IMG_20221207_180350%20%282%29.jpg)
![](https://blogger.googleusercontent.com/img/b/R29vZ2xl/AVvXsEhGkOdiw7VqYI9AzH0PXhSlmsCNNMmFD4s6souglx1h8ZbKOh_D1_bvE_AuaHnIuccmZAYpEp9nQttiEmp84WC9ol4ZBK_iE4G-fAm9gclahFrh3mvfAHs3oJs98ki_6e0ZjXV2OZ0VCt25thr328yugiDOXJZE0lBN2IlEB5mibpz56joKg_MrlDvv/s1600/IMG_20221209_133148_092.jpg)
![](https://blogger.googleusercontent.com/img/b/R29vZ2xl/AVvXsEgcfUzG-fqD5t3s_P-YwNZNFaXMgE_BGRbogX1NqQOE1xv6QrcrGexEK2coJhVXvSB3CB85D00L7CvI-rIzw_gcw9V4-PcU-uD0lghDauFaud960trWNA433v5msoOV-CTOsvNihSNjxa5KbTyxH27t4L_3J-IrK30O1bIcqAQK955tPvUy5ImPx8I7/s1600/Screenshot_2022_1211_142957.jpg)
No comments