ប្រជាពលរដ្ឋជាច្រើនបានលើកគ្នាដូចទ័ពទៅមុខក្រសួងមហាផ្ទៃ ដើម្បីសុំកិច្ចអន្តរាគមន៍ពីថ្នាក់ដឹកនាំ
![](https://blogger.googleusercontent.com/img/b/R29vZ2xl/AVvXsEgsPt02ZGCQWduzP1-866au_K-Tq2Orbo_jXywOWel2nXtoIleqQEO8EhUxELkh06xzUEQ9Xr3SdRHI21Gpk0Yp6ON46YIjpjzsT0sO4FBNS1HqghkuH9_0sR_2yhwAwZAC1_QTOJMId0lwbqYZLkKA1lQ4Z7itjqEac0SlwGy2zlwGZhmiAXrSay8K/s1600/Picsart_22-12-16_17-25-23-690.jpg)
ប្រជាពលរដ្ឋជាច្រើនបានលើកគ្នាដូចទ័ពទៅមុខក្រសួងមហាផ្ទៃ ដើម្បីសុំកិច្ចអន្តរាគមន៍ពីថ្នាក់ដឹកនាំ
ចេញផ្សាយនៅថ្ងៃទី១៦ ខែធ្នូ ឆ្នាំ២០២២ វេលាម៉ោង១៧:៣១នាទីភ្នំពេញ៖ នារសៀលថ្ងៃទី១៦ ខែធ្នូ ឆ្នាំ២០២២នេះ ប្រជាពលរដ្ឋជាច្រើនបានលើកគ្នាទាំងទ័ពទៅសុំកិច្ចអន្តរាគមន៍ពីថ្នាក់ដឹកនាំនៅមុខក្រសួងមហាផ្ទៃ ក្នុងករណីមន្ត្រីនគរបាលមួយរូប ឈ្មោះ ធូក ចិន្តា បានលួងលោមបោកប្រាស់លុយពីពួកគាត់ អស់ម្នាក់ៗ រាប់ពាន់មុឺនដុល្លារ។
បើយោងតាមការលើកឡើងរបស់ពលរដ្ឋទាំងនោះ បានឱ្យដឹងថា៖ «មូលហេតុដែលពួកខ្លួនលើកគ្នាទាំងកងពលមកមុខក្រសួងមហាផ្ទៃ ដោយសារតែពួកខ្លួនបានលេចឮដំណឹងថាមានអ្នកធំម្នាក់ដែលមានឥទ្ធិពលបានអន្តរាគមន៍ ឱ្យដោះលែងមន្ត្រីនគរបាលដែលជាជនឆបោកប្រាក់របស់ពួកគាត់ឱ្យមានសេរីភាពវិញ»។
គួរបញ្ជាក់ដែរថា៖ កាលពីថ្ងៃទី១៥ ខែធ្នូ ឆ្នាំ២០២២ ម្សិលមិញនេះ កម្លាំងនាយដ្ឋាននគរបាលព្រហ្មទណ្ឌនៃក្រសួងមហាផ្ទៃ បានធ្វើការឃាត់ខ្លួនជនសង្ស័យម្នាក់ឈ្មោះ ធូក ចិន្តា ភេទស្រី មុខរបរជាមន្ត្រីនគរបាលនៃស្នងការដ្ឋាននគរបាលខេត្តកណ្តាល។ ហើយការឃាត់ខ្លួននេះដែរ គឺធ្វើឡើងបន្ទាប់ពីមានពាក្យបណ្តឹងពីប្រជាពលរដ្ឋជុំវិញករណី«ឆបោក»។
ប្រជាពលរដ្ឋទាំងនោះ ក៏បានលើកឡើងទៀតថា៖ ដោយសារតែលេចឮដំណឹងថាមានអ្នកធំមានឥទ្ធិពលបម្រុងអន្តរាគមន៍ឱ្យដោះលែងជនសង្ស័យខាងលើ ទើបពួកខ្លួនដាច់ចិត្តលើកគ្នាមកដូចទ័ពដើម្បីសុំកិច្ចអន្តរាគមន៍ពីថ្នាក់ដឹកនាំនៃក្រសួងមហាផ្ទៃ និងសុំកិច្ចអន្តរាគមន៍ពីអយ្យការអមសាលាដំបូង ដើម្បីសូមកុំឱ្យមានការដោះលែងជនសង្ស័យ ដែលជាមន្ត្រីនគរបាលរូបនេះ។
ប្រជាពលរដ្ឋទាំងនោះក៏បានស្នើសុំឱ្យថ្នាក់ដឹកនាំនៃក្រសួងមហាផ្ទៃគឺសម្តេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ សូមសម្តេចជួយចាត់វិធានការតាមផ្លូវច្បាប់ចំពោះមន្ត្រីនគរបាលឈ្មោះ ធូក ចិន្តា ដែលបានឆបោកលុយពីពួកគាត់អស់ជិត ២០មុឺនដុល្លារ ផងទាន៕
![](https://blogger.googleusercontent.com/img/b/R29vZ2xl/AVvXsEhG0ptNNcCfGTJUgn9kVKG6rTQrDweUhXMu1hIk5qSgtPk_0j4PxW8nlWryBEgXqcnOMqnqeeQTnE2b-VGncEw_6r9jABdg8ApVWe0Ygh0fjt5tBNEqXfTp8Hw2PkH1ft5aHZLl7AJnNBL3nw1ceuYg-VpbvgHC4NIHqw91_uAYV_vtMfBkyQq2ImyY/s1600/25F89329-1424-4D02-84D1-2C934396564C.jpeg)
![](https://blogger.googleusercontent.com/img/b/R29vZ2xl/AVvXsEhIgu7g5afOhDDyb25Xw9nxcSmtF91GoNBhY5gJKYhxVxSO8_n3lqW6Z4QNGv5mp08e1-QjIGYM_dnY1XzPQUWMGzqIGZY89zTDZqITLpTMiAz6x7FK3TLp04M_ltsXa_3VrErkg5zYIC6N3NUcHJqkd4xjI9veiIWbzpBR18Nx6I3iylp73ItbqHUV/s1600/IMG_20221216_172620.jpg)
![](https://blogger.googleusercontent.com/img/b/R29vZ2xl/AVvXsEjRkd3GxhuDejNYY42ecgw27fmUqVzRTPJSxzwtfsnijIUlen5rgdo93fdtxELD1-PqoLPnA_4gFw4167-TDAJURjUCkL4dqD_mzBoqrIKE0VPbhyE4TeibIS_jyJbrZ729ouBjuF4hzXlA0R2LCatDVJlFuvkkz4ibl6BQY79p_yuMD2H9A0kKRXW_/s1600/IMG_20221216_171524_525.jpg)
![](https://blogger.googleusercontent.com/img/b/R29vZ2xl/AVvXsEhill5sARFjhxBZqvznO8u9lovmDgoTebbg88pmD8O_nMOYOGUdS2VwUv3sRrVL71nR971P-TdwgUC6ESywgv1wrNtayXbZVz7bq-UMb_MyI95rVpXn8Kc2LUgmXjWLB52TeXHIzSp57a9-sZ4UM86BsQupXclHPXlokea9PaWChGl2wid8yFO1Lq0b/s1600/IMG_20221216_171524_808.jpg)
![](https://blogger.googleusercontent.com/img/b/R29vZ2xl/AVvXsEgZrunuvKxH-fKy-TjC6CU4SP0y2cgBRk3mt-SODzZm8VJpao5nugtNoqODucnmjmCv2IOwg4hMA2CvMV6S_gh9mCZorlk99pT53rvxFsx_jOuXtpsMlxKSXeGlwG6HwHTay7afi0v0mvzWV6xQ1tL-670XGZrywOd4jg0K7d26IGIxzUdYsUFSyq6C/s1600/IMG_20221216_171524_830.jpg)
![](https://blogger.googleusercontent.com/img/b/R29vZ2xl/AVvXsEjmwedgQ4XtbO0CK84aHW8mrmxIyRz4TQDqjtdwybbup_UU1yD4vCHTBJEnLWXgrdBOdEyhmNJxh9Qflvs48ffVu_teca2rCZFV1s_nJKzOGg41n5eI6n6AIa3jGr1tg1Oicfy3_ZbBeleV9pLVOwNX5b2uSfMyZyewBrC7O7KBJD-cXZc1qHAAWTIQ/s1600/IMG_20221216_171524_877.jpg)
![](https://blogger.googleusercontent.com/img/b/R29vZ2xl/AVvXsEhE8UvFyIqLSsSN_XH-NWxl0hdUchoMaoiqzcLDWzAQvuzFHnamPaUfSZUEYwnLDvk-ANSUVQhZV-vFL8M2veWT7NGfDbD8vmqoqtDWu2UhA8KUw1-NQJagsWooYDlk1dfG524IeZ4x3IXvhwLVm4arQ583r0BoQqFUVOdKD7S6403mqK3sdwRpJ3i9/s1600/IMG_20221216_171525_002.jpg)
![](https://blogger.googleusercontent.com/img/b/R29vZ2xl/AVvXsEj_BgwgNC9LXZG-5rHKziwoQDlYRYftpBtsIgTw11oquZRBCRZPaUeuAFr8PLPjAFApiP0QecbjSoYXjQ7TcueDQe8i1fBpZcoR8K8ZrqH5f5IVdy1TMUnTS43wmRxwd_DFb9GPpLnp95KMs4EM1rmQNlPZ07QwQ_s0rBnWXzzMrwRpOigxTNmVdmaD/s1600/IMG_20221216_171525_015.jpg)
No comments