ជនសង្ស័យពីរនាក់ ត្រូវបានកម្លាំងសមត្ថកិច្ចឃាត់ខ្លួន ពាក់ព័ន្ធករណីប្រើប្រាស់ខុសច្បាប់នូវសារធាតុញៀន
![](https://blogger.googleusercontent.com/img/b/R29vZ2xl/AVvXsEjFs65Dx0MDehI2NeMQ6ninHmaAcV4DbA9kCefKOIQ0ns75-1V7iPDSeG5pPLGq1G2B1MVcMgFzdzIL4sDO_6XBn3Awbf3TxnyXMAGnqe0aA9Fo9jAqcOoW4OkXRLXGnwNAHBRHGdu19xMvuiIffWV4WwVrsH-QXfQAybqInj1Pot0tnOx2IDDdcVhn/s1600/IMG_20230307_180556_830.jpg)
ជនសង្ស័យពីរនាក់ ត្រូវបានកម្លាំងសមត្ថកិច្ចឃាត់ខ្លួន ពាក់ព័ន្ធករណីប្រើប្រាស់ខុសច្បាប់នូវសារធាតុញៀន
ចេញផ្សាយនៅថ្ងៃទី០៧ ខែមីនា ឆ្នាំ២០២៣ វេលាម៉ោង១៨:០៩នាទីនៅយប់ថ្ងៃទី០៦ ខែមីនា ឆ្នាំ២០២៣ វេលាម៉ោង ២២និង១២ នាទី កម្លាំងអន្តរាគមន៍ នៃអធិការនគរបាលស្រុកតាលោសែនជ័យ បានសហការជាមួយកម្លាំងប៉ុស្តិ៍នគរបាលឃុំផ្ទះរុង ធ្វើការឃាត់ខ្លួនបានជនសង្ស័យចំនួន០២នាក់ ពាក់ព័ន្ធទៅនឹងករណីប្រើប្រាស់ខុសច្បាប់នូវសារធាតុញៀន។
តាមប្រភពព័ត៌មានពីសមត្ថកិច្ចបានឱ្យដឹងថា ជនសង្ស័យមាន ឈ្មោះ ប៊ុន សំអាត ភេទប្រុស អាយុ ២៩ ឆ្នាំ មុខរបរ កសិករ ម្នាក់ទៀតឈ្មោះ ហ៊ួយ វ៉ាន ភេទប្រុស អាយុ ៣៤ ឆ្នាំ មុខរបរកសិករ ជនសង្ស័យទាំងពីរមានទីលំនៅភូមិព្រៃកន្ទួត ឃុំតាលោ ស្រុកតាលោសែនជ័យ ខេត្តពោធិ៍សាត់។
ប្រភពព័ត៌មានពីសមត្ថកិច្ចបានឱ្យដឹងទៀតថា នៅវេលាថ្ងៃខែឆ្នាំខាងលើ កម្លាំងសមត្ថកិច្ចបានចុះល្បាតនិងការពារសន្ថិសុខសណ្តាប់ធ្នាប់ជូនប្រជាពលរដ្ឋនៅក្នុងមូលដ្ឋាន ស្រាប់តែដល់ចំណុចព្រៃតូង ស្ថិតនៅក្នុងភូមិព្រៃកន្ទួត ឃុំតាលោ ស្រុកតាលោសែនជ័យ ក៏បានប្រទះឃើញជនសង្ស័យចំនួន០២នាក់ជិះម៉ូតូមួយគ្រឿងម៉ាកវេវអាល់ហ្វា ពណ៌ខ្មៅ គ្មានពន្ធ គ្មានស្លាក និងបានធ្វើការឆែកឆេរក៏ប្រទះឃើញឧបករណ៍ប្រើប្រាស់គ្រឿងញៀន និងធ្វើការឃាត់ខ្លួនតែម្តង។
បន្ទាប់ពីឃាត់នៅមុខសមត្ថកិច្ចជនសង្ស័យ ទាំងពីរនាក់បាន សារភាពថាខ្លួនទើបតែបានទិញថ្នាំជក់អស់ចំនួន២ម៉ឺនរៀល ពិតប្រាកដមែន ហើយរយះពេលនៃការប្រើប្រាស់គ្រឿងញៀនកន្លងមក ទើបតែប្រើប្រាស់ជាងមួយឆ្នាំនោះទេ៕
![](https://blogger.googleusercontent.com/img/b/R29vZ2xl/AVvXsEjBnng-QS5yxeGgflIOvWtql0zEuzZz-D3juSglwtUedvQG0j0zpI9tRpZNqF59XvGu4uHsc8rL2ovmSYz9NMAtrtSqAelSUvDdIHFEseZOWp3VmYb18ceKrbofyY1F5FBSn_8KdqzG9EyTzkd7jBl_XYCpXh8YLhdYoSz2KZZMqiiwEhGpr0fkcrxz/s1600/IMG_20230307_180553_866.jpg)
![](https://blogger.googleusercontent.com/img/b/R29vZ2xl/AVvXsEgJPmycYTP3Rc1gQTVnRdxGuJuxi5KhdoPPL5YyfgNivS9IcwCryHM25K82mP_QsnqAbSXtQNAZYrWoTBy1dYku8fDypiVgXVi9y9BlWXDCItLzkCWT4ze5X8zOUHBtefDQyCMNYLM_nIFhu6jarcwRswOWwV3TVO3Y6TZF95UVBHg3tgI8e5ihs1qo/s1600/IMG_20230307_180556_830.jpg)
![](https://blogger.googleusercontent.com/img/b/R29vZ2xl/AVvXsEhlEze1gGrHq5GuzOTxTPh06XpUPweGfrB_sjWhTrnbH0m-6qAwNF22OuJVJwq-FBadsHVP9_-QfipxQ80mnTkrQ2YhN-7PI2MWv5EXR1pu4tMAF781UfurxhnxYCGYbcMfP2oAdVJU7pPPrVzrGakZE2X5ZGXeUqxJoRCKzZ0LOk1UkegBIlmXPZ7Q/s1600/IMG_20230307_180559_571.jpg)
No comments