អតីតអ្នកគាំទ្រគណបក្សប្រឆាំងនិងមន្រ្តីជាន់ខ្ពស់ជាច្រើនរូប បានវិលមករួមរស់ជីវភាពនយោបាយ ជាមួយគណបក្សប្រជាជនកម្ពុជា
![](https://blogger.googleusercontent.com/img/b/R29vZ2xl/AVvXsEhqwfu3-PCcUkXHXXKOtW-Xao8qpzrwzh2MXvV8JmdmEjOQk7rCUH53rliQE-xV7ZCsToa3JGD5p78Nh6ZOXfuCJJkM2U8cMxxYByOF9OGIiCLboBDWZPOjzr9OtmVMhv9pi68t1ngpFieh2fxJTL2KQr6bZPvrLMCq_UzRn4bBbZ-XmGO7jyv-dQPm/s1600/Picsart_23-04-22_08-40-11-844.png)
អតីតអ្នកគាំទ្រគណបក្សប្រឆាំងនិងមន្រ្តីជាន់ខ្ពស់ជាច្រើនរូប បានវិលមករួមរស់ជីវភាពនយោបាយ ជាមួយគណបក្សប្រជាជនកម្ពុជា
ផ្សាយចេញពី/ខេត្តកំពង់ចាម/ថ្ងៃទី២២ ខែមេសា ឆ្នាំ២០២៣នាព្រឹកថ្ងៃទី២១ ខែមេសា ឆ្នាំ២០២៣នេះ ឯកឧត្តមបណ្ឌិត ដួង តារា ជំនួយការផ្ទាល់សម្ដេចតេជោនាយករដ្ឋមន្ត្រី និងឯកឧត្តមបណ្ឌិត លី សាម៉េត ទីប្រឹក្សាផ្ទាល់សម្តេចតេជោប្រធានគណបក្សប្រជាជនកម្ពុជា បានទៅកាន់ខេត្តស្វាយរៀងដើម្បីណែនាំបងប្អូនដែលជាមន្រ្តីជាន់ខ្ពស់មកពីគណបក្សភ្លើងទៀនចំនួន ៨ នាក់ ដែលបានស្ម័គ្រចិត្តវិលមករួមរស់ជីវភាពនយោបាយជាមួយគណបក្សប្រជាជន ហើយឯកឧត្តមបណ្ឌិត ដួង តារា ក៏ប្រគល់ជូនទៅ ឯកឧត្តម ម៉ែន វិបុល អភិបាលខេត្ត និងជាប្រធានគណបក្សប្រជាជនខេត្តស្វាយរៀង ដើម្បីបន្តគ្រប់គ្រងដឹកនាំក្រុមការងារ។
ឯកឧត្តមបណ្ឌិត ដួង តារា បានថ្លែងអំណរអរគុណទៅដល់ ឯកឧត្តមប្រធាន និងមន្រ្តីគណបក្សខេត្តស្វាយរៀងទាំងអស់ដែលបានយកចិត្តទុកដាក់សហការទទួលបងប្អូនដោយក្តីសោមនស្សរីករាយនិងស្និទ្ធស្នាលបំផុត។
ក្នុងនោះដែរ ឯកឧត្តមបណ្ឌិត ដួង តារា រីករាយជាមួយក្តីស្រឡាញ់អស់ពីបេះដូងដែលបានទទួលបងប្អូនទាំង ៨ នាក់ ជាមន្រ្តីជាន់ខ្ពស់ នៃគណបក្សភ្លើងទៀនសម្រេចចិត្តវិលមករួមរស់ជាមួយមហាគ្រួសារគណបក្សប្រជាជន ក្រោមម្លប់ដឹកនាំរបស់សម្តេចតេជោ ហ៊ុន សែន។
អ្នកទាំងនោះរួមមាន៖
*១. លោក រ័ត្ន ចំរើន (អតីតអនុប្រធានគណបក្សប្រឆាំងខេត្ត និងធ្លាប់ជាប្រធានគណបក្សភ្លើងទៀន នៅប្រទេសដាណឺម៉ាក បច្ចុប្បន្នអនុប្រធានគណបក្សភ្លើងទៀនខេត្តស្វាយរៀង)
*២. លោក វ៉ាន់ សឿន (ជាអនុប្រធានបក្សភ្លើងទៀន ស្រុកកំពង់រោទិ៍ ខេត្តស្វាយរៀង)
*៣. លោក ប៊ិន សាវឿន (អតីតជាសមាជិកប្រតិបត្តិស្រុករមាសហែកគណភ្លើងទៀន ខេត្តស្វាយរៀង)
*៤. លោកស្រី សេក សោភ័ណ្ឌ (បេក្ខភាពលេខរៀងទី៤ ឃុំកំពង់ចម្លងគណបក្សភ្លើងទាន ខេត្តស្វាយរៀង)
*៥. លោក ខាត់ វណ្ណី (អនុប្រធានភ្លើងទៀនស្រុកស្វាយជ្រុំ ខេត្តស្វាយរៀង)
*៦. លោក ម៉ៅ វី (ប្រតិបត្តិបេក្ខភាពលេខ១ភ្លើងទៀន ឃុំសំយោង ស្វាយរៀង ក៏ជាសមាជិកអចិន្រ្តៃស្រុកកំពង់រោទិ៍ ខេត្តស្វាយរៀង)
*៧. លោក យុង យឿន (ប្រតិបត្តិបេក្ខភាពលេខ១ភ្លើងទៀន ឃុំព្រៃធំ ក៏ជាសមាជិកអចិន្រ្តៃស្រុកកំពង់រោទិ៍ ខេត្តស្វាយរៀង)
*៨. លោក កើត សារឿន (ប្រតិបត្តិបេក្ខភាពលេខ១ ភ្លើងទៀន ឃុំថ្មី ក៏ជាសមាជិកអចិន្រ្តៃស្រុកកំពង់រោទិ៍ ខេត្តស្វាយរៀង)
បន្ថែមពីលើនេះទៀត លោក គង់ ហ៊ុនធារិទ្ធ អតីតនាយកខុទ្ទកាល័យរបស់គណបក្សចំនួន៣មកហើយគឺគណបក្ស ហ៊្វុនស៊ិនប៉ិច គណបក្សរាស្ត្រនិយម និងគណបក្សសង្គ្រោះជាតិ គឺលោកដឹងច្បាប់ថា គ្មានគណបក្សណាដែលមានសមត្ថភាពដឹកនាំប្រទេសបានដូចគណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជាប្រធានគណបក្ស ដែលមានសមត្ថភាពបរិបូរណ៌ក្នុងការដឹងនាំប្រទេស។
ហើយលោកក៏បានអំពាវនាវឱ្យបងប្អូនគណបក្សប្រឆាំងទាំងអស់ សូមមានការភ្ញាក់រលឹក ចូលរួមជាមួយគណបក្សប្រជាកម្ពុជា ព្រោះមានតែគណបក្សប្រជាជនកម្ពុជាទេ ដែលមានមេដឹកនាំច្បាស់លាស់។
ក្នុងឱកាសដ៏សែនរីករាយនោះ ឯកឧត្តមបណ្ឌិត ដួង តារា បានមានមតិសំណេះសំណាលស្វាគមន៍សមាជិកដែលបានចូលរួមជីវភាពនយោបាយជាមួយគណបក្សប្រជាជនកម្ពុជា នាពេលនោះ ហើយឯកឧត្តមបណ្ឌិត ក៏បានកោតសសើរ និងវាយតម្លៃខ្ពស់ចំពោះបងប្អូនមន្ត្រីជាន់ខ្ពស់ទាំង ៨ នាក់ ដែលជាអតីតគណបក្សប្រឆាំងខេត្តស្វាយរៀង។
សមាជិកទាំងអស់ដែលបានខិតខំប្រឹងប្រែងនាពេលកន្លងមក ឯកឧត្តមបណ្ឌិត បានលើកទឹកចិត្តសូមឱ្យបងប្អូនខិតខំបន្តទៀត ដើម្បីគណបក្សប្រជាជនកម្ពុជាឈ្នះឆ្នោតនាពេលពេលខាមុខនេះ។
អតីតបងប្អូនធ្លាប់មាននិន្នាការប្រឆាំងទាំងនេះបានដឹកនាំក្រុមជាសមាជិកមួយចំនួនបានគោរពស្នើសុំដោយក្តីសណ្តាសប្រណីពីសម្តេចតេជោនាយករដ្ឋមន្ត្រី តាមរយៈ ឯកឧត្តមបណ្ឌិត ដួង តារា ជំនួយការផ្ទាល់សម្តេចតេជោនាយករដ្ឋមន្ត្រី។
ឆ្លើយតបទៅតាមសំណូមពររបស់បងប្អូន ឯកឧត្តមបណ្ឌិត ដួង តារា បានស្វាគមន៍ និងថ្លែងអំណរអរគុណ ដោយក្តីស្រឡាញ់ពេញបេះដូង លោកបន្តថា៖ សំណើររបស់បងប្អូន គឺជាសកម្មភាព ភ្ញាក់រលឹកទាន់ពេលពេលវេលាដែរបានវិលត្រឡបមករួមរស់ជាមួយជីវភាពនយោបាយដ៍ល្អរបស់គណៈបក្សប្រជាជនកម្ពុជា៕
![](https://blogger.googleusercontent.com/img/b/R29vZ2xl/AVvXsEgp3G5axx1GQmClZRuBId7BxbC4Le7-Ow7hbpO-YVzariZ3mf7JY4zbNRrHW8rw6iqSkSa-khHmCrR5xKvwLsHde-97OCi6xa80gKbQT_dZ-h4zYV3ztOYnJRRLXaSb6bEr6p4QyQxN6fZ2N7PVV0QhCXQ1_FsPkVqIh6mA8N_CU_MQGYXAibDRELKZ/s1600/IMG_20230422_082255_244.jpg)
![](https://blogger.googleusercontent.com/img/b/R29vZ2xl/AVvXsEhu2BZBJNe21hOLtp5G3GAQGncn1B5eAJvHh7aH17UPp0rmdbvU-ePDi8-vpPCDjS0lW5J1Hy7hi27NSX8GyRB2Fm6mazEIgCNMFJnaF1U-1erJDAWiQ_MfCd1351GTv7WiZV8zHqbxggEe08QsPBpfqvoHSvZVYrdhibCvJ52-1do7ONMbJRKM24GQ/s1600/IMG_20230422_082305_552.jpg)
![](https://blogger.googleusercontent.com/img/b/R29vZ2xl/AVvXsEggmVagxxPphBfpOLB9NxwxOPmwxxvY6IUHu60_VV__yazqqB3uIdEF9skPg_gqPGCTfU6b5VEeloZ778VpWLM2BBWbJ8f5Y11OEXSyKH2B0oJk-K0Thh2BgIeNmmlVpqtvm-0Te_SRj4Kc0pYLNXH9oCHprEkrOUFjIrftqHc40v9SIJvCTF9JlKQQ/s1600/IMG_20230422_082335_206.jpg)
![](https://blogger.googleusercontent.com/img/b/R29vZ2xl/AVvXsEig-IJ7fjHs-QADLkwEpm58UASsX6aMPztUcQoNTBPd6OhjVIiaMAjHmCyHGdEkm7l_Ei4i6hgzi2m3ra1zL7dlnq33g6L_wnIWnVWVHuNfI8TZC78djv9k5AHYxBpbz6Uhx0afJSz1gMuQtbc1w21aDgTk2gidUlk4dwzBpm3PAzbQN-Z20TEyLls_/s1600/IMG_20230422_082341_154.jpg)
![](https://blogger.googleusercontent.com/img/b/R29vZ2xl/AVvXsEiqTYSPNW8LOkB5WxpuTefT9zzElK6smXIG-hqNMuvoYr9AJ9yjXpK_SjayUzPwTbXOMhUvEfLZQ9NgjMGlbjXUKssL-ZAaoyEn2n0eqjF6BuHAMwnv1Nt1sgTbAdhsqdChSHnkBvlMCPuDGIjfKs6mR8qxGSTlRmf_FDOe86N0daJUY-ep9fp6O3oA/s1600/IMG_20230422_082357_054.jpg)
![](https://blogger.googleusercontent.com/img/b/R29vZ2xl/AVvXsEjMQfalUiGLrpojxmZYzS5Q378YKmSH-4cX41jK1xTcuuXQN4DHvOX03dzSYGNl7pabJcq93w5HtamOmgUUObJEWZgO9mNqksQiI-j5fVzqpZafhxu1G8Jl0m-YWD3E6bh7jkx9UTJ60o_6tTgr5Y9AQsx7-ZkeW9D1gC1zF2zwJdWWWCwlMDrggzVD/s1600/IMG_20230422_082400_714.jpg)
No comments