ឧត្តមសេនីយ៍ត្រី អេង ហ៊ី៖ «កងរាជអាវុធហត្ថ មិនបានការពារចំពោះយោធិននៃកងរាជអាវុធហត្ថណាប្រព្រឹត្តល្មើសច្បាប់»
![](https://blogger.googleusercontent.com/img/b/R29vZ2xl/AVvXsEirC0EMGGYZip79L3qr-6pyvPrdXBy5FwYEYzdDwkQXC_v4khETrwWAVtnoldxkShq2ZV1XTSd3m8NB_UtzidwQtJhkmjqxouocCprv0F-034Vu4dM6Ngv1edhmuGZ4_CbG31D32ydTCIxlxKEraAXbM3BZ823u4qx140mS-ZsaUI_e8uIRN4X12bmII6I/s1600/IMG_20240120_085427.jpg)
ឧត្តមសេនីយ៍ត្រី អេង ហ៊ី៖ «កងរាជអាវុធហត្ថមិនបានការពារចំពោះយោធិននៃកងរាជអាវុធហត្ថណាប្រព្រឹត្តល្មើសច្បាប់»
រាជធានីភ្នំពេញ៖ នាថ្ងៃទី១៨ ខែមករា ឆ្នាំ២០២៤ អ្នកនាំពាក្យកងរាជអាវុធហត្ថលើផ្ទៃប្រទេស លោកឧត្តមសេនីយ៍ត្រី អេង ហ៊ី បានបំភ្លឺជូនសាធារណៈជននិងអ្នកសាព័ត៌មានថា «កងរាជអាវុធហត្ថមិនបានការពារចំពោះយោធិននៃកងរាជអាវុធហត្ថណាប្រព្រឹត្តល្មើសច្បាប់»។
ការលើកឡើងនិងបំភ្លឺជាសាធារណៈ ពីសំណាក់លោកឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស គឺធ្វើឡើងក្រោយមានបណ្ដាញផ្សព្វផ្សាយព័ត៌មានជុំវិញបុគ្គលឈ្មោះ សុខា សីហា ដែលជាមន្ត្រីកងរាជអាវុធហត្ថរាជធានីភ្នំពេញ បានកំពុងរងបណ្ដឹងជុំវិញករណីរំលោភលើ «ទំនុកទំនុកចិត្ត» ក្នុងទំហំទឹកប្រាក់រាប់សែនដុល្លារ និង «មេឈ្មួញឈ្មោះ ចែ ធី កំពុងត្រូវប៉ាន់ក្នុងមុខជំនួញលក់សាច់សត្វព្រៃ ខណៈអាជ្ញាធរសមត្ថកិច្ចមិនហ៊ានបង្ក្រាប សង្ស័យខ្លាចអំណាចប្តីគាត់ ធ្វើយោធា និងកូនធ្វើប៉េអិម»។
ខាងក្រោមនេះគឺជាការបំភ្លឺទាំងស្រុង របស់អ្នកនាំពាក្យកងរាជអាវុធហត្ថលើផ្ទៃប្រទេស៖
«ខ្ញុំបាទឧត្តមសេនីយ៍ត្រី អេង ហ៊ី អ្នកនាំពាក្យកងរាជអាវុធហត្ថលើផ្ទៃប្រទេស សូមគោរពអនុញ្ញាតបំភ្លឺជូនសាធារណជន និងអ្នកសារព័ត៌មានមេត្តាជ្រាបថា៖
១-តាមរបាយការណ៍របស់លោកឧត្តមសេនីយ៍ត្រី សាន្ត ប៊ុនថាន មេបញ្ជាការកងរាជអាវុធហត្ថខេត្តក្រចេះ បានបញ្ជាក់ថា ឈ្មោះ អែម វុទ្ធី ភេទស្រី អាយុ៥៤ឆ្នាំ បានឆ្លើយបំភ្លឺថា “នាងខ្ញុំមិនបាននិយាយដូចការផ្សព្វផ្សាយទេ សព្វថ្ងៃនេះនាងខ្ញុំមានតែកូនស្រី២នាក់ និងសូមបដិសេធចំពោះរឿងដែលសារព័ត៌មានផ្សព្វផ្សាយថា ខ្លួនមានប្តីធ្វើជាយោធា ប្អូនជីដូនមួយធ្វើជាប៉ូលិស អធិការនគរបាលស្រុកស្នួល និងមានកូនធ្វើជាអាវុធហត្ថ។
២-ឈ្មោះ សុខា សីហា គឺជានាយទាហាននៃកងរាជអាវុធហត្ថរាជធានីភ្នំពេញ ពិតប្រាកដមែន។ ចំពោះដីកាកោះឱ្យឈ្មោះ សុខា សីហា ចូលឆ្លើយបំភ្លឺពីដំណើររឿង “រំលោភលើទំនុកចិត្ត” ជាចំណាត់ការនីតិវិធីរបស់តំណាងអយ្យការអមសាលាដំបូងរាជធានីភ្នំពេញ មិនពាក់ព័ន្ធឋានៈ មុខតំណែង តួនាទីក្នុងកងរាជអាវុធហត្ថឡើយ។ កងរាជអាវុធហត្ថ ក៏មិនបានការពារចំពោះយោធិននៃកងរាជអាវុធហត្ថណាប្រព្រឹត្តល្មើសច្បាប់ដែរ។ ខ្ញុំបាទសំណូមពរការផ្សព្វផ្សាយព័ត៌មាន សុំឱ្យមានវិជ្ជាជីវៈនិងគោរពសិទ្ធិបុគ្គលដូចមានចែងក្នុងច្បាប់នៃព្រះរាជាណាចក្រកម្ពុជា។ សូមគោរពអរគុណ។»
ករណីនេះខាងសារព័ត៌មានយើងក៏សូមជម្រាបជូនដែរថា៖ បុគ្គលឈ្មោះ សុខា សីហា ដែលជាមន្ត្រីកងរាជអាវុធហត្ថរាជធានីភ្នំពេញ នៃកងយោធពលខេមរភូមិន្ទ ត្រូវបានជនរងគ្រោះដាក់បណ្តឹងទៅស្ថាប័នមានសមត្ថកិច្ចពាក់ព័ន្ធករណីរំលោភលើទំនុកចិត្ត ក្នុងទំហំទឹកប្រាក់រាប់សែនដុល្លារ បច្ចុប្បន្នសំណុំរឿងត្រូវបានសមត្ថកិច្ចកសាងបញ្ជូនទៅកាន់សាលាដំបូងរាជធានីភ្នំពេញ។
យ៉ាងណាករណីខាងលើនេះ បុគ្គលឈ្មោះ សុខា សីហា ដែលបានកំពុងរង់បណ្តឹង រូបនេះ ក៏មិនបានធ្វើការបកស្រាយបំភ្លឺណាមួយនោះទេ។ ចំណែកឯដើមបណ្ដឹងនៅតែអះអាងថាខ្លួនជាជនរងគ្រោះកំពុងតែទទូចស្នើសុំឱ្យស្ថាប័នតុលាការ សូមជួយស្វែងរកយុត្តិធម៌ជូនដល់រូបគាត់។
ទោះយ៉ាងណាទាក់ទិនទៅនិងករណីក្តីក្តាំប្តឹងផ្តល់នេះ ឃើញថាអ្នកនាំពាក្យកងរាជអាវុធហត្ថលើផ្ទៃប្រទេស លោកឧត្តមសេនីយ៍ត្រី អេង ហុី បានបញ្ជាក់ហើយថា៖ «កងរាជអាវុធហត្ថលើផ្ទៃប្រទេសមិនបានការពារចំពោះយោធិននៃកងរាជអាវុធហត្ថណាប្រព្រឹត្តល្មើសច្បាប់»។ ដូច្នេះដើមបណ្ដឹងដែលអះអាងថាខ្លួនជាជនរងគ្រោះ ក៏អាចត្រជាក់ចិត្តបាន និងរងចាំចំណាត់ការរបស់ស្ថាប័នតុលាការនៃរាជធានីភ្នំពេញ៕
![](https://blogger.googleusercontent.com/img/b/R29vZ2xl/AVvXsEjQXXkBln62sqOMeFohvHxfSAtekHBWD3M6D5DEhf6UmABcQcMpUQ0XDnhgg7gaMRBl-1WDtuXMpA9GdWfKDYdVFsoIGKU92Yzpdh1vzNb92m3NrYqkmfOSo76NY0RQlti-2FtDwUHmpAeAQvUSfQJKdMIBThqdI4ouAhH_hrgP-MmkwsALzXvgIxW9pWQ/s1600/IMG_20240120_084657_836.jpg)
![](https://blogger.googleusercontent.com/img/b/R29vZ2xl/AVvXsEht_fnxPEIMjspR_pYSZX2tY_9REgJDENQpQj8SYhyphenhyphenyDfj3g-JiQ1w39xbiRWhtgoeiw-JaEjOTb7HnDEnQ5OOMhWgPpi11c3Ucu80InDxNuasvKMDQH_ZQufB1WxDoK7GjJjd9seYhYfbh0V1Q-yu8Y20Ew7lUpvy_3aeMvBrf1L697_R7e4lUkth6jwg/s1600/IMG_20240120_084851_042.jpg)
![](https://blogger.googleusercontent.com/img/b/R29vZ2xl/AVvXsEho63WciShyQdQJP8Rmu6Ckn8gHLMlqXh14YFrfklosOp_G5A6QqeBhgs09lxU2KZTYEjUYFycQaoan_OoTJIDx5EXy41dV4Tq0FgAIGOtx0EKq1yElIQTLYn-NgJ367Tr1kQRDDHvqVt7J_O1bscJ7CV6P2_VkI1DveiSfsjm3GK6NBOwCjebNavwGcfY/s1600/IMG_20240120_085526.jpg)
![](https://blogger.googleusercontent.com/img/b/R29vZ2xl/AVvXsEisBiG0V7lFJ2RVv_PWDVb0Syn60ReNrK63Hsj3E_AvCooMyljaNE1xmFsr0V-2GDOICqFvkhbrCnYhUlVKHfsm-ivEu52-RYcQP0HHCTdH3-PoK6LqGmmpqw_bHU47B6Vk5wBvlHAjPOSO4JYcqtR_1l0PUwPxi-KjA0jhrd4U3jb06WG1gvCZAxh9sjw/s1600/IMG_20240117_075446_539.jpg)
![](https://blogger.googleusercontent.com/img/b/R29vZ2xl/AVvXsEhm_VdJeKf57MzNsT1y4C05zGY4cnPVeiwOaady2ntLTjEPH4E6dWeuoAHiFDJlY0JNT7LuBeHONIC3Kjt4xl4TmOZ24zzkN2qZSd31GzX1K2CCEimiCw0YJpAadqa5hFbCeVdkHaGoWxksgc_1bsfpUztYaOlBk-SJUPjN1pNtIyGn9RJso468CDxtBPM/s1600/IMG_20240117_075946.jpg)
![](https://blogger.googleusercontent.com/img/b/R29vZ2xl/AVvXsEhdWPPb6L_yLKDL6mxS-1EA7gx9mbKUJ6_GfCdmuyxD5Tb3BryBGkWgArM2JJ_WcwIefGTBmzb2Onnw5L9EUny96VuiWd1Ip0FKwxzol7ePqxJJ0jHSeDOyvehKt1vLnaYV_uO63yGdw61i9zR4apcGEkcmdr4_KP0CTcpf8KyaIiGDpi90SVCLw7VD24Q/s1600/IMG_20240117_080034.jpg)
![](https://blogger.googleusercontent.com/img/b/R29vZ2xl/AVvXsEiVzvqQIIidKYm4QwMqG25XRCFwRqN4d6DOEdl3YVII4_ESisblK0MOlJQ8u3Azka7GUtd535MZ4onV_ypiPkLa9fA2YibljhRFmsX-QQoeKreHjFKF1vtarI-NnBYMhZwvstjGHH-7dePtJZtlBh5pTmBdWja-Ee4l_-QTovJ4uqfkNpPTFMPl4jI_LtE/s1600/IMG_20240117_083201.jpg)
![](https://blogger.googleusercontent.com/img/b/R29vZ2xl/AVvXsEgQxpLp7Jpxw3HtvsluGgvTW1VYYo6wN3QBZzoC3lnhU-nyrKNDTqhWyqC-XC-0gOEtNlleDjBliTbvfSGzN0ds9bLdHseGcu66mu7YitvO3naNXyn3I3_miCM5kXKU2vM1-6txUoSq0rw4TFG9qmKVmVUVmfUdW_xc5RxZbIM_Zn2aII0qYJLBgAcW5yQ/s1600/IMG_20240117_083231.jpg)
No comments