មន្ត្រីនគរបាលខេត្តកំពង់ស្ពឺ លោក ង៉ាម រី ដែលក្លែងឯកសាររៀបការប្រពន្ធថ្មី មានឈ្មោះអ្វីឲ្យពិតប្រាកដ?
![](https://blogger.googleusercontent.com/img/b/R29vZ2xl/AVvXsEhZtWo8-JEKJ2kp2ZK0ZkXRh7Ul3UAGcZpsCVkdUIZGLjVD7Rd3MTP98h9S9G7fzFOpYZrlLsVN1BqNCMTgjBqSWS9zCb8uphQTlw5IezuePSnsEFmi9V-yoUr_qvfhSD81pZLByO5H3wc50Vn0wAXToRinTIJin8hCIIxcKFXpd1M-1W-FkGaETVC-Ms8/s1600/Picsart_24-02-17_20-07-53-090.jpg)
មន្ត្រីនគរបាលខេត្តកំពង់ស្ពឺ លោក ង៉ាម រី ដែលក្លែងឯកសាររៀបការប្រពន្ធថ្មី មានឈ្មោះអ្វីឲ្យពិតប្រាកដ?
លោកឧត្តមសេនីយ៍ត្រី ង៉ាម រី ស្នងការរង នគរបាលខេត្តកំពង់ស្ពឺ ត្រូវបានចាប់ខ្លួន កាលពីព្រលប់ថ្ងៃទី១៨ ខែមករា ឆ្នាំ២០២៤ តាមបណ្តឹងរបស់ភរិយារបស់ខ្លួនពាក់ព័ន្ធករណីក្លែងបន្លំឯកសារសាធារណៈ ដើម្បីរៀបការប្រពន្ធថ្មី។
ក្រោយពីចាប់ខ្លួនលោកឧត្តមសេនីយ៍ត្រី ង៉ាម រី ស្នងការរងនគរបាលខេត្តកំពង់ស្ពឺ សមត្ថកិច្ចបានកសាងសំណុំរឿងបញ្ជូនទៅកាន់តុលាការ ដើម្បីបន្ត នីតិវិធីតាមផ្លូវច្បាប់។
តុលាការខេត្តកំពង់ស្ពឺ ក៏បានសម្រេចចោទប្រកាន់លោកឧត្តមសេនីយ៍ត្រី ង៉ាម រី ឬលោក ឃុត វឌ្ឍនា ត្រឹមតែពីបទ «ទ្វេពន្ធភាព» ដោយមិនមានការពាក់ព័ន្ធបទល្មើសក្លែងបន្លំឯកសារសាធារណៈនោះទេ។ ខណៈដែលលោក ង៉ាម រី បានប្រើប្រាស់ឯកសារក្លែងដើម្បីរៀបការជាមួយនឹងប្រពន្ធថ្មី ដោយប្រើឈ្មោះ ឃុត វឌ្ឍនា និងបានក្លែងបន្លំភូតភរកុហកថាខ្លួនគឺជាបុរសពោះម៉ាយ ទាំងដែលខ្លួនមិនទាន់បានលែងលះគ្នាជាមួយប្រពន្ធដើម។
ក្រោយពីមានការចោទប្រកាន់ពីចៅក្រមស៊ើបសួរនៃសាលាដំបូងខេត្តកំពង់ស្ពឺ ទៅកាន់លោក ង៉ាម រី ហៅ ឃុត វឌ្ឍនា ពីបទ «ទ្វេពន្ធភាព» តុលាការក៏សម្រេចបញ្ជូនខ្លួន លោក ង៉ាម រី រូបនេះទៅកាន់ពន្ធនាគារដើម្បីឃុំខ្លួនជាបណ្ដោះអាសន្ន កាលពីថ្ងៃទី១៩ ខែកមរា ឆ្នាំ២០២៤ និងបានដោះលែងឲ្យមានសេរីភាពវិញក្រោយពីការឃុំឃាំងខ្លួននៅពន្ធនាគារមិនទាន់បានមួយចម្អិនកំពឹសផងនោះ។
ទាក់ទិនទៅនឹងករណីនេះ ប្រជាពលរដ្ឋជាច្រើនបាន សម្តែងការងឿងឆ្ងល់យ៉ាងខ្លាំងដោយលើកឡើងថា៖ «តើឈ្មោះ ង៉ាម រី នៅក្នុងក្របខ័ណ្ឌមន្ត្រីនគរបាលជាតិ នៃស្នងការដ្ឋាននគរបាលខេត្តកំពង់ស្ពឺ និងឈ្មោះ ឃុត វឌ្ឍនា នៅក្នុងប័ណ្ណប្រកាសអាពាហ៍ពិពាហ៍ តើឈ្មោះទាំងពីរនេះមួយណាពិត មួយណាក្លែងក្លាយ»?។
ប្រជាពលរដ្ឋជាច្រើនស្នើសុំឲ្យឯកឧត្តម អភិសន្តិបណ្ឌិត ស សុខា ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃ មេត្តាជួយស្រាយចម្ងល់ដល់ប្រជាពលរដ្ឋផង ថាមន្ត្រីនគរបាល ឈ្មោះ ង៉ាម រី ដែលបានក្លែងបន្លំឯកសាររៀបការប្រពន្ធថ្មីមានឈ្មោះអ្វីឲ្យពិតប្រាកដ៕
![](https://blogger.googleusercontent.com/img/b/R29vZ2xl/AVvXsEiJ0SunULbWws7C0zC1PqaNrypSoXtOpMElAY9m8Sk4ScRPwkejGo2B9zErmngT0zHKaRWkZDlP9a5qQQGvOMZAmkaH6jLqnHcezkWnAsFwsxb5xc5w1ufvltGG54_IAMZG3feYmOMK-gx0qrl1nxrgfAKY9oOacALj5G7uT7nnZr6Tb40ZOIFZutiAmTQ/s1600/FB_IMG_1708173342623.jpg)
![](https://blogger.googleusercontent.com/img/b/R29vZ2xl/AVvXsEgYxKxGs3W9xH8YgZBujnXjhsxTd5i5dUUQmkrE5fXE2Ey63VEi9ELc79PLMOHCmgoRSKqVL5I_tnZjPYF2ZsP_uS-Ep6YHY7i2E1HUEFOpaGfOrDxgmP6pr1sn9zXjKqFhobXc0-qpr9gufoh7IVqto3Mu8xOkWhtMjSg9WpbaK5fnvUuYv8HwJEsis78/s1600/Picsart_24-02-17_19-29-44-615.png)
![](https://blogger.googleusercontent.com/img/b/R29vZ2xl/AVvXsEhZlCl4i2rs1nonE_aTvSsA26K0TYwTpH8d9L0tCvXvU2RZ6cLYWCO24OcMgFUK7NhPnkXDXpi8uDLDyP_0SjN-X-1Q6lXDMxnP0Lr5R2rMJBbCBfH0Z1tMNojZAlZuDnJ52cuUB27i3t-lJsthp-zZMl0v4qexgn5dFHiLSeuNUfFtX_0ZqzoQY7tACRw/s1600/IMG_20240217_192818.jpg)
![](https://blogger.googleusercontent.com/img/b/R29vZ2xl/AVvXsEgnuje-FQ1cBfWlDzQ43pEQBS2yspkhRq4UZud8QyQiViAykjlwZuJPkOlHK-P2KcyjSjOyjMJOCWl2InL-aGX3Ybp4FsfIxfcm59Q2r-u6dcMFNBvd_GV9c0vMmfdJhj7IM3d9nc77d6VrFPqe0B5hmeuRsba_Uoqt-WVI5GjqgHYLsU804-qXRCGyR7s/s1600/IMG_20240217_192545_691.jpg)
![](https://blogger.googleusercontent.com/img/b/R29vZ2xl/AVvXsEgeJOt6t290psUQEreZziLToRhOuaHNXU7CeIVNLhbhb64yyykIhttKwQ1sRlWQqm2n7COYXllf_3u6VD16wpBIdQr3QZn8dv3t0aOkskazS2uDJYFGV63C_ruQC7Wmg99ZXxkKWC2Ag15su3R-WP3fE7gI_ASGBkpqdbnsB6o-qXNPt5klp0KtdTeMxhg/s1600/Picsart_24-02-17_19-32-00-967.jpg)
![](https://blogger.googleusercontent.com/img/b/R29vZ2xl/AVvXsEhoHHGXt2AHZ2cWUYy9kDidiXTvEw_wOwqlHeJUpui0GMBLu0xKgSHZzlwjvJbtUjpnnrp7iESjNCsf4vf08qWuFtNHZKA36atNopiiWAG3yYQAZ_YfC7KjOjPNAfpEeijxOlDSPPT6TSpebAL2cHfEFBzv_1gli1ct8Dd2mfC2Qn8kzSf9ZMO4eOv6cKs/s1600/Picsart_24-02-17_19-32-59-886.jpg)
No comments