ករណី.ចា.ប់ រំ.លោភ.បូក នៅ ខេត្តកណ្ដាល ក្រុមគ្រួសារ.នា.រី.រ.ងគ្រោះ សុំកិច្ចអន្តរាគមន៍ ទៅកាន់ ឯកឧត្តម កើត រិទ្ធ រដ្ឋមន្ត្រីក្រសួងយុត្តិធម៌
![](https://blogger.googleusercontent.com/img/b/R29vZ2xl/AVvXsEhpqNkIBOleO2DlIk5k1sbMY7yp9mhLHALO_vAl9iPqUV9S42BZL37hcq6oWKRjdkl32_PEqyeBxJjwZOTu7HezubX9hQCeTo0uGTndaAkgfCkqLlATCBpSFgju40EdKKA3E9Gm8Q1bRwjYDp-HwV1gnDhn7i4OLAzj3cS_6RzxlZtTWzaTo5xfT0dVg64/s1600/Picsart_24-02-23_14-30-13-699.jpg)
ដោយសារតែមិនទាន់ទទួលភាពយុត្តិធម៌ក្រុមគ្រួសារ នារីរងគ្រោះ ក្នុងករណីចាប់រំលោភបូកយ៉ាងសាហាវព្រៃផ្សៃយង់ឃ្នង ពីសំណាក់ជនសង្ស័យចំនួនពីរនាក់ កាលពីជាងមួយឆ្នាំមុន ពេលនេះគ្រួសារនារីរងគ្រោះបានស្នើសុំកិច្ចអន្តរាគមន៍ពីសំណាក់ ឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ ដើម្បីពន្លឿននីតិវិធីក្នុងស្ថាប័នតុលាការខេត្តកណ្តាល។
នេះបើយោងតាមពាក្យសុំកិច្ចអន្តរាគមន៍ ចុះថ្ងៃទី២១ ខែកុម្ភៈ ឆ្នាំ២០២៤ របស់ក្រុមគ្រួសារនារីរងគ្រោះបានលើកឡើងថា៖ «កម្មវត្ថុគោរពសុំកិច្ចអន្តរាគមន៍ពន្លឿននីតិវិធីនៅសាលាដំបូងខេត្តកណ្ដាលក្នុងសំណុំរឿងព្រហ្មទណ្ឌលលេខ ១៩០៦អក ចុះថ្ងៃទី១០ ខែតុលា ឆ្នាំ២០២៣ ករណីរំលោភសេពសន្តិវៈ (រំលោភបូក) ។
តាមការវត្ថុខាងលើ គោរពសូម ឯកឧត្តមឧបនាយករដ្ឋមន្ត្រីមរដ្ឋមន្ត្រីក្រសួងយុត្តិធម៌ មេត្តាជ្រាបដ៏ខ្ពង់ខ្ពស់បំផុត កាលពីថ្ងៃទី១៥ ខែមករា ឆ្នាំ២០២៣ ឈ្មោះស.ម.ន.រ. ត្រូវបានមនុស្សពីរនាក់ចាប់រំលោភយ៉ាងព្រៃផ្សៃបំផុត ជនល្មើសមានឈ្មោះ ខនខេន អាយុ ២៩ឆ្នាំ និងឈ្មោះ រេម ផល អាយុ ១៩ឆ្នាំ ចាប់ពីថ្ងៃដែលពួកជនកំណាចទាំងពីរនាក់ប្រព្រឹត្តអំពើសាហាវយង់ឃ្នងធ្វើកម្មភាពចាប់រំលោភរហូតមានផ្ទៃពោះគ្រប់ខែឆ្លងទន្លេ តុលាការខេត្តកណ្ដាលនៅមិនទាន់ចាត់វិធានការតាមផ្លូវច្បាប់ ចាប់ខ្លួនជនទាំង០២ យកមកផ្ដន្ទាទោសដាក់គុក តាមច្បាប់របស់ព្រះរាជាណាចក្រកម្ពុជា ទុកឲ្យពួកគេដើរសើចសប្បាយលើគំនរទុកជីវិតអ្នកក្រ ទុនខ្សោយស្លូតត្រង់។
អាស្រ័យហេតុដូចបានគោរពជូន សូមឯកឧត្តមឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ មេត្តាជួយរកយុត្តិធម៌អន្តរាគមន៍ ដល់តុលាការខេត្តកណ្ដាល ដើម្បីពន្លឿននីតិវិធីចាប់ខ្លួនជនប្រព្រឹត្តល្មើសទាំង០២នាក់ យកមកផ្ដន្ទាទោសដាក់ ដោយក្តីអនុគ្រោះ។ សូមឯកឧត្តមឧបនាយករដ្ឋមន្ត្រីរដ្ឋមន្ត្រីក្រសួងយុត្តិធម៌មេត្តាទទួលនូវការគោរពដ៏ខ្ពង់ខ្ពស់បំផុតអំពីខ្ញុំ៕
![](https://blogger.googleusercontent.com/img/b/R29vZ2xl/AVvXsEhpd36K6N1rJiOa8FQ3XzRWhyphenhyphenf-VYnueum4wMX1d84TFfOXgpamH8wXMppMa_SER56XSdDn3PFLgmmsypKAjBENTx7HSgOy7gee5iiEGE8cU3KWHjFzHoSnwf22Kjo2aAbi-AMC9II2apWHHVMv__NLfibZhoblJzn7jvYvFMYGH-_FDoJ0jdjE-wOxg1U/s1600/KET-RITH-1.jpg)
![](https://blogger.googleusercontent.com/img/b/R29vZ2xl/AVvXsEiKOZE3zk6RF6Ogw2Uq0UiPiFB53aPfWJG0L04Bac5vPNGc-UcQyZx9s_jJ0Zx3Fca9hlgfQYDIuVNqm3awIBJ2m215ie1T-QEX66-2ohbm5q4FOh9w4z2ca-zW960G7Xs96dvQE7983LwU1MHsQIKfoCYCJFAAEASOK5Yp9jXSezy0C4iET-7T8PsHuDs/s1600/IMG_20240223_142059.jpg)
![](https://blogger.googleusercontent.com/img/b/R29vZ2xl/AVvXsEiYek_czLfxd90AzPCp1DMBmlLuJIb6nNLYI2yEK_N9DJtOTU_qXewp4EYAK5aGOv_KfmyJg-o1JxbDJPruKxnTAGziJGuB1401taz6xwkowjXIEXHB1Q07cU25pJMqXyU0VijIRTADQx2aAE-n1o6lfo4c0JCjhAY9I_iK9Uk-seIeskBgNKOg3Zoq63c/s1600/IMG_20240223_142123.jpg)
![](https://blogger.googleusercontent.com/img/b/R29vZ2xl/AVvXsEjzENX0a72fEfws1oo-1K14qgAw6rVIzYLTPW-w9uqSfcHDY6t_WJB5SFGM9sMLcqZVVV7hHFscFGgCJBVdqv2izsKl1tQny3LI1LCzyHf8tQe1l1YbfBi_lahdUKQfzYYqCaJAYJI94V9Ey-30SELujebDmj9f9T6Tula5ftFZYGnkMjFVgCj9Yh9dVFg/s1600/IMG_20240223_141933.jpg)
No comments