លោកឧត្តមសេនីយ៍ទោ សុខ សំណាង មិនទុក្ខបងប្អូនអាជីវករ ចោលនោះទេ លោកនិងប្រឹងប្រែងអស់ពីសមត្ថភាពដើម្បីជួសជុលផ្សារឡើងវិញ

តាកែវ ៖ នៅព្រឹកថ្ងៃសុក្រ ១កើត ខែអស្សុជ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី១៨ ខែកញ្ញា ឆ្នាំ២០២០ លោកឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ បាន​ដឹកនាំកម្លាំង ចូលរួម​ និង​ការពារ សន្តិសុខ សណ្តាប់​ធ្នាប់​ សុវត្ថិភាព​ ជូន​ឯកឧត្តម​កិត្តិនី​តិកោសល​បណ្ឌិត​ ប៊ិន​ ឈិន​ ឧបនាយករដ្ឋមន្ត្រី​ប្រចាំ​ការ​ រដ្ឋមន្ត្រី​ទទួល​បន្ទុក​ទី​ស្តី​ការ​គណៈរដ្ឋមន្ត្រី​ អញ្ជើញ​មក​ពិនិត្យ​មើល​ស្ថានភាព​ និងសំណេះសំណាល សាកសួរសុខទុក្ខ ប្រជាពលរដ្ឋ​ បងប្អូន​អាជីវករ​លក់​ដូរ​ក្នុងផ្សារ​សំរោង​យ៉ោង​ ដែល​រងនូវការ​ខូចខាត​ដោយ​សារ​​អគ្គីភ័យ​ឆាបឆេះ​តូប​ចំនួន​ ២៣០តូប​ នៅ​យប់​ថ្ងៃ​ទី​១៧​ ខែ​កញ្ញា ឆ្នាំ២០២០​ ​នៅវេលា​ម៉ោង​ ១៨:៥៦នាទី​ ស្ថិតនៅភូមិស្មៅខ្ចី ឃុំត្រពាំងសាប​ ស្រុក​បាទី​ ខេត្ត​តាកែវ​ ព្រមទព្រមទាំងបានឧបត្ថម្ភថវិកាចំនួន ប្រាំពីរ​មុឺន​ដុល្លារ​សំរាប់​ជួសជុល​ផ្សារ​ឡេីង​វិញ​​។