ករណីលួច បាញ់ថ្នាំសម្លាប់ ផលដំណាំឈូក នៅស្រុកកំពង់ត្រឡាច ប្រពលរដ្ឋស្នើសុំដល់លោកស្នងការនគរបាលខេត្តកំពង់ឆ្នាំងមេត្តាជួយចាត់មន្ត្រីជំនាញចុះស្រាវជ្រាវ នាំខ្លួនជនបង្កមកសួរនាំតាមផ្លូវច្បាប់ផង

ខេត្តកំពង់ឆ្នាំង៖ នៅចំណុចភូមិខ្លាក្រហឹម ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង មានករណីលួចបាញ់ថ្នាំសម្លាប់ផលដំណាំ (ឈូក) ដែលបង្កឡើងដោយឈ្មោះ កែវ សារ៉ាត់ ភេទប្រុស បានប្រើថ្នាំពុលលួចទៅបាញ់សម្លាប់ដំណាំឈូក បណ្តាលឲ្យខូចខាតស្ទើរទាំងស្រុង។

តាមប្រភពព័ត៌មានបានឱ្យដឹងថា៖ ករណីនេះផ្តើមចេញពីវិវាទដីធ្លី ដែលកំពុងតែស្ថិតក្នុងការដោះស្រាយដោយមន្ត្រីអាជ្ញាធរជំនាញ។ ហើយវិវាទដីធ្លី នៅមិនទាន់មានការសម្រេចក្តី ឲ្យភាគីខាងណាឈ្នះខាងណាចាញ់នៅឡើយនោះទេ។
(ពោលគឺស្ថិតក្នុងការសម្របសម្រួលដោយមន្ត្រីពាក់ព័ន្ធ)!!

បន្ទាប់ពីមានការលួចបាញ់ថ្នាំសម្លាប់ផលដំណាំឈូក បុរសវ័យចំណាស់ម្នាក់ដែលជាជនរងគ្រោះជាម្ចាស់ដំណាំឈូក រស់នៅឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង សូមសំណូមពរទៅកាន់លោកឧត្តមសេនីយ៍ទោ តេង ច័ន្ទណាត ស្នងការ នៃស្នងការដ្ឋាននគរបាលខេត្តកំពង់ឆ្នាំង សូមលោកឧត្តមសេនីយ៍ស្នងការមេត្តាជួយចាត់កម្លាំងនគរបាលជំនាញចុះស្រាវជ្រាវរកយុត្តិធម៌ជូនគាត់ផង៕