មន្ទីរអប់រំខេត្តកំពង់ចាម បានរៀបចំសិស្សភៀសសឹក ៥៩ នាក់ បានចូលរៀន និងផ្ដល់សម្ភារៈសិក្សា

គិតត្រឹមថ្ងៃទី៤ ខែសីហា ឆ្នាំ ២០២៥នេះ មន្ទីរអប់រំ យុវជន និងកីឡាខេត្តកំពង់ចាម បានទទួលសិស្សភៀសសឹក ឲ្យចូលរៀនតាមសាលារៀនចំនួន៥៩ នាក់ នៅក្បែរកន្លែងពួកគាត់ស្នាក់នៅ។

តាមមន្ត្រីនៃមន្ទីរអប់រំយុវជន និងកីឡាខេត្តកំពង់ចាមបានឲ្យដឹងថា ចំនួនសិស្សទាំង ៥៩ នាក់ នោះ មានសិស្សស្រី ចំនួន៣៥ ពួកគាត់បានចូលរៀននៅសាលា នៅក្បែរកន្លែងពួកគាត់ស្នាក់នៅ ដោយមន្ទីរអប់រំ បានសហការជាមួយការិយាល័យ អយក នៃរដ្ឋបាលស្រុក និងសាលារៀនបានផ្ដល់កាតាប១ ប៊ិច ៥ដេីម និងសៀវភៅ ៥ក្បាល ក្នុងសិស្សម្នាក់ៗផងដែរ។