សភាពការជួរមុខ តាមបន្ទាត់ព្រំដែនក្នុងយោធភូមិភាគទី៤ និងទី៥ ក្នុងទិសខេត្តព្រះវិហារ ឧត្តរមានជ័យ និងបន្ទាយមានជ័យ នាព្រឹកនេះ មានសភាពស្ងប់ស្ងាត់

លោកជំទាវ ឧត្តមសេនីយ៍ឯក ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ នាថ្ងៃទី១៧ ខែសីហា ឆ្នាំ២០២៥នេះ  បានថ្លែងថា សភាពការជួរមុខ តាមបន្ទាត់ព្រំដែនក្នុងយោធភូមិភាគទី៤ និងទី៥ ក្នុងទិសខេត្តព្រះវិហារ ឧត្តរមានជ័យ និងបន្ទាយមានជ័យ គិតចាប់ពីម៉ោង៦៖០០នាទី ដល់ម៉ោង ១០៖០០នាទី ថ្ងៃទី១៧ ខែសីហា ឆ្នាំ២០២៥នេះ មានសភាពស្ងប់ស្ងាត់។

លោកជំទាវ បានបន្តថា កងកម្លាំងរបស់កម្ពុជាយើង ស្ថិតក្នុងការប្រុងប្រយ័ត្នខ្ពស់ជានិច្ចក្នុងការបំពេញភារកិច្ចការពារបូរណភាពទឹកដី។ ជាមួយគ្នានេះកងកម្លាំងរបស់យើងបាននិងកំពុងគោរពយ៉ាងម៉ឺងម៉ាត់បំផុត និងអនុវត្តយ៉ាងខ្ជាប់ខ្ជួននូវបទឈប់បាញ់ដែលបានសម្រេចនៅម៉ោង២៤៖០០ ថ្ងៃទី២៨ ខែកក្កដា ឆ្នាំ២០២៥ និងគោលការណ៍េឯកភាពទាំង១៣ចំណុច ដែលបានសម្រេចក្នុងកិច្ចប្រជុំ GBC នៅប្រទេសម៉ាឡេស៊ី នៅថ្ងៃទី០៧ ខែសីហា ឆ្នាំ២០២៥។