កម្លាំងរដ្ឋបាលជលផលខេត្តកណ្តាល ចុះបង្ក្រាបបទល្មើសនេសាទ នៅស្រុកស្អាង និងស្រុកលើកដែក

នៅថ្ងៃទី១១ ខែវិច្ឆិកា ឆ្នាំ២០២៥ កម្លាំងជំនាញនៃរដ្ឋបាលជលផលខេត្តកណ្តាល សហការជាមួយគណៈបញ្ជាការឯកភាពស្រុកស្អាង និងអធិការដ្ឋានរដ្ឋបាលជលផលចតុមុខ ដឹកនាំដោយលោក អេង វណ្ណឌី អភិបាលរងស្រុកស្អាង បានចុះបង្ក្រាបបទល្មើសនេសាទ ដោយប្រើឧបករណ៍ខុសច្បាប់ នៅចំណុចស្លែងតូច ភូមិព្រែកក្រាញ់ ចំណុចស្លែងធំ ភូមិពាមប្រជុំ និងចំណុចផ្លូវកាវ៉ាក់ ឃុំព្រែកអំបិល ស្រុកស្អាង ខេត្តកណ្តាល។

មន្ត្រីជំនាញបានដកហូតឧបករណ៍នេសាទខុសច្បាប់ និងបំផ្លាញចោលចំនួន០២ករណី រួមមាន៖ -សៃយ៉ឺនស្បៃមុង ចំនួន ៣៧ មាត់លូ - របាំងព្រួលស្បៃមុង ប្រវែង ១៧០០ ម៉ែត្រ - ដាយត្រី ចំនួន ០១ មាត់ - បង្គោល ចំនួន ២១០ ដើម - ចាក់លែងកូនត្រីចូលបឹងធម្មជាតិវិញ ចំនួន៧០ គីឡូក្រាម។

មន្ត្រីសង្កាត់រដ្ឋបាលជលផលលើកដែក សហការជាមួយផ្នែករដ្ឋបាលជលផលរកាកោង បានចុះបង្ក្រាបបទល្មើសនេសាទដោយប្រើឧបករណ៍ខុសច្បាប់ នៅចំណុចកន្ទុយព្រែកថ្មី ឃុំខ្ពបអទាវ ស្រុកលើកដែកខេត្តកណ្តាល ដោយបានដកហូតឧបករណ៍នេសាទខុសច្បាប់ និងបំផ្លាញចោលចំនួន០២ករណី ដូចជា៖ -សៃយ៉ឺនស្បៃមុង ចំនួន ១២ មាត់លូ - របាំងព្រួលស្បៃមុង ប្រវែង ៣៦០ ម៉ែត្រ - បង្គោល ចំនួន ១៦០ ដើម៕