លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម​ ចាត់ឲ្យតំណាង​នាំយកថវិកា​ ​និងគ្រឿងឧបភោគបរិភោគ​ ឧបត្ថម្ភ​ដល់មន្រ្តីនគរបាល​ ដែលកំពុង​មានជំងឺ​

កំពង់ចាម​:នារសៀលថ្ងៃទី២៦ ខែសីហា ឆ្នាំ២០២០ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានចាត់ឲ្យតំណាងនាំយកអំណោយដ៏ថ្លៃថ្លារបស់ឯ​កឧត្តម​ នាយឧត្តមសេនីយ៍​ សន្តិបណ្ឌិត​ អគ្គស្នងការ​នគរបាល​ជាតិ​ ឧបត្ថម្ភ​ដល់អតីតមន្រ្តីនគរបាល​ ដែលមានកំពុងសម្រាកព្យាបាលជំងឺ០១នាក់​ និងលំហែ​មាតុភាព​ ០១នាក់​
១-ចាត់ឲ្យលោកឧត្តមសេនីយ៍ត្រី សាន សុភា ស្នងការរងទទួលផែនការងារធនធានមនុស្ស​ និងសហការី​ ចុះសួរសុខទុក្ខ​ និងនាំយកថវិកា​ ឧបត្ថម្ភ​ដល់លោកអនុសេនីយ៍ឯក សេក គន្ធា នាយរងផ្នែក​ នៃការិយាល័យ អន្តរាគមន៍​ និងតម្រួតបទបញ្ជា ដែលមានជំងឺរលៀកសន្លាកធ្ងន់ធ្ងរ និងកំពុងសម្រាកព្យាបាលនៅគេហដ្ឋាន ស្ថិត​នៅភូមិជ្រោយថ្ម សង្កាត់បឹងកុក ក្រុងកំពង់ចាម ខេត្តកំពង់ចាម​
២-ចាត់ឲ្យលោកវរសេនីយ៍ឯក​ ណា​ ចេ​ នាយការិយាល័យ​អន្តរាគមន៍​ និង​តម្រួតបទបញ្ជា​ នាំយកថវិកា​ឧបត្ថម្ភ​ដល់លោកស្រី​ ឈួន​ ស្រីមុំ​ មន្រ្តី​ នៃការិយាល័យអន្តរាគមន៍​ បាននិងកំពុងលំហែមាតុភាព​ កាលពីថ្ងៃទី​១២​ ខែសីហា​ ឆ្នាំ​២០២០​ កន្លង​មក​នេះ​ ។
អំណោយដ៏ថ្លៃថ្លារបស់​ ​ឯកឧត្ដម​ នាយឧត្តមសេនីយ៍​ សន្តិបណ្ឌិត​ អគ្គស្នងការ​នគរបាល​ជាតិ​ ឧបត្ថម្ភនូវថវិកា​ និងគ្រឿងឧបភោគបរិភោគ​មួយចំនួន​ សរុបជាថវិកា ចំនួន ១,៦២០,០០០ រៀល​ ៕