លោកវរសេនីឯក ប៉ែន គ្រី តំណាងឲ្យលោកឧត្តមសេនីយ៍ទោ ឯម កុសល ស្នងការនគរបាលខេត្ត និងលោក ភោគ សាវុធ អភិបាលស្រុក អមដំណើរដោយលោកវរសេនីយ៍ឯក ជា ជួន អធិការនគរបាលស្រុកកងមាស នាំយកថវិកា បេឡាមរណៈសង្គ្រោះជូនដល់ក្រុមគ្រួសារសពអតីតយុទ្ធជន

កំពង់ចាម ៖ ថ្ងៃព្រហស្បតិ៍ ៧ កើត ខែអស្សុជ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៤ ខែកញ្ញា ឆ្នាំ២០២០នេះ លោកវរសេនីឯក ប៉ែន គ្រី អនុប្រធាន​ផែន​សណ្ដាប់ធ្នាប់ តំណាងឲ្យឯកឧត្តម ឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម និងជាប្រធានសមាគមអតីតយុទ្ធជនកម្ពុជាខេត្តកំពង់ចាម និងលោក ភោគ សាវុធ អភិបាលនៃគណៈអភិបាលស្រុកកងមាស អមដំណើរដោយលោកវរសេនីយ៍ឯក ជា ជួន អធិការដ្ថាននគរបាលស្រុក កងមាស និងជាប្រធានគណៈកម្មាធិការសមាគមអតីតយុទ្ធជនកម្ពុជា ស្រុកកងមាស​ លោកអនុប្រធាន ស.អ.ក ស្រុក និងសមាជិកសមាជិកាពាក់ពន្ធ័ទាំងអស់ក្នុងស្រុកកងមាស បាននាំយកថវិកា បេឡាមរណៈសង្គ្រោះ ចំនួន ៨លានរៀល (៨០០០០០០៛) ជូនដល់ក្រុមគ្រួសារសពអតីតយុទ្ធជន ចំនួន ០២គ្រួសារ ក្នុង​មួយ​គ្រួសារ​ទទួលបាន​ ៤លានរៀល (៤០០០០០០៛) អ្នកទទួលមានឈ្មោះដូចខាងក្រោម៖
ទី១-ឈ្មោះ សឿង ធឿន ភេទប្រុស (មុខសញ្ញាជនពិការ) នៅភូមិអន្លង់គគីរ ឃុំព្រែកកុយ ស្រុកកងមាស ខេត្តកំពង់ចាម។
ទី២-ឈ្មោះ ឡាញ់ នៅ (មុខសញ្ញា​ជនពិការ)​ នៅភូមិ​បឹង​ត្រាវ ឃុំសូរគង ស្រុកកងមាស​ខេត្ត​កំពង់ចាម​។
ក្នុងនោះដែរក្រុមគ្រួសារសពអតីតយុទ្ធជន ចំនួន ០២គ្រួសារក៏បានថ្លែង អំណរគុណយ៉ាងជ្រាលជ្រៅបំផុតជូនចំពោះឯកឧត្តម លោកជំទាវ លោក លោកស្រី អ្នកនាងកញ្ញា និងសមាជិកសមាជិកា ពាក់ព័ន្ធទាំងអស់ អោយជួបតែសេចក្តីសុខ សេចក្តីចម្រើន កុំបីឃ្លៀងឃ្លាតឡើយ៕