ឯកឧត្តម ដួង តារា មានការព្រួយបារម្ភចំពោះសុវត្ថិភាពរស់នៅរបស់គាត់ ព្រោះជា«លេីកទី២ហេីយដែលចោរមកបំផ្លាញដល់ផ្ទះ»
![](https://blogger.googleusercontent.com/img/b/R29vZ2xl/AVvXsEhpZ5WfW8f_CE6c-Bp-z8pjOLwyqNG95TxwviGeUbR_2uGrok1llgL6_zhWC3H1A45OtT3jvkTqG324-8RvEQpzgTH6wABIbDw1CYLYlMZXmdKHcMnyscLFwbt01j8rWAvopf_zJuidiaY/s0/PicsArt_01-15-10.09.54.jpg)
ឯកឧត្តម ដួង តារា មានការព្រួយបារម្ភចំពោះសុវត្ថិភាពរស់នៅរបស់គាត់ ព្រោះជា«លេីកទី២ហេីយដែលចោរមកបំផ្លាញដល់ផ្ទះ»
ភ្នំពេញ៖ យោងតាម«ហ្វេសប៊ុកផេក»ផ្លូវការរបស់ឯកឧត្តម ដួង តារា រដ្ឋលេខាធិការទីស្តីការគណៈរដ្ឋមន្ត្រី នាព្រឹកថ្ងៃទី១៥ ខែមករា ឆ្នាំ២០២១នេះ ឯកឧត្តម មានការព្រួយបារម្ភយ៉ាងខ្លាំងចំពោះសុវត្ថិភាពរបស់គាត់ ព្រោះជាលើកទីពីរហើយ ដែលចោរចូលមកលួច និងបំផ្លិចបំផ្លាញទ្រព្យសម្បត្តិរបស់គាត់ និងគួរឲ្យសោកស្តាយចំពោះអ្វីដែលកើតឡើងចំពោះរូបគាត់។
ឯកឧត្តមបានបញ្ជាក់នៅលើ«ហ្វេសប៊ុកផេក»ជាផ្លូវការ ដោយមានខ្លឹមសារ«លេីកទី២ហេីយដែលចោរមកបំផ្លាញដល់ផ្ទះ»។ ភ្ញាក់ពីគេងឃេីញរថយន្តត្រូវបានបំផ្លាញដោយចោរ ពិតគួរអោយសោកស្តាយយ៉ាងខ្លាំង។
«ខ្ញុំសារកាមេរ៉ាមេីយប់មិញរវាងម៉ោង ១:៣០យប់ មានចោរពាក់ម៉ាស់ បានមកលួចកាត់កញ្ចក់ឡានខ្ញុំទាំងសង្ខាង ហេីយយកដុំថ្មបំបែកកញ្ចក់ឡានខាងស្តាំដែលចតនៅមុខផ្ទះដែលខ្ញុំកំពុងរស់នៅសព្វថ្ងៃ។ កាលពីខ្ញុំមកនៅទីនេះដំបូងក៏ធ្លាប់មានចោរចូលពីលេីដំបូលផ្ទះមកក្នុងផ្ទះ។ គួរអោយសោកស្តាយចំពោះអ្វីដែលបានកេីតឡេីងសម្រាប់ខ្ញុំ ខ្ញុំពិតជាមានការបារម្ភចំពោះសុវត្ថិភាពរស់នៅ»។
ចំពោះផ្ទះរបស់ឯកឧត្តម ដួង តារា គឺ ស្ថិតនៅតាមស្តុបណូគា ផ្លូវ២០០៤ រួចបត់ឆ្វេងប្រហែល៥០០ម៉ែត្រ ក្នុងសង្កាត់អូរបែកក្អម ខណ្ឌសែនសុខ រាជធានីភ្នំពេញ គឺស្ថិតនៅក្រោមដែនសមត្ថកិច្ច របស់លោកវិរៈសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ។
ពាក់ព័ន្ធករណីនេះលោកវិរៈសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ កំពុងតែដុតដៃដុតជើង ឆែកមើលកាម៉េរ៉ាសុវត្ថិភាពដើម្បីកំណត់ស្វែងរកមុខសញ្ញា៕
![](https://blogger.googleusercontent.com/img/b/R29vZ2xl/AVvXsEjrNnAfkQI6k6EEbKW_yPXwiHOLYnb_iFSJxaAxLamH0t15u0PEdfeNCYpPRPE-6w0bmRCJ9Ak3bWGaJwq9Fm5xvK0OtKb3R9mmTLZQt1uRrncxxPcyc6FYFc-cNaHR077OeakqgIRjUx0/s0/FB_IMG_1610679933342.jpg)
![](https://blogger.googleusercontent.com/img/b/R29vZ2xl/AVvXsEgxS-824xm-njxbA6IloZZ7Hfa6C2AcSWqOUyN3l81QTg7BMCbZQ_JQKZajmSgHkVa9nDGBh9twasPJUDArv6NcbvLW0_FkZUQqkv4IVA9NEYn5ZDfm2Ft9Sw-yshs4LO7NlepTjQMZD9I/s0/FB_IMG_1610679778581.jpg)
![](https://blogger.googleusercontent.com/img/b/R29vZ2xl/AVvXsEidPPQRLUnh_T3M05gUQIbWBISa4KGByBWH6tNk0kqRzZztnDTtpGkj73zhFDI1x2n5dVF38JIdj3X609ogJN5db1fiw3xIQtlhYdVbSLtTPz85QKs3pO3v-4DdEN-scULRD77PuNE5q-w/s0/IMG_20210115_100343.jpg)
![](https://blogger.googleusercontent.com/img/b/R29vZ2xl/AVvXsEg5SrmJMCcxDEA2p3BIYD0ioBXqdW23iaaNonjuVi5YLYx5HRLzA7J24AnyKaF219IMO1AvC9xKhr9rGzgi00DiOdJUhwG6-_dwf6P4NzPWOtV0DvSv7l0N1qi5Nbg39ppXMz4jWvGFlss/s0/IMG_20210115_100415.jpg)
![](https://blogger.googleusercontent.com/img/b/R29vZ2xl/AVvXsEiFpcYzVmRVASdi7Xh9IEWjJF-phRe_6Rakp1giPxXoYBqxM8oXgB89fc2uuvfJnIR9yfOQ2WRK6bsXKR8IaxmK0D8z5ICM32ZIe0M7uWIKXGTnw6WEXAT50zzgm2owiX_qFvvJuDvjaHo/s0/IMG_20210115_101104.jpg)
No comments