ខេត្តតាកែវ ៖ នៅព្រឹកថ្ងៃចន្ទ ៤កើត ខែអស្សុជ ឆ្នាំជូត ទោស័ក ព.ស ២៥៦៤ ត្រូវនឹងថ្ងៃទី២១ ខែកញ្ញា ឆ្នាំ ២០២០ លោក ឧត្តមសេនីយ៍ទោ សុខ សំណាង ស្នងការនគរបាលខេត្តតាកែវ បានអញ្ជើញចូលរួមកិច្ចប្រជុំផ្សព្វផ្សាយសេចក្ដីសម្រេច ស្ដីពីការបង្កើត គណៈកម្មការរៀបចំ និងសាងសង់ដំបូលផ្សារសំរោងយ៉ោង នៅស្រុកបាទី ខេត្តតាកែវ ដែលបានអគ្គិភ័យឆាបឆេះកាលពីយប់ថ្ងៃទី១៧ ខែកញ្ញា ឆ្នាំ២០២០ ជូនអាជីវករ ក្រោមអធិបតីភាពដ៏ខ្ពង់ខ្ពស់ ឯកឧត្តម អ៊ូច ភា អភិបាល នៃគណ:អភិបាលខេត្តតាកែវ ដោយមានការអញ្ជើញចូលរួមពី លោកអភិបាលរងខេត្ត កងកម្លាំងប្រដាប់អាវុធទាំងបីប្រភេទ លោក លោកស្រី ប្រធានមន្ទីរអង្គភាពពាក់ព័ន្ធជុំវិញខេត្ត លោក អភិបាល លោកអធិការ និងប្រធានការិយាល័យពាក់ព័ន្ធជុំវិញស្រុកបាទី នៅសាលប្រជុំរដ្ឋបាលស្រុកបាទី។
បន្ទាប់ពីប្រជុំរួច លោកឧត្តមសេនីយ៍ទោ សុខ សំណាង ស្នងការនគរបាលខេត្ត បានអមដំណើរ ឯកឧត្តម អ៊ូច ភា អភិបាល នៃគណៈអភិបាលខេត្ត និងក្រុមការងារ បានបន្តអញ្ជើញត្រួតពិនិត្យទីតាំងផ្សារជាក់ស្តែងផងដែរ៕
