សន្តិសុខខណ្ឌមានជ័យ និងប្រជាការពារ ជាង៧០នាក់ ទទួលបានអង្ករនិងភេសជ្ជៈពីលោក សេង គន្ធ អភិបាលខណ្ឌមានជ័យ

រាជធានីភ្នំពេញ៖ នាថ្ងៃទី០២ ខែកុម្ភៈ ឆ្នាំ២០២៥នេះអភិបាលនៃគណៈអភិបាលខណ្ឌមានជ័យ លោក សេង គន្ធ បានជួបសំណេះសំណាល និងផ្តល់អង្ករ ភេសជ្ជៈជូនដល់កម្លាំងប្រជាការពារ និងកម្លាំងសន្តិសុខសណ្តាប់ធ្នាប់នៃរដ្ឋបាលខណ្ឌមានជ័យចំនួន៧៥នាក់។

ក្នុងឱកាសនោះដែរ លោក សេង គន្ធ អភិបាលខណ្ឌមានជ័យ បានលើកឡើង ពីសកម្មភាពការងារ របស់ កម្លាំងសន្តិសុខនិងបងប្អូនប្រជាការពារ របស់សាលាខណ្ឌ ដែលខិតខំប្រឹងប្រែង ចុះរៀបចំសណ្តាប់ តាមដងផ្លូវ ជាពិសេសបានចូលរួមសំអាតអនាម័យ ក្នុងមូលដ្ឋានខណ្ឌមានជ័យ គួរឲ្យកោតសសើរខ្លាំងណាស់។ មិនត្រឹមតែចុះធ្វើអនាម័យ និងរៀបចំសណ្តាប់ធ្នាប់ប៉ុណ្ណោះទេ គឺបងប្អូនតែងតែចូលរួមចុះល្បាត ការពារសន្តិសុខ ដោយសហការជាមួយសមត្ថកិច្ច និងអាជ្ញាធរមូលដ្ឋានទៀតផង។

អភិបាលខណ្ឌមានជ័យ លោក សេង គន្ធ ក៏បានក្រើនរំលឹកដល់បងប្អូនប្រជាការពារ និងសន្តិសុខសណ្តាប់ធ្នាប់ទាំងអស់ សូមប្រុងប្រយត្ន័ចំពោះការនិយាយស្តី ក្នុងពេលបំពេញការងារ ទៅលើអ្នកដំណើរ ក៏ដូចជាប្រជាពលរដ្ឋ ត្រូវមានសុភាពរៀបសារ ប៉ុន្តែត្រូវម៉ឺងម៉ាត់ ចំពោះអ្នកដែលប្រព្រឹត្តខុសច្បាប់។

ទន្ទឹមនិងនេះ អភិបាលខណ្ឌមានជ័យលោក សេង គន្ធ ក៏បានសំដែងការអរគុណ ដល់បងប្អូនប្រជាការពារ និងកម្លាំងសន្តិសុខសណ្តាប់ធ្នាប់ដែលបាមខិតខំបំពេញភារះកិច្ចមិនថា យប់ឬថ្ងៃ និងទទួលបានជោគជ័យ ថែមទាំងមានការពេញចិត្ត ពីប្រជាពលរដ្ឋទៀតផង៕