ទំពាំងមិនភ្លេចឬស្សី ឧត្តមសេនីយ៍ត្រី សិទ្ធិ ឡោះ ស្នងការនគរបាល ខេត្តបន្ទាយមានជ័យ និងលោកស្នងការរង រួមទាំងលោកនាយការិយាល័យ បានចុះសួរសុខទុក្ខ រៀមច្បង ជាបង ជាពូ អតីតជាស្នងការរង ដែលបានចូលនិវត្តន៍ ដើម្បីសំណេះសំណាល និងរំលឹកដឹងគុណ
នៅក្នុងពិធីចុះ សំណេះសំណាលនិងសួរសុខទុក្ខនោះដែរ លោកនិងក្រុមការងារបាននាំយកនូវអំណោយរបស់ ឯកឧត្តម នាយឧត្តមសេនីយ៍ ឧបនាយករដ្ឋមន្រ្តី កែ គឹមយ៉ាន ប្រធានអាជ្ញាធរជាតិ ប្រយុទ្ធប្រឆាំងគ្រឿងញៀន និងជាប្រធានក្រុមការងារថ្នាក់ជាតិចុះជួយ ខេត្តបន្ទាយមានជ័យនិងលោកជំទាវ ប្រគល់ជូនក្នុងម្នាក់ៗ មានថវិកា ចំនួន៥០ម៉ឺនរៀលនិងទឹកត្រចៀកកាំ០១កន្ត្រក ព្រមទាំងគោរពជូនពរឲ្យរៀមច្បងទាំងអស់ មានសុខភាពល្អ បរិបូរ មានកម្លាំងពលំមាំមួន អាយុយឺនយូរ។
ជាមួយគ្នានោះដែរ លោកឈឿង សុខុម និងលោកពៅ ស៊ីដន អតីត ជាស្នងការរង ចូលនិវត្តន៍ក៏បានថ្លែងអំណរគុណ និង បានជូនពរដល់លោកឧត្តមសេនីយ៍ស្នងការ ស្នងការរង រួមទាំងមន្ត្រីនគរបាល ខេត្តទាំងអស់ សូមឲ្យមានសុខភាពល្អ សម្រេចបាននូវរាល់ភារកិច្ចទាំងឡាយទាំងពួង ដែលថ្នាក់លើប្រគល់ជូន និងទទួលបានជោគជ័យរាល់ភារកិច្ចការពារសន្តិសុខសណ្តាប់ធ្នាប់ជូនប្រជាពលរដ្ឋ៕